3. na Elihorefu na Ahija, ariũ a Shisha, aandĩki-marũa; na Jehoshafatu wa Ahiludu, mwandĩki wa maũndũ ma ihinda rĩu;
4. nake Benaia wa Jehoiada nĩwe warĩ mũnene wa mbũtũ cia ita; nao Zadoku na Abiatharu nĩo maarĩ athĩnjĩri-Ngai;
5. nake Azaria wa Nathani aarĩ mwathi wa anyabara arĩa angĩ; nake Zabudu wa Nathani aarĩ mũthĩnjĩri-Ngai, o na mũratawe wa mũthamaki;
6. nake Ahisharu aarĩ mwathi wa andũ othe arĩa maatũire nyũmba ya mũthamaki; o nake Adoniramu wa Abida nĩwe waathaga andũ a kĩaro.
7. Ningĩ Suleimani aarĩ na anyabara ikũmi na erĩ arĩa maatuĩtwo arori a Aisiraeli othe; nao nĩo maamathagĩra mũthamaki, o na andũ othe a nyũmba yake, irio ciao cia kũrĩa; naguo wĩra wa mũndũ o mũndũ thĩinĩ wao warĩ wa kũmatha irio cia mweri ũmwe thĩinĩ wa mwaka mũgima.
8. Namo marĩĩtwa mao nĩ maya: Beni-huri, ũrĩa wabaragĩrĩra ũhoro ũcio bũrũri ũrĩa wĩ irĩma nyingĩ wa Efiraimu;
9. o nake Beni-dekeri, kũu Makazu, na Shaalubimu, na Bethi-shemeshu, na Eloni-bethi-hanani
10. o nake Beni-hesedi kũu Arubothu, na nowe wabaragĩrĩra ũhoro ũcio kũu Soko hamwe na bũrũri wothe wa Heferi;
11. o nake Beni-abinadabu kũu bũrũri ũrĩa mũtũũgĩru wa Dori; nake nĩwe wahikĩtie Tafathu, mwarĩ wa Suleimani;
12. o nake Baana wa Akiludu kũu Taanaka, na Megido, na Bethi-shani guothe kũrĩa gwakuhanĩrĩirie na Zarethani, mũhuro wa Jezireeli, kuuma Bethi-shani o nginya Abeli-mehola, gũthiĩte o ro ũguo kũng’etheire Jokimeamu;
13. o nake Beni-geberi, kũu Ramothu-gileadi; nake nĩwe wabaragĩrĩra ũhoro ũcio kũu mĩciĩ ya Jairu wa Manase, ĩrĩa ĩrĩ Gileadi, o na kũu ng’ongo cia Arigobu iria irĩ o kũu Bashani, nakuo nĩkuo kũrĩ matũũra manene mĩrongo ĩtandatũ me na thingo, o na hingĩro ithondeketwo na gĩcango;
14. o nake Ahinadabu wa Ido kũu Mahanaimu;
15. o nake Ahimaazu kũu Nafitali; nake nĩwe wahikirie Basemathu, mwarĩ wa Suleimani;
16. o nake Baana wa Hushai kũu Asheri na Bealothu;
17. o nake Jehoshafatu wa Parua, kũu Isakaru;
18. O nake Shimei wa Ela kũu Benjamini;
19. o nake Geberi wa Uri kũu bũrũri wa Gileadi, o bũrũri ũrĩa warĩ wa Sihoni, mũthamaki wa Aamori, o na wa Ogu, mũthamaki wa Bashani. Nake mũnyabara ũrĩa wabaragĩrĩra ũhoro ũcio bũrũri ũcio aarĩ o ũmwe.
20. Nao andũ a Juda o na a Isiraeli maarĩ aingĩ mũno makaigana o ta mũthanga ũrĩa ũrĩ hũgũrũrũ-inĩ cia iria nĩ ũndũ wa ũrĩa maaingĩhĩte, nao maatũire marĩaga na makanyua, o na magĩkenaga.
21. Nake Suleimani agĩgĩtũũra aathaga mothamaki mothe kuuma Rũũĩ rũa Farati o nginya bũrũri wa Afilisiti, o na mũhaka-inĩ wa Misiri; nao andũ a kũu makamũtwaragĩra iheo, na magĩtũũra mamũtungatagĩra matukũ mothe ma muoyo wake.
22. Nacio irio iria ciatwaragwo gwa Suleimani mũthenya ũmwe ciarĩ kori mĩrongo ĩtatũ cia mũtu mũhinyu mũno, o na kori mĩrongo ĩtandatũ cia mũtu o ro ũguo,
23. na ndegwa ikũmi noru, o na ndegwa mĩrongo ĩĩrĩ cia rũũru, o na ndũrũme igana, hamwe na thwariga, na thiya, na marong’a, o na nyamũ cia mathagu cia mũciĩ iria noru.
24. Nĩ ũndũ nĩwe waathaga bũrũri wothe wa mũrĩmo ũyũ wa Rũũĩ rũa Farati, kuuma Tifisa o nginya Gaza, na nĩwe waathaga athamaki othe arĩa maarĩ mũrĩmo ũyũ wa Rũũĩ rũu rũa Farati; nake agĩkĩgĩa na thayũ ndwere ciothe iria ciamũthiũrũrũkĩirie.
25. Nao Juda na Isiraeli magĩgĩtũũra matarĩ na ũgwati, nao othe, mũndũ o mũndũ agĩtũũra mũthabibu-inĩ wake, o na mũkũyũ-inĩ wake, kuuma Dani o nginya Biri-shiba, matukũ mothe ma Suleimani.
26. Nake Suleimani aakĩrĩ na tũnyũmba ngiri mĩrongo ĩna twa mbarathi ciake cia ngari cia ita, o na andũ ngiri ikũmi na igĩrĩ arĩa maathiaga mahaicĩte mbarathi.
27. Nao anyabara acio, o mũndũ mweri wake kĩũmbe, nĩo maabaragĩrĩra ũhoro ũcio wa irio cia mũthamaki, ti Suleimani, o na cia andũ othe arĩa maathiaga kũrĩa irio metha-inĩ yake; nao matiarekire kwage kĩndũ o na kĩmwe.
28. O nayo cairi na rũũa rũa ngano cia kũrĩo nĩ mbarathi na nyamũ iria ingĩ cia ihenya, magĩcitwarithia kũndũ kũrĩa ciarĩ, o mũndũ o ta ũrĩa itwara rĩake rĩatariĩ.
29. Nake Ngai agĩkĩhe Suleimani ũũgĩ, o na ũmenyi mũingĩ mũno wa maũndũ, o na gwata ũtugi wa ngoro ũingĩhĩte o ta mũthanga ũrĩa ũrĩ hũgũrũrũ-inĩ cia iria.
30. Naguo ũũgĩ ũcio wa Suleimani ũgĩkĩra mũno ũũgĩ wa ciana ciothe cia mwena wa irathĩro, o na ũũgĩ wothe wa Misiri.
31. Nĩ gũkorũo aarĩ mũũgĩ gũkĩra andũ arĩa angĩ othe; o na gũkĩra Ethani, ũrĩa Mũezara, o na Hemani, na Kalikoli, na Darida, ariũ a Maholu; nake akĩgĩa ngumo ndũrĩrĩ-inĩ ciothe iria ciamũthiũrũrũkĩirie.
33. Na ningĩ akĩaria ũhoro wa mĩtĩ, aambĩrĩirie mũtarakwa ũrĩa wĩ Lebanoni, o nginya mũthobi ũrĩa ũmeraga rũthingo-inĩ; o na ningĩ akĩaria ũhoro wa nyamũ cia gĩthaka, o na wa nyamũ iria ithiaga na mathagu, o na wa nyamũ iria itambaga thĩ, o na wa ciũngũyũ.
34. Nao andũ a ndũrĩrĩ ciothe moimĩte harĩ athamaki othe a thĩ, o arĩa maaiguĩte ũhoro wa ũũgĩ wa Suleimani, magĩthiĩ harĩ we makaigue ũũgĩ ũcio wake.