1. Na, rĩrĩ, ici nĩcio njiaro cia andũ a bũrũri wa Juda arĩa maambatire moimĩte thĩinĩ wa andũ arĩa maatahĩtwo, o acio maathiĩtwo nao nĩ Nebukadinezaru, mũthamaki wa Babuloni, arĩa maacokire kũu Jerusalemu o na Juda, o mũndũ itũũra rĩao,
2. makĩrehane na Zerubabeli, na Jeshua, na Nehemia, na Seraia, na Reelaia, na Moridekai, na Bilishani, na Misipari, na Bigivai, na Rehumu, na Baana. Mũigana wa arũme acio a andũ a Isiraeli-rĩ, watariĩ ũũ:
3. ciana cia Paroshu ciarĩ ngiri igĩrĩ na igana rĩmwe rĩa mĩrongo mũgwanja na igĩrĩ.
4. Na ciana cia Shefatia ciarĩ magana matatũ ma mĩrongo mũgwanja na igĩrĩ.
5. Na ciana cia Ara ciarĩ magana mũgwanja ma mĩrongo mũgwanja na ithano.
6. Na ciana cia Pahathu-moabi, iria cioimĩte harĩ ciana cia Jeshua na Joabu, ciarĩ ngiri igĩrĩ na magana manana ma ikũmi na igĩrĩ.
7. Na ciana cia Elamu ciarĩ ngiri ĩmwe na magana merĩ ma mĩrongo ĩtano na inya.
8. Na ciana cia Zatu ciarĩ magana kenda ma mĩrongo ĩna na ithano.
9. Na ciana cia Zakai ciarĩ magana mũgwanja ma mĩrongo ĩtandatũ.
10. Na ciana cia Bani ciarĩ magana matandatũ ma mĩrongo ĩna na igĩrĩ.
11. Na ciana cia Bebai ciarĩ magana matandatũ ma mĩrongo ĩĩrĩ na ithatũ.
12. Na ciana cia Azigadi ciarĩ ngiri ĩmwe na magana merĩ ma mĩrongo ĩĩrĩ na igĩrĩ.
13. Na ciana cia Adonikamu ciarĩ magana matandatũ ma mĩrongo ĩtandatũ na ithathatũ.
14. Na ciana cia Bigivai ciarĩ ngiri igĩrĩ na mĩrongo ĩtano na ithathatũ.
15. Na ciana cia Adini ciarĩ magana mana ma mĩrongo ĩtano na inya.
16. Na ciana cia Ateri wa Hezekia ciarĩ mĩrongo kenda na inyanya.
17. Na ciana cia Bezai ciarĩ magana matatũ ma mĩrongo ĩĩrĩ na ithatũ.
18. Na ciana cia Jora ciarĩ igana rĩmwe rĩa ikũmi na igĩrĩ.
19. Na ciana cia Hashumu ciarĩ magana merĩ ma mĩrongo ĩĩrĩ na ithatũ.
20. Na ciana cia Gibari ciarĩ mĩrongo kenda na ithano.
21. Na ciana cia Bethi-lehemu ciarĩ igana rĩmwe rĩa mĩrongo ĩĩrĩ na ithatũ.
22. Na andũ a Netofa maarĩ mĩrongo ĩtano na atandatũ.
23. Na andũ a Anathothu maarĩ igana rĩmwe rĩa mĩrongo ĩĩrĩ na anana.
24. Na ciana cia Azimavethu ciarĩ mĩrongo ĩna na igĩrĩ.
25. Na ciana cia Kiriathu-arimu na Kefira na Beerothu ciarĩ magana mũgwanja ma mĩrongo ĩna na ithatũ.
26. Na ciana cia Rama na Geba ciarĩ magana matandatũ ma mĩrongo ĩĩrĩ na ũmwe.
27. Na andũ a Mikimasi maarĩ igana rĩmwe rĩa mĩrongo ĩĩrĩ na erĩ.
28. Na andũ a Beth-eli na Ai maarĩ magana merĩ ma mĩrongo ĩĩrĩ na atatũ.
29. Na ciana cia Nebo ciarĩ mĩrongo ĩtano na igĩrĩ.
30. Na ciana cia Magibishi ciarĩ igana rĩmwe rĩa mĩrongo ĩtano na ithathatũ.
31. Na ciana cia Elamu ũrĩa ũngĩ ciarĩ ngiri ĩmwe na magana merĩ ma mĩrongo ĩtano na inya.
32. Na ciana cia Harimu ciarĩ magana matatũ ma mĩrongo ĩĩrĩ.
33. Na ciana cia Lodi na Hadidi na Ono ciarĩ magana mũgwanja ma mĩrongo ĩĩrĩ na ithano.
34. Na ciana cia Jeriko ciarĩ magana matatũ ma mĩrongo ĩna na ithano.
35. Na ciana cia Senaa ciarĩ ngiri ithatũ na magana matandatũ ma mĩrongo ĩtatũ.
36. Naho ha ũhoro wa athĩnjĩri-Ngai, kwarĩ ciana cia Jedaia, iria ciarĩ cia nyũmba ya Jeshua, nacio ciarĩ magana kenda ma mĩrongo mũgwanja na ithatũ.
37. Na ciana cia Imeri ciarĩ ngiri ĩmwe na mĩrongo ĩtano na igĩrĩ.
38. Na ciana cia Pashuri ngiri ĩmwe na magana merĩ ma mĩrongo ĩna na mũgwanja.
39. Na ciana cia Harimu ngiri ĩmwe na ikũmi na mũgwanja.
40. Naho ha ũhoro wa Alawii, kwarĩ ciana cia Jeshua na Kadimieli, cioimĩte harĩ ciana cia Hodavia, nacio ciarĩ mĩrongo mũgwanja na inya.
41. Naho ha ũhoro wa aini nyĩmbo, kwarĩ ciana cia Asafu igana rĩmwe rĩa mĩrongo ĩĩrĩ na inyanya.
42. Naho ha ũhoro wa ciana cia andũ arĩa maaikaragia mĩrango, kwarĩ ciana cia Shalumu, na cia Ateri, na cia Talimoni, na cia Akubu, na cia Hatita, na cia Shobai, nacio icio ciothe hamwe ciarĩ igana rĩmwe rĩa mĩrongo ĩtatũ na kenda.
43. O naho ha ũhoro wa Anethini, kwarĩ ciana cia Ziha, na cia Hasufa, na cia Tabaothu;
44. na ciana cia Keroso, na cia Siaha, na cia Padoni;
45. na ciana cia Lebana, na cia Hagaba, na cia Akubu;
46. na ciana cia Hagabu, na cia Shamulai, na cia Hanani;
47. na ciana cia Gideli, na cia Gaharu, na cia Reaia;
48. na ciana cia Rezini, na cia Nekoda, na cia Gazamu;
49. na ciana cia Uza, na cia Pasea, na cia Besai;
50. na ciana cia Asina, na cia Meunimu, na cia Nefisimu;
51. na ciana cia Bakabuku, na cia Hakafa, na cia Harihuru;
52. na ciana cia Baziluthu, na cia Mehida, na cia Harasha;
53. na ciana cia Barikosi, na cia Sisera, na cia Tema;
54. na ciana cia Nezia, na cia Hatifa.
55. Naho ha ũhoro wa ciana cia ndungata cia Suleimani, kwarĩ ciana cia Sotai, na cia Hasoferethu, na cia Peruda;
56. na ciana cia Jaaia, na ciana cia Darikoni, na cia Gideli;
57. na ciana cia Shefatia, na cia Hatili, na cia Pokerethu-hazebaimu, na cia Ami.
58. Na rĩrĩ, Anethini acio othe, me hamwe na ciana icio cia ndungata cia Suleimani, maarĩ andũ magana matatũ ma mĩrongo kenda na erĩ.
59. Nao aya nĩo maambatire moimĩte Teli-mela, na Teli-harasha, o na Kerubu, na Adani, na Imeri, magĩthiĩ na arĩa angĩ; no rĩrĩ, matiigana kũhota kuonania wega ũhoro wa nyũmba cia maithe mao, o na mbeũ yao, kũmenyeke wega kana maarĩ Aisiraeli kana aca;
60. nĩ ciana cia Delaia, na cia Tobia, na cia Nekoda, nacio ciarĩ magana matandatũ ma mĩrongo ĩtano na igĩrĩ.
61. Ningĩ thĩinĩ wa ciana cia athĩnjĩri-Ngai kwarĩ ciana cia Habaia, na cia Hakozu, na cia Barizilai, ũrĩa wahikirie mũirĩtu ũmwe wa airĩtu a Barizilai, Mũgileadi, nake agĩtuwo rĩĩtwa o ro rĩu rĩao.
62. Andũ acio nĩmaacaririe ũhoro wa njiaro ciao thĩinĩ wa marĩĩtwa ma andũ arĩa maandĩkĩtwo o ta ũrĩa njiaro ciao ciatariĩ, no ndũigana kuoneka; tondũ ũcio magĩkĩonwo ta magwatĩtwo nĩ thahu, magĩthengio matige gũcoka gũtuĩka athĩnjĩri-Ngai.
63. Nake barũthi akĩmera matikarĩe indo iria nyamũre mũno, o nginya hĩndĩ ĩrĩa hakoneka mũthĩnjĩri-Ngai ũrĩ na Urimu na Thumimu.
64. Nakĩo kĩrĩndĩ kĩu gĩothe hamwe kĩarĩ andũ ngiri mĩrongo ĩna na igĩrĩ, na magana matatũ ma mĩrongo ĩtandatũ,
65. thengia ndungata ciao cia arũme na cia andũ-a-nja; nacio ndungata icio ciarĩ andũ ngiri mũgwanja na magana matatũ ma mĩrongo ĩtatũ na mũgwanja; o na ningĩ maarĩ hamwe na andũ magana merĩ arĩa maainaga nyĩmbo, arũme, o na andũ-a-nja.
66. Nacio mbarathi ciao ciarĩ magana mũgwanja ma mĩrongo ĩtatũ na ithathatũ; nacio nyũmbũ ciao ciarĩ magana merĩ ma mĩrongo ĩna na ithano;
67. nacio ngamĩra ciao ciarĩ magana mana ma mĩrongo ĩtatũ na ithano; o nacio ndigiri ciao ciarĩ ngiri ithathatũ na magana mũgwanja ma mĩrongo ĩĩrĩ.
68. Na rĩrĩ, hĩndĩ ĩrĩa kĩrĩndĩ kĩu gĩothe gĩakinyire nyũmba ya Jehova ĩrĩa ĩrĩ o kũu Jerusalemu, anene amwe a nyũmba cia maithe ma andũ acio makĩruta indo na kwĩendera nĩ ũndũ wa nyũmba ya Jehova, nĩ getha ĩcoke yakwo handũ hayo kĩũmbe;
69. nao magĩkĩruta indo icio o ta ũrĩa hinya wao waiganĩte, nacio ciarĩ mbaũni cia thahabu ngiri mĩrongo ĩtandatũ na ĩmere, na ratiri ngiri ithano cia betha, o na nguo igana rĩmwe cia kwĩhumbwo nĩ athĩnjĩri-Ngai, magĩciĩkĩra mũthithũ-inĩ wa indo iria ciaamũrĩtwo cia wĩra ũcio.
70. Ũguo nĩguo athĩnjĩri-Ngai, o na Alawii, o na andũ amwe angĩ, gwata aini nyĩmbo, o na aikaria mĩrango, o na Anethini, maacokire gũtũũra matũũra-inĩ mao; o nao Aisiraeli othe magĩtũũra matũũra-inĩ mao.