2. Nake agĩkĩaria ariũ a ithe me ho, o na athigari a ita a Samaria, akĩũria atĩrĩ, Ĩ Ayahudi aya ahinyaru ũũ mareka atĩa hihi? Anga marenda kwĩĩkĩra hinya megitĩre? Kana hihi nĩ magongona mekũruta? Anga nĩmegũkĩrĩkia wĩra ũyũ mũthenya o ro ũmwe? Anga nĩmagakĩriũkia mahiga marĩa maateirũo hĩba-inĩ cia mahuti, kuona atĩ nĩmacinĩtwo?
3. Na rĩrĩ, Tobia, Mũamoni, aakĩrĩ hakuhĩ nake; nake agĩkiuga atĩrĩ, O naruo rũthingo rũu maraaka rũa mahiga-rĩ, o na mbwe ĩngĩrũhaica yarũmomora.
5. Naguo ũũru wao ndũkanaũhithĩrĩre, o na mehia mao ndũkanamahuurithie atĩ nĩguo matige kuonwo nĩwe; nĩ ũndũ nĩmagũthirĩkĩtie magatũma ũrakare me harĩ aaki aya.
6. Ũguo nĩguo twagĩakire rũthingo rũu, naruo rũthingo rũu ruothe rũkĩnyitithanio, rũgĩgĩkinya gatagatĩ ka harĩa rũendagwo rũkinye na igũrũ; nĩ gũkorũo andũ acio maarutire wĩra ũcio me na ngoro ikwenda kũũnina narua.
7. No rĩrĩ, gũgĩkinya atĩrĩ, atĩ hĩndĩ ĩrĩa Sanibalati, na Tobia, o na Aarabu, na Aamoni, na Aaahidodu, maaiguire atĩ wĩra ũcio wa gũcokereria rũthingo rũa Jerusalemu kũrĩa rũathũkĩte no ũrathiĩ na mbere, o na atĩ mathenya marĩa matharũku nĩmaitĩkĩte gwakwo, magĩkĩrakara mũno;
9. No ithuĩ nĩ kũhoya twahoire Ngai witũ, na tũkĩiga andũ a gũtũrangĩra harĩ o mũthenya na ũtukũ.
10. Nao Ayahudi makiuga atĩrĩ, Hinya wa andũ arĩa makuuaga mĩrigo nĩũnyihanyihĩte, na ningĩ mahuti maya marũndĩtwo gũkũ nĩ maingĩ, na tondũ ũcio tũtingĩhota gwaka rũthingo rũrũ.
11. Nacio thũ ciitũ ikiuga atĩrĩ, Matikamenya ũndũ o na ũrĩkũ, o na kana mone na maitho, nginya o hĩndĩ ĩrĩa tũgakinya thĩinĩ wao, tũmorage, tũtũme wĩra ũcio ũtige kũrutwo.
12. Na gũgĩkinya atĩrĩ, atĩ hĩndĩ ĩrĩa Ayahudi arĩa maatũire gũkuhĩ nao moimaga kwao magoka kũrĩ ithuĩ, makĩrũmanĩria o ta maita ikũmi gũtwĩra atĩrĩ, Andũ aya nĩmareyũngania moke matũhũre matuumĩte na mĩena yothe.
13. Tondũ ũcio ngĩkĩiga andũ handũ harĩa hakubu na kũu thutha wa rũthingo rũu, manyitĩte hiũ ciao cia njora, na matimũ, na mota, o ta ũrĩa mbarĩ ciao ciatariĩ.
14. Ngĩkĩbara wega, ngĩũkĩra ngĩĩra andũ arĩa marĩ igweta, o na aathani, o na andũ arĩa angĩ, atĩrĩ, Menyai mũmetigĩre; ririkanai Jehova, we ũrĩa mũnene na wa kũmakania, mũhũranĩre ariũ a ithe wanyu, na ariũ anyu, na airĩtu anyu, na atumia anyu, o na nyũmba cianyu.
15. Na gũgĩkinya atĩrĩ, atĩ hĩndĩ ĩrĩa thũ ciitũ ciaiguire atĩ nĩtũmenyete ũhoro ũcio, nake Ngai agĩkorũo atũmĩte cira wao ũtuĩke wa tũhũ-rĩ, tũgĩkĩhũndũka ithuothe, tũgĩcoka o rũthingo-inĩ, o mũndũ agĩcoka wĩra-inĩ wake.
16. Na gũgĩkinya atĩrĩ, atĩ kuuma hĩndĩ ĩo, nuthu ya ndungata ciakwa ĩgĩtuĩka nduti wĩra, o nayo nuthu ĩrĩa ĩngĩ yao ĩkĩnyita matimũ na ngo, na mota, o na nguo cia igera; nao aathani makĩrũgama na thutha wa andũ othe a nyũmba ya Juda.
17. Nao andũ arĩa maakaga rũthingo, o na arĩa maakuuaga mĩrigo, o mũndũ akĩĩoera mũtĩ wa mbaara; mũndũ o mũndũ wao agakĩrutaga wĩra wake na guoko kũmwe, nakuo guoko kũrĩa kũngĩ akanyita indo ciake cia mbaara nakuo;
19. Na niĩ ngĩĩra andũ arĩa marĩ igweta, o na aathani, o na andũ arĩa angĩ, atĩrĩ, Wĩra ũyũ nĩ mũingĩ na nĩ mũnene, na ithuĩ tũharaganĩirie rũthingo-inĩ igũrũ, o mũndũ agaikara haraya na ũrĩa ũngĩ;
21. Ũguo nĩguo twakĩrutire wĩra ũcio; nayo nuthu ĩmwe ya andũ aitũ ĩgakĩnyitaga matimũ kuuma o rũcinĩ nginya o hĩndĩ ĩrĩa njata irĩonwo hwaĩ-inĩ.
22. Ningĩ ihinda o ro rĩu ngĩĩra andũ atĩrĩ, O mũndũ nĩaraarage gũkũ Jerusalemu me na ndungata yake, nĩ getha matũrangagĩre ũtakũ, na marutage wĩra mũthenya.
23. Tondũ ũcio, o na niĩ, niĩ mwene, o na ariũ a baba, o na ndungata ciakwa, o na andũ arĩa arangĩri arĩa maanũmĩrĩire, gũtiarĩ mũndũ o na ũmwe witũ warutaga nguo ciake mwĩrĩ, tiga o rĩrĩa athiĩte gwĩthamba.