1. Na gũgĩkinya atĩrĩ, atĩ rũthingo o rũarĩkia gwakwo, na niĩ ngĩkorũo njĩkĩrĩte mĩrango ihingo-inĩ, o na aikaria ayo, o na aini nyĩmbo, o na Alawii magathurĩrũo mawĩra mao-rĩ,
2. ngĩkĩhe Hanani, mũrũ wa awa, o na Hanania mũnene wa nyũmba ĩrĩa yakĩtwo na hinya wathani, nĩguo maathanage Jerusalemu; nĩ gũkorũo Hanania aarĩ mwĩhokeku, na agetigĩra Ngai gũkĩra andũ aingĩ.
3. Ningĩ ngĩmera atĩrĩ, Ihingo cia Jerusalemu nĩimenyererũo itikahingũragwo o nginya hĩndĩ ĩrĩa riũa rĩrĩkoragwo rĩarĩte, na mĩrango yacio ĩhingagwo andũ a kũmĩrangĩra marĩ ho, na mũmĩĩkagĩre igera cia kũgiria ĩhingũrũo; o na ningĩ thurai arangĩri arĩ inyuĩ thĩinĩ wa andũ arĩa matũũraga Jerusalemu, o mũndũ arangage ituanĩra-inĩ rĩake, na mũndũ o mũndũ arangage ang’ethanĩire na nyũmba yake.
4. Na rĩrĩ, itũũra rĩu rĩarĩ rĩariĩ na rĩkaneneha, no rĩrĩ, andũ arĩa maatũire kuo thĩinĩ matiarĩ aingĩ, na nyũmba itiaakĩtwo.
5. Nake Ngai wakwa agĩgĩtũma ngoro yakwa yende gũcokereria andũ arĩa anene a matũũra, o na arĩa maathanaga, o na andũ arĩa angĩ, nĩ getha matarũo o ta ũrĩa njiaro ciao itariĩ. Ngĩkĩona ibuku rĩrĩa rĩa ũhoro wa njiaro cia andũ arĩa maambatire rĩa mbere, na thĩinĩ warĩo ngĩona rĩandĩkĩtwo ũũ:
6. Ici nĩcio ciana cia andũ a bũrũri wa Juda iria ciaambatire ciumĩte thĩinĩ wa andũ arĩa maatahĩtwo, o acio maathiĩtwo nao nĩ Nebukadinezaru, mũthamaki wa Babuloni, iria ciacokire Jerusalemu, o na Juda, o mũndũ itũũra rĩao.
7. Nao nĩo maarehanire na Zerubabeli, na Jeshua, na Nehemia, na Azaria, na Raamia, na Nahamani, na Moridekai, na Bilishani, na Misi-perethu, na Bigivai, na Nehumu, na Baana. Mũigana wa arũme acio a andũ a Isiraeli-rĩ, watariĩ ũũ:
8. Ciana cia Paroshu ciarĩ ngiri igĩrĩ na igana rĩmwe rĩa mĩrongo mũgwanja na igĩrĩ.
9. Na ciana cia Shefatia ciarĩ magana matatũ ma mĩrongo mũgwanja na igĩrĩ.
10. Na ciana cia Ara ciarĩ magana matandatũ ma mĩrongo ĩtano na igĩrĩ.
11. Na ciana cia Pahathu-moabi, iria ciumĩte harĩ ciana cia Jeshua na Joabu, ciarĩ ngiri igĩrĩ na magana manana ma ikũmi na inyanya.
12. Na ciana cia Elamu ciarĩ ngiri ĩmwe na magana merĩ ma mĩrongo ĩtano na inya.
13. Na ciana cia Zatu ciarĩ magana manana ma mĩrongo ĩna na ithano.
14. Na ciana cia Zakai ciarĩ magana mũgwanja ma mĩrongo ĩtandatũ.
15. Na ciana cia Binui ciarĩ magana matandatũ ma mĩrongo ĩna na inyanya.
16. Na ciana cia Bebai ciarĩ magana matandatũ ma mĩrongo ĩĩrĩ na inyanya.
17. Na ciana cia Azigadi ciarĩ ngiri igĩrĩ na magana matatũ ma mĩrongo ĩĩrĩ na igĩrĩ.
18. Na ciana cia Adonikamu ciarĩ magana matandatũ ma mĩrongo ĩtandatũ na mũgwanja.
19. Na ciana cia Bigivai ciarĩ ngiri igĩrĩ na mĩrongo itandatũ na mũgwanja.
20. Na ciana cia Adini ciarĩ magana matandatũ ma mĩrongo ĩtano na ithano.
21. Na ciana cia Ateri wa Hezekia ciarĩ mĩrongo kenda na inyanya.
22. Na ciana cia Hashumu ciarĩ magana matatũ ma mĩrongo ĩĩrĩ na inyanya.
23. Na ciana cia Bezai ciarĩ magana matatũ ma mĩrongo ĩĩrĩ na inya.
24. Na ciana cia Harifa ciarĩ igana rĩa ikũmi na igĩrĩ.
25. Na ciana cia Gibeoni ciarĩ mĩrongo kenda na ithano.
26. Na andũ a Bethi-lehemu na Netofa maarĩ igana rĩa mĩrongo ĩnana na anana.
27. Na andũ a Anathothu maarĩ igana rĩa mĩrongo ĩĩrĩ na anana.
28. Na andũ a Bethi-azamavethu maarĩ mĩrongo ĩna na erĩ.
29. Na andũ a kũu Kiriathu-jearimu, na Kefira, na Beerothu, maarĩ magana mũgwanja ma mĩrongo ĩna na atatũ.
30. Nao andũ a Rama na Geba maarĩ magana matandatũ ma mĩrongo ĩĩrĩ na ũmwe.
31. Na andũ a Mikimasi maarĩ igana rĩmwe rĩa mĩrongo ĩĩrĩ na erĩ.
32. Na andũ a Beth-eli na Ai maarĩ igana rĩa mĩrongo ĩĩrĩ na atatũ.
33. Na andũ a Nebo rĩa kerĩ maarĩ mĩrongo ĩtano na erĩ.
34. Na ciana cia Elamu ũrĩa ũngĩ ciarĩ ngiri ĩmwe na magana merĩ ma mĩrongo ĩtano na inya.
35. Na ciana cia Harimu ciarĩ magana matatũ ma mĩrongo ĩĩrĩ.
36. Na ciana cia Jeriko ciarĩ magana matatũ ma mĩrongo ĩna na ithano.
37. Na ciana cia Lodi na Hadidi na Ono ciarĩ magana mũgwanja ma mĩrongo ĩĩrĩ na ũmwe.
38. Na ciana cia kũu Senaa ciarĩ ngiri ithatũ na magana kenda ma mĩrongo ĩtatũ.
39. Naho ha ũhoro wa athĩnjĩri-Ngai, kwarĩ ciana cia Jedaia, wa nyũmba ya Jeshua, nacio ciarĩ magana kenda ma mĩrongo mũgwanja na ithatũ.
40. Na ciana cia Imeri ciarĩ ngiri ĩmwe na mĩrongo ĩtano na igĩrĩ.
41. Na ciana cia Pashuri ciarĩ ngiri ĩmwe na magana merĩ ma mĩrongo ĩna na mũgwanja.
42. Na ciana cia Harimu ciarĩ ngiri ĩmwe na ikũmi na mũgwanja.
43. O naho ha ũhoro wa Alawii, kwarĩ ciana cia Jeshua, na cia Kadimieli, cioimĩte harĩ ciana cia Hodeva, nacio ciarĩ mĩrongo mũgwanja na inya.
44. Naho ha ũhoro wa aini nyĩmbo, kwarĩ ciana cia Asafu, nacio ciarĩ igana rĩmwe rĩa mĩrongo ĩna na inyanya.
45. Naho ha ũhoro wa aikaria mĩrango, kwarĩ ciana cia Shalumu, na cia Ateri, na cia Talimoni, na cia Akubu, na cia Hatita, na cia Shobai, nacio icio ciothe hamwe ciarĩ igana rĩa mĩrongo ĩtatũ na inyanya.
46. Na ha ũhoro wa Anethini-rĩ, kwarĩ ciana cia Ziha, na cia Hasufa, na cia Tabaothu,
47. na cia Keroso, na cia Sia, na cia Padoni,
48. na cia Lebana, na cia Hagaba, na cia Salimai,
49. na cia Hanani, na cia Gideli, na cia Gahari,
50. na cia Reaia, na cia Rezini, na cia Nekoda,
51. na cia Gazamu, na cia Uza, na cia Pasea,
52. na cia Besai, na cia Meunimu, na cia Nefushesimu,
53. na cia Bakabuku, na cia Hakufa, na cia Harihuri,
54. na cia Bazilithu, na cia Mehida, na cia Harasha,
55. na cia Barikosu, na cia Sisera, na cia Tema,
56. na cia Nezia, na cia Hatifa.
57. Naho ha ũhoro wa ciana cia ndungata cia Suleimani, kwarĩ ciana cia Sotai, na cia Soferethu, na cia Perida;
58. na cia Jaala, na cia Darikoni, na cia Gideli,
59. na cia Shefatia, na cia Hatili, na cia Pokerethu-hazebaimu, na cia Amoni.
60. Anethini acio othe, me hamwe na ciana icio cia ndungata cia Suleimani, maarĩ magana matatũ ma mĩrongo kenda na erĩ.
61. Nao aya nĩo maambatire moimĩte Teli-mela, na Teli-harasha, na Kerubu, na Adoni, na Imeri, magĩthiĩ na arĩa angĩ, no rĩrĩ, matiigana kuonania wega ũhoro wa nyũmba cia maithe mao, o na mbeũ yao, kũmenyeke kana hihi maarĩ a Isiraeli, kana aca;
62. nĩ ciana cia Delaia, na cia Tobia, na cia Nekoda, nacio ciarĩ magana matandatũ ma mĩrongo ĩna na igĩrĩ.
63. Ningĩ thĩinĩ wa ciana cia athĩnjĩri-Ngai kwarĩ ciana cia Hobaia, na cia Hakozu, na cia Barizilai, ũrĩa wahikirie mũka wa airĩtu a Barizilai, Mũgileadi, na agetagwo rĩĩtwa o ro rĩu rĩao.
64. Andũ acio nĩmaacaririe ũhoro wa njiaro ciao thĩinĩ wa marĩĩtwa ma andũ arĩa maandĩkĩtwo o ta ũrĩa njiaro ciao ciatariĩ, no ndũigana kuoneka; tondũ ũcio magĩkĩonwo ta magwatĩtwo nĩ thahu, makĩingatwo matigacoke gũtuĩka athĩnjĩri-Ngai.
65. Nake barũthi akĩmera atĩ matikarĩe indo iria nyamũre mũno o nginya hĩndĩ ĩrĩa hakoneka mũthĩnjĩri-Ngai wĩ na Urimu na Thumimu.
66. Nakĩo kĩrĩndĩ kĩu gĩothe hamwe kĩarĩ andũ ngiri mĩrongo ĩna na igĩrĩ na magana matatũ ma mĩrongo ĩtandatũ,
67. thengia ndungata ciao cia arũme na cia andũ-a-nja; nacio ndungata icio ciarĩ andũ ngiri mũgwanja na magana matatũ ma mĩrongo ĩtatũ na mũgwanja; o na ningĩ maarĩ na andũ magana merĩ ma mĩrongo ĩna na atano arĩa maainaga nyĩmbo, arũme na andũ-a-nja.
68. Nacio mbarathi ciao ciarĩ magana mũgwanja ma mĩrongo ĩtatũ na ithathatũ; nacio nyũmbũ ciao ciarĩ magana merĩ ma mĩrongo ĩna na ithano;
69. nacio ngamĩra ciao ciarĩ magana mana ma mĩrongo ĩtatũ na ithano; o nacio ndigiri ciao ciarĩ ngiri ithathatũ cia magana mũgwanja ma mĩrongo ĩĩrĩ.
70. Na rĩrĩ, andũ amwe arĩa maarĩ atongoria a nyũmba cia maithe ma andũ acio nĩmaarutire indo ciao nĩ ũndũ wa wĩra ũcio. Ũrĩa barũthi akĩruta mbaũni cia thahabu ngiri ĩmwe, o na mbakũri mĩrongo ĩtano, na nguo magana matano ma mĩrongo ĩtatũ cia athĩnjĩri-Ngai, agĩciiga mũthithũ-inĩ.
71. O nao anene amwe a nyũmba cia maithe mao makĩruta mbaũni cia thahabu ngiri mĩrongo ĩĩrĩ, o na ratiri ngiri ĩgirĩ na magana merĩ cia betha, magĩciiga mũthithũ-inĩ wa indo cia kũrutithia wĩra ũcio.
72. O nacio mbaũni cia thahabu iria ciarutirũo nĩ andũ arĩa angĩ ciarĩ ngiri mĩrongo ĩĩrĩ, o na ratiri ngiri igĩrĩ cia betha, o na nguo cia athĩnjĩri-Ngai mĩrongo ĩtandatũ na mũgwanja.
73. Ũguo nĩguo athĩnjĩri-Ngai, na Alawii, na aikaria mĩrango, na aini nyĩmbo, na andũ amwe thĩinĩ wa andũ arĩa angĩ, na Anethini, o na Aisiraeli othe, maacokire gũtũũra matũũra-inĩ mao.
Na rĩrĩ, mweri wa mũgwanja wakinya-rĩ, ciana cia Isiraeli ciakorirũo itũũrĩte o ro ũguo matũũra-inĩ ma cio.