Go Back

Thaburi Chapter 114

• 1. HINGO ĩrĩa Isiraeli moimire Misiri, nyũmba ya Jakubu rĩrĩa moimire gwa kĩruka gĩathiomaga-rĩ,
• 2. Hĩndĩ ĩo kwa Juda nĩkuo gwatuĩkire handũ hake haamũre, gwa Isiraeli-rĩ, gũgĩtuĩka nĩkuo ũthamakĩro wake.
• 3. Iria rĩrĩa inene nĩrĩonire ũguo, rĩkĩũra; rũũĩ rũa Jorodani naruo rũgĩcoka na thutha.
• 4. Ithuri nĩciatũhatũhire ta ndũrũme, irĩma ikarũũgarũũga ta tũgondu.
• 5. Kaĩ ũkĩonete atĩa, wee iria rĩrĩ, tondũ ũkũũra? o nawe Jorodani, tondũ ũragĩcoka na thutha?
• 6. Na inyuĩ ithuri ici, na inyuĩ-rĩ, mũkĩonete kĩ, tondũ mũratũhatũha ta ndũrũme; inyuĩ irĩma, tondũ mũrarũũgarũũga ta tũgondu?
• 7. Wee, thĩ ĩno-rĩ, no kĩinainage mbere ya ũthiũ wa Mwathani, ĩĩ-ni, mbere ya ũthiũ wa Ngai wa Jakubu,
• 8. O we ũcio mũgarũri ndũmba ya ihiga ĩgatuĩka iria rĩa maĩ, ihiga o rĩrĩa rĩũmũ mũno rĩgagĩtuĩka gĩthima gĩa gũtherũkaga.

Home