Go Back

Thaburi Chapter 121

• 1. NĨNGŨTIIRA maitho ndorererie irĩma-inĩ: ĩ ũteithio wakwa ũgũkiuma na kũ?
• 2. Ũteithio wakwa-rĩ, uumaga kwĩ Jehova, ũrĩa wombire igũrũ na thĩ.
• 3. We ndarĩ hĩndĩ angĩreka kũgũrũ gwaku gũtirũke: ũcio mũmenyereri waku ndarĩ hingo angĩcũnga.
• 4. Mũmenyereri wa Isiraeli-rĩ, ndarĩ hingo angĩcũnga kana ahĩtwo nĩ toro.
• 5. Jehova nĩwe mũkũmenyereri; Jehova-rĩ, nĩ kĩĩgunyĩ harĩ wee, mwena waku wa ũrĩo.
• 6. Mũthenya, wee ndũngĩringĩka nĩ riũa, kana ũtukũ ũringĩke nĩ mweri.
• 7. Ũũru wothe nĩ Jehova ũrĩkũriragĩra; muoyo waku nĩarĩũmenyagĩrĩra.
• 8. Ũkiumagara ũthiĩ, na ũgĩcoka na mũciĩ, Jehova no arĩkũmenyagĩrĩra, kuuma rĩu nginya tene na tene.

Home