Go Back
Thaburi Chapter 122
-
1. NĨ GUKENA ndĩrakenire maanjĩra tũthiĩ nyũmba-inĩ ya Jehova.
-
2. Magũrũ maitũ rĩu nĩkuo marũngiĩ,
ihingo ciaku na thĩinĩ, wee Jerusalemu;
-
3. Jerusalemu, o wee wakĩtwo
ta gĩtũũro gĩtumaine o wega.
-
4. Nĩkuo mĩhĩrĩga ĩthiaga ĩkĩambatagĩrĩra, mĩhĩrĩga o ĩo ya Jehova:
nĩ ũira harĩ Isiraeli, ĩgĩthiaga kuo gũcokeria rĩĩtwa rĩa Jehova ngatho.
-
5. Nĩ gũtuĩka nĩkuo kwaigĩtwo itĩ iria cia cira,
itĩ cia ũnene, o iria cia mbarĩ ya Daudi.
-
6. Kĩhoerei Jerusalemu thayũ:
arĩa wee makwendete-rĩ, marotũũra magaacĩirũo.
-
7. Gwaku o ũguo kũirigĩtwo kũroikara o thayũ,
thĩinĩ wa nyũmba ciaku cia ũnene kũrotũũra gwĩ kũhoro.
-
8. Tondũ wa andũ aitũ, o na arata arĩa tũikaranagia nao,
ngũkiuga atĩrĩrĩ, Thĩinĩ waku kũrotũũra o na thayũ!
-
9. Tondũ wa nyũmba ya Jehova Ngai witũ-rĩ,
ndĩĩgũcaragĩria o maũndũ ma wega.
Home