Go Back

Thaburi Chapter 136

• 1. Ĩ GĨCOKERIEI Jehova ngatho, tondũ nĩ mwega, tondũ ũtugi wake nĩ wa tene na tene.
• 2. Ũcio Ngai wa ngai ciothe-rĩ, mũcokeriei ngatho, tondũ ũtugi wake nĩ wa tene na tene.
• 3. We Mwathani wa aathani othe-rĩ, mũcokeriei ngatho, tondũ ũtugi wake nĩ wa tene na tene.
• 4. Mũgathei arĩ we wiki wĩkaga magegania manene: tondũ ũtugi wake nĩ wa tene na tene.
• 5. O we ũrĩa wombire igũrũ na ũtaũku wake: tondũ ũtugi wake nĩ wa tene na tene.
• 6. O ũrĩa watambũrũkirie thĩ igũrũ rĩa maĩ: tondũ ũtugi wake nĩ wa tene na tene.
• 7. O ũrĩa wombire imũrĩ nene: tondũ ũtugi wake nĩ wa tene na tene.
• 8. Riũa rĩathage mũthenya: tondũ ũtugi wake nĩ wa tene na tene.
• 9. Mweri na njata ciathage ũtukũ: tondũ ũtugi wake nĩ wa tene na tene.
• 10. O we ũrĩa waringire a Misiri nĩ kũmoragĩra marigithathi mao: tondũ ũtugi wake nĩ wa tene na tene.
• 11. Akĩruta a Isiraeli kũu gatagatĩ kao: tondũ ũtugi wake nĩ wa tene na tene.
• 12. Agĩĩka ũguo na guoko kwĩ hinya, na atambũrũkĩtie gĩcoka: tondũ ũtugi wake nĩ wa tene na tene.
• 13. O we ũrĩa waatũrire Iria Itune njatũ igĩrĩ: tondũ ũtugi wake nĩ wa tene na tene.
• 14. Agĩgĩtũma a Isiraeli matuĩkanie gatagatĩ karĩo: tondũ ũtugi wake nĩ wa tene na tene.
• 15. Nake Firauni na ita ciake akĩmathinĩkania kũu Iria Itune thĩinĩ: tondũ ũtugi wake nĩ wa tene na tene.
• 16. O we ũrĩa watongoririe kĩrĩndĩ gĩake agĩgĩtuĩkanithĩria werũ-inĩ: tondũ ũtugi wake nĩ wa tene na tene.
• 17. Ũrĩa waringire athamaki anene: tondũ ũtugi wake nĩ wa tene na tene.
• 18. Agĩkĩũraga athamaki maarĩ igweta: tondũ ũtugi wake nĩ wa tene na tene.
• 19. Sihoni, mũthamaki wa Aamori: tondũ ũtugi wake nĩ wa tene na tene.
• 20. Na Ogu, mũthamaki wa Bashani: tondũ ũtugi wake nĩ wa tene na tene.
• 21. Akĩheana bũrũri wao ũtuĩke igai: tondũ ũtugi wake nĩ wa tene na tene.
• 22. Ũtuĩke igai rĩa Isiraeli, ndungata yake: tondũ ũtugi wake nĩ wa tene na tene.
• 23. O we ũrĩa watũririkanire rĩrĩa twanyihĩrĩire: tondũ ũtugi wake nĩ wa tene na tene.
• 24. Agĩtũhatũra harĩ arĩa maarĩ a-muku aitũ: tondũ ũtugi wake nĩ wa tene na tene.
• 25. Arĩa othe me mwĩrĩ, nĩwe mũmahei irio: tondũ ũtugi wake nĩ wa tene na tene.
• 26. Ĩ no gĩcokiei ngatho harĩ Mũrungu, o we ũtũũraga igũrũ: tondũ ũtugi wake nĩ wa tene na tene.

Home