2.
Reke ihoya rĩakwa rĩambate mbere yaku ta mũtararĩko wa ũbumba,
ngĩara hĩ nĩgũgĩtuĩke no ta gũkĩrutwo igongona rĩrĩa rĩa hwaĩ-inĩ.
3. Iga mũrangĩri kanua-inĩ gakwa, Jehova,
ũkĩnjikaragĩrie mũrango ũyũ wa mĩromo yakwa.
4. Ndũkanareke ngoro yakwa yerekere na kũrĩ ũndũ mũũru o na ũrĩkũ,
ndigagĩtuĩke mwĩki wa maũndũ ma ũmaramari
hamwe na andũ arĩa mekaga waganu;
rũkũri rũu rũao-rĩ, niĩ ndĩkanagĩtuĩke mũrĩi waruo.
5. Mũndũ mũthingu o na nĩaninge, kũu nĩ kũnduga aanduga;
kũndũithia nĩandũithie, naguo no ta maguta ngũhakwo mũtwe;
mũtwe wakwa nĩũtige kũmarega:
na niĩ kũhoya no ’hoyage nĩ ũndũ wa ũũru wao.
6. Rĩrĩa athamaki ao magakorũo matengemanĩtio na mĩena ya rũaro-rĩ,
nĩrĩo makaigua ndeto ciakwa, mamenye nĩ njega.
7. O ta ũrĩa mũndũ aatũraga ngũ agĩcithendũrangagĩra thĩ,
no taguo mahĩndĩ maitũ maharaganĩtio mũromo-inĩ wa kwa-ngoma.
8. Wee Jehova Mwathani-rĩ, nowe maitho makwa marorereirie:
nĩwe ndĩĩgiritĩtie harĩ we; tiga gũitũrũra muoyo wakwa thĩ.
9. Ndiganĩrĩria na mũtego ũrĩa ndegetwo naguo,
giria ngagwatwo nĩ mĩũgũ ya acio eki maũndũ ma waganu.