Go Back

Thaburi Chapter 146

• 1. GOOCAI Jehova! Wee ngoro yakwa-rĩ, gooca Jehova!
• 2. Ngũtũũra ngumagia Jehova hingo ĩrĩa yothe ngũikara ndĩ muoyo; Ngai wakwa-rĩ, nĩndĩĩmũinagĩra ngĩmũgoocaga hĩndĩ ĩrĩa yothe ndĩ ho.
• 3. Tigagai kwĩhoka anene, atĩ mwĩhoke mwana wa mũndũ, na ndangĩhota kũhonokania.
• 4. Aathirũo nĩ mĩheehũ ĩo e nayo, acokaga thĩ o tĩri-inĩ na harĩa oimire; mũthenya o ro ũcio mathugunda make magathira.
• 5. Gũkena-rĩ, nĩ mũndũ ũrĩa Mũrungu wa Jakubu arĩ we mũmũteithia, wĩrĩgĩrĩro wake ũgakĩgĩa oharĩ Jehova Ngai wake,
• 6. O ũrĩa wombire igũrũ na thĩ, na iria rĩrĩa inene, na indo ciothe iria ii kuo; ũrĩa ũtũũraga arĩ o wa ma tene na tene;
• 7. O we ũrĩa ũtuagĩra andũ arĩa agũmĩre matuĩro ma kĩhooto; ũrĩa ningĩ ũheaga arĩa ahũtu irio. Jehova-rĩ, arĩa ohe nĩamohoraga,
• 8. Jehova nĩahingũraga arĩa atumumu maitho, Jehova nĩainamũraga arĩa mekonotete, Jehova nĩenda arĩa athingu;
• 9. Jehova-rĩ, nĩamenyagĩrĩra ageni; mwana wa ngoriai na mũtumia wa ndigwa, nĩwe ũmanyitagĩrĩra; nayo njĩra ya andũ aaganu nĩ kũmĩhotomia amĩhotomagia.
• 10. Jehova egũtũũra athamakaga tene na tene, Ngai waku, wee Zayuni-rĩ, egũtũũra athamakaga nginya njiarũa na njiarũa. Goocai Jehova!

Home