Go Back

Thaburi Chapter 30

• 1. NĨNGŨGĨKŨGOOCA ngũtũũgĩrie, wee Jehova; tondũ nĩũngucĩtie na igũrũ, ũgakĩaga kũreka thũ ciakwa ingenerere.
• 2. Ĩ Jehova, Ngai wakwa, ndĩrakũrĩrĩire, nawe kũhonia nĩũkĩ’honetie.
• 3. Ĩ Jehova, ngoro yakwa nĩũmĩrutĩte thĩ o kwa ngoma; nĩũnjikairie na muoyo, ndige gũtonyerera irima.
• 4. Inĩrai Jehova mũmũgooce, inyuĩ mũrĩ ũiguano nake, rĩĩtwa rĩu rĩake rĩamũre mũkĩrĩcokerie ngatho.
• 5. Amu marakara make no ma kahinda kanini, ĩndĩ mĩtuganĩre yake nĩ ya gũtũũria mũndũ muoyo: kĩrĩro no gũũka kũraarĩrĩra hwaĩ-inĩ, na rũcinĩ gũkaroka ngemi.
• 6. Niĩ hakwa-rĩ, rĩrĩa ndaikaire ngaacĩire, ndoigire atĩrĩ, Ndirĩ hingo ngenyenyeka.
• 7. Wee, Jehova-rĩ, tondũ wa mĩtuganĩre yaku, nĩwarũmitie kĩrĩma gĩakwa: rĩrĩ rĩngĩ ũkĩĩhitha ũthiũ, ngĩmaka.
• 8. Ngĩcoka ngĩgũkaĩra, wee Jehova; nĩ Jehova ndagĩthaithire:
• 9. Atĩrĩ, Thakame yakwa ĩĩ na uumithio ũrĩkũ, ndatonyerera irima? tĩri-rĩ, nĩguo ũngĩkũgoocaga? nĩguo ũngiumbũraga ũhoro waku wa ma?
• 10. Jehova, igua, ũkĩnginyĩrie wega waku: ĩ Jehova, ĩtĩkĩra gũtuĩka mũndeithia.
• 11. Rĩu nĩũngarũranĩirie mũcayo ũcio ndĩrarĩ naguo ũgatuĩka ndũrũhĩ; ũngundũrĩte nguo ya ikũnia, ũkanjoha cia gĩkeno;
• 12. Nĩ getha riri wakwa ũkũinagĩre, ngũgoocage, thengia gũkira. Ĩ Jehova, Ngai wakwa-ĩ, ngũgĩtũũra ngũcokagĩria ngatho nginya mĩndĩ na mĩndĩ.

Home