Go Back

Thaburi Chapter 32

• 1. MŨNDŨ gũkena, nĩ ũrĩa woheirũo wĩhia wake, kũhĩtia gwake gũgakĩhumbĩrũo.
• 2. Gũkena-rĩ, nĩ ũrĩa Jehova atangĩtua mwaganu, o ũrĩa ũtakĩrĩ na ũhinga ngoro.
• 3. Hĩndĩ ĩrĩa ndaikarĩte o ndumĩtie, mahĩndĩ makwa nĩmendire kũhinyara nĩ ũrĩa ndatindaga ngĩrarama o nginya gũgatuka.
• 4. Nĩ gũkorũo guoko gwaku nĩkwanditũhagĩra mũthenya o na ũtukũ; ũruru wakwa ũgĩkĩgarũrũka ũgĩtuĩka ta ũnyotu wa hingo ya themithũ.
• 5. Ngĩtua gũkũmenyithia kũhĩtia gwakwa, waganu wakwa ngĩgĩtiga kũũhumbĩrĩra, ngiuga atĩrĩ, Mehia makwa nĩ kuumbũra ngũmoimbũrĩra Jehova: wee nawe ũgĩkĩnjohera waganu wa ihĩtia rĩakwa.
• 6. Tondũ ũcio, mũndũ o wothe mũigua-Ngai nĩakũhoyage hĩndĩ ĩrĩa ũngĩoneka: rĩrĩa maĩ ma mũiyũro maakĩrũka ndangĩkinyĩrĩrũo nĩmo.
• 7. Wee nowe wĩhitho wakwa; harĩ mĩnyamaro-rĩ, nĩwe ũrĩnindagĩrĩra; ũgũtũma ndũũre ’thiũrũrũkĩirio nĩ ndũhiũ cia kũhatũrũo kũu ’hatũrĩtwo.
• 8. Nĩngũkũũhĩgia, nguonererie njĩra ĩrĩa ũrĩgeraga; ndĩĩgũtaaraga o ngĩkũbaraga na riitho rĩakwa.
• 9. Inyuĩ, tigai gũikara ta mbarathi, kana ta nyũmbũ, itakĩrĩ na mbuguĩro; mathaga ma cio no mũrĩnga wa kanua na mũkwa mwene, cia kũinyita nacio, kwaaga ũguo, itingĩgũkuhĩhĩria.
• 10. Mũndũ mwaganu-rĩ, nĩ wa matuurũo maingĩ: ĩndĩ mũndũ ũrĩa wĩhokaga Jehova, egũtũũra arigicĩirio nĩ ũtugi.
• 11. No gĩkenerei Jehova, mũcanjamũke, inyuĩ athingu, na mũkũngũiye nĩ gũkena, inyuothe arũngĩrĩru ngoro.

Home