Go Back

Thaburi Chapter 34

• 1. NĨNDĨRĨGATHAGA Jehova o hingo ciothe; kanua gakwa kũmũkumia gatirĩ hĩndĩ gatarĩmũkumagia.
• 2. Jehova nowe ngoro yakwa ĩrĩĩrahagĩra: arĩa ahoreri marĩiguaga ũguo magakena.
• 3. Ĩ kĩgoocei Jehova mũmũnenehie mwĩ hamwe na niĩ, tũtũũgĩrie rĩĩtwa rĩake tũrĩ o ũndũ ũmwe.
• 4. Ndarongoririe Jehova, nake akĩnyamũkĩria, agĩkĩndeithũra harĩ maũndũ mothe marĩa maanjiguithĩtie guoya.
• 5. Andũ aya-rĩ, nĩmaamũrorereirie, makĩarĩrũo nĩ ũtheri, nao mothiũ mao matirĩ hingo makahumbwo nĩ thoni.
• 6. Mũthĩnĩki ũyũ aakaire, nake Jehova akĩmũigua, akĩmũhonokia mĩnyamaro-inĩ yake yothe.
• 7. Arĩa etigĩri-Jehova-rĩ, mũraika wake nĩamaakagĩrĩra iraaro ciake hĩrĩrĩ, agakĩmatharaga ũgwati-inĩ.
• 8. Ĩ camai muone atĩ Jehova nĩ mwega: gũkena-rĩ, nĩ mũndũ ũrĩa ũrahĩire harĩ we.
• 9. Ĩtigagĩrei Jehova, inyuĩ andũ ake atheru, thima arĩa amwĩtigĩri matirĩ kĩndũ maagaga.
• 10. Mĩrũthi mĩĩthĩ, yo nĩĩthĩnangaga, ĩgakĩhũta, no arĩa marongoragia Jehova matirĩ kĩndũ kĩega mangĩaga.
• 11. Ũkai, ariũ akwa, mũthikĩrĩrie ũrĩa nguuga: nĩngũmũruta mũgĩe na gwĩtigĩra Jehova.
• 12. Nĩ mũndũ ũrĩkũ wĩriragĩria gũtũũra muoyo, akenda gũkĩingĩhia matukũ, eonagĩre maũndũ mega?
• 13. Atĩrĩ, kĩrigagĩrĩrie rũrĩmĩ rũaku rũtikanoige ũũru; giragia mĩromo yaku ndĩkanakĩarie ũrongo.
• 14. Wĩthemagie ũũru-inĩ, wĩkage o wega; caragia thayũ, o nginya kũũthingata.
• 15. Maitho ma Jehova merekeire na kũrĩ arĩa athingu, na matũ make magategerũo kĩrĩro kĩao.
• 16. Arĩa mekaga ũũru-rĩ, ũthiũ wa Jehova nĩ kũmomĩra ũmomĩire, atĩ ang’ũrie rĩĩtwa rĩao rĩtikaririkanwo gũkũ thĩ.
• 17. Arĩa athingu maakaire, nake Jehova akĩigua, akĩmateithũra mĩnyamaro-inĩ yao yothe.
• 18. Jehova nĩakoragwo hakuhĩ na arĩa athuthĩku ngoro; acio maherete roho-rĩ, agakĩmahonokia.
• 19. Maũũru no maingĩ makoraga ũrĩa mũthingu, ĩndĩ, Jehova nĩamũteithũraga harĩ mo mothe.
• 20. Kũmenyerera nĩamenyagĩrĩra mahĩndĩ make mothe: gũtirĩ o na rĩmwe rĩngiunĩka.
• 21. Arĩa aaganu-rĩ, ũũru nĩ kũũraga ũkamoraga; andũ arĩa mathũũraga ũcio mũthingu nĩmagatuwo ehia.
• 22. Jehova nĩ gũkũũra akũũraga ngoro cia ndungata ciake: arĩa marahagĩra harĩ we gũtirĩ ũngĩtuwo mwĩhia.

Home