Go Back

Thaburi Chapter 41

• 1. GŨKENA-RĨ, nĩ ũrĩa ũcayagĩra mũndũ ũrĩa ũtarĩ hinya: o nake-rĩ, mũthenya wa ũũru, Jehova no akamũhatũra.
• 2. Jehova nĩarĩkĩmũmenyagĩrĩra, amũtũũrie muoyo, aikare e mũrathime bũrũri-inĩ: wee-rĩ, ndũkanamũnenganĩre mwĩrirĩrio-inĩ wa thũ ciake.
• 3. E kĩrumia-inĩ, arigoetio nĩ mũrimũ, Jehova nĩarĩmũtiiragĩrĩra: wee-rĩ, ũguo akomete arũarĩte nĩũmũgarũranagĩria, ũkamũhonia.
• 4. Niĩ hakwa-ĩ, njugĩte ũũ: Ĩ Jehova, nginyĩria wega waku; honia muoyo wakwa amu nĩngwĩhĩtie.
• 5. Thũ ciakwa nĩcinjaragĩrĩra ikĩũragia atĩrĩ, Arĩgĩkua rĩ, rĩĩtwa rĩake rĩtome?
• 6. Ũmwe wao oka kũndora, ekwaria o ũhoro ũrĩa ũtarĩ guo; ngoro yake no gũthũmba ĩrethũmbĩra waganu: aacoka kuumagara, nĩguo athiaga kũũmemerekia.
• 7. Andũ acio othe a’thũũri nĩ kũheehana maheehanaga nĩ ũndũ wakwa; ũũru nĩguo niĩ ma’thugundagĩra.
• 8. Arĩ na ng’ũki ũmwĩgwatĩrĩire, nĩguo moigaga; ũguo akomete-rĩ, ndarĩ hĩndĩ arĩcoka gũũkĩra.
• 9. Ĩĩ, onake mũrata wakwa ũrĩa mũnene, ũrĩa ndĩrehokete, ũrĩa ũrarĩaga irio ciakwa, nĩanjikĩtie rũhaati.
• 10. No wee, Jehova, nginyĩria wega waku, ũnamũkie, nĩ getha ngakĩmathukĩre.
• 11. Ũhoro ũyũ nĩguo ũtũmĩte ’menye atĩ nĩwĩkenagĩra nĩ niĩ, atĩrĩ, atĩ thũ yakwa ndĩngĩtuĩka ya kũndũhĩria.
• 12. Niĩ-rĩ, tondũ wa wagĩrĩru wa ngoro yakwa, nĩũ’nyitĩrĩire, na ũkanjiga mbere-inĩ ya ũthiũ waku, njikarage ho mĩndĩ na mĩndĩ.
• 13. Jehova, o we Ngai wa Isiraeli, arogathagwo, kuuma o tene na tene, na nginya o tene na tene. Amen, na ningĩ, Amen.

Home