Go Back

Thaburi Chapter 50

• 1. MŨRUNGU, o Ngai, o we Jehova, nĩaarĩtie, ageta thĩ kwarũma o irathĩro rĩa riũa nginya o ithũĩro rĩarĩo.
• 2. Nĩ hĩndĩ Ngai acangarũrũkĩte arĩ Zayuni, o kũu kũhingĩtie gũthakara.
• 3. Ngai witũ nĩ gũũka aroka, na ndekira: mbere yake nĩ mwaki ũrarambia, na kũu kũmũthiũrũrũkĩirie no kĩhuhũkanio kĩnene.
• 4. Nĩareta matu-mairũ, ma kũrĩa igũrũ, na ageta thĩ o nayo, nĩguo acirithie kĩrĩndĩ gĩake:
• 5. Ũnganiai arĩa tũrĩ ũiguano nao, moke harĩ niĩ, acio maagĩire kĩrĩkanĩro na niĩ na igongona.
• 6. Narĩo igũrũ nĩrĩanĩrĩre ũthingu wake, amu Ngai we mwene nĩwe mũtua-cira.
• 7. Inyuĩ kĩrĩndĩ gĩakwa, iguai, nĩngwaria; wee Isiraeli-rĩ, thikĩrĩria, ũhoro waku nguumĩrĩrie; nĩ niĩ Ngai, o Ngai waku.
• 8. Ti magongona maku ngũkũrũithĩria; mahaki maku ma njino maikaraga mbere yakwa hingo ciothe.
• 9. Ndegwa ya mũciĩ waku, niĩ ndingĩmĩoya, kana thenge ciumĩte ciugũ-inĩ ciaku.
• 10. Nĩ gũkorũo nyamũ ciothe cia gĩthaka no ciakwa, o na mahiũ marĩa me ng’ongo ngiri na ngiri.
• 11. Nyamũ ciothe ii njoya, iria cia na irĩma-inĩ, gũtirĩ itoĩ; o gwata nyamũ njũrũri cia werũ-inĩ, no indo ciakwa.
• 12. Ingĩkorũo ’hũtiĩ, ndingĩkwĩra: nĩ ũndũ thĩ nĩ yakwa, o na indo iria ciiyũire kuo.
• 13. O nĩ ndĩe nyama cia ndegwa, kana ngĩnyue thakame ya mbũri?
• 14. Atĩrĩ, rutagĩra Ngai igongona cia gũcokia ngatho, ũkĩhingagĩrie Ũrĩa-wĩ-Igũrũ-Mũno mĩĩhĩtwa ĩrĩa wĩhĩtĩte;
• 15. Ningĩ mũthenya ũrĩa ũkona mĩnyamaro, ngaĩra; nĩngagũthara harĩ yo, nawe ũkĩngooce.
• 16. No rĩrĩ, ũrĩa mwaganu-rĩ, ũrĩa Ngai ekũmwĩra nĩ ũũ: Nĩ atĩa wee, tondũ ũrongoragĩria mĩtugo ĩrĩa ndatuanĩire, na ũgekĩra kĩrĩkanĩro gĩakwa kanua-inĩ gaku,
• 17. Kuona nĩũgĩthũire gũtaarũo, na ciugo icio ciakwa ũgagĩciikia na thutha?
• 18. Wona mũici-rĩ, nĩ gũkena ũkenanagĩra nake, na ũkagĩa rũmwe na itharia.
• 19. Ũrekagĩrĩria kanua gaku kaarie ndeto njũru, rũrĩmĩ rũaku rũgagĩkonjania maheni.
• 20. Ũikaraga thĩ ũgacambia mũrũ wa nyũkwa; o ro ũcio mũrĩ a nda ĩmwe nake-rĩ, ũgakĩmũigĩrĩra kĩgenyo.
• 21. Maũndũ macio ũtũire ũmekaga, na niĩ ngakira; ũgakĩĩgeragĩria atĩ niĩ ndariĩ o tawe: no rĩrĩ, nĩngũkũrũithia, ndĩmaaranie maitho-inĩ maku.
• 22. Rĩu gĩcũraniei ũhoro ũyũ, inyuĩ mũriganagĩrũo nĩ Ngai, ndikae kũmũtambura, na gũtioneke wa kũmũteithũra:
• 23. Atĩrĩ, ũrĩa ũrutaga igongona cia gũcokia ngatho-rĩ, ũcio nĩwe ũngoocaga nake ũrĩa ũrũngagĩrĩria mĩthiĩre yake, nĩwe ndĩrĩonagia ũhonokio wa Ngai.

Home