Go Back

Thaburi Chapter 81

• 1. KŨNGŨIYAI Ngai na kayũ kanene, o we hinya witũ; anĩrĩrai Ngai wa Jakubu mũkenete.
• 2. Arũkanai na thaburi, hũrai kĩhembe, o na kĩnanda kĩa mũgeto kĩrĩa kĩgambi wega, gwata o kĩrĩa kĩngĩ kĩa nga.
• 3. Huhai coro karũgamo ka mweri, ningĩ mweri waiganana, mũthĩ ũrĩa wa gĩathĩ giitũ.
• 4. Nĩ amu gĩathĩ kĩu nĩ mũtugo waathirũo Isiraeli, nĩ itua rĩa Ngai wa Jakubu.
• 5. Nĩ gwathĩrĩria aagĩathĩrĩirie gĩtuĩke ũira kwa Jusufu, rĩrĩa aathiire gũtharĩkĩra bũrũri wa Misiri: nĩrĩo ndaiguire mwario itaakoretwo njũĩ.
• 6. Atĩrĩrĩ, Kĩande gĩake nĩndagĩthengirie harĩ mũrigo; moko make magĩgĩtigithanio na rũgara.
• 7. Wee-rĩ, nĩwetanire rĩrĩa warĩ na mĩnyamaro, na niĩ ngĩgũthara harĩ yo; ndagwĩtĩkire ndĩ hitho-inĩ kũrĩa kwarurumaga; wĩ maĩ-inĩ marĩa ma Meriba nĩ kũgeria ndakũgeririe.
• 8. Iguai, inyuĩ kĩrĩndĩ gĩakwa, nĩngũmũtaara: na arĩ, Isiraeli, korũo wetĩkĩra kũnjigua!
• 9. Gwaku menya gũkagĩa na ngai ng’eni; ngai yumĩte kũngĩ-rĩ, menya ũkamĩthathaiya.
• 10. Nĩ niĩ Jehova Ngai waku, ũrĩa wakwambatirie akuumĩtie bũrũri wa Misiri: ta athamia kanua mũno, na nĩngũkaiyũria.
• 11. No rĩ’, kĩrĩndĩ gĩakwa gĩtiigana gũthikĩrĩria mũgambo wakwa; Isiraeli-rĩ, ndangĩnjigua.
• 12. Ngĩkĩmarekereria marũmĩrĩre ũremi wa ngoro ciao, metwarage na njĩra ya wĩtaari wao ene.
• 13. Na arĩ korũo kĩrĩndĩ gĩakwa gĩetĩkĩra kũnjigua, korũo Isiraeli etĩkĩra gũthiaga na njĩra ciakwa!
• 14. Ndahoria thũ ciao o narua, njokie guoko na kũrĩ acio me muku nao.
• 15. Athũũri Jehova nĩ kwĩnyihĩrĩria mangĩĩnyihĩrĩria harĩ we: no-o, itĩĩna rĩao, nĩ gũtũũra rĩngĩtũũra nginya tene na tene.
• 16. O na nĩ kũmahe ingĩmaheaga ngano ĩrĩa ĩrĩ ũnoru marĩage, na ngũhũnagie ũũkĩ ũrĩa uumĩte ndũmba-inĩ ya ihiga.

Home