Go Back
Thaburi Chapter 88
-
1. Ĩ JEHOVA, wee Ngai mwene ũhonokio wakwa,
mũthenya ndindaga o ngĩkũrĩrĩra, o na ũtukũ ndĩ o harĩ wee:
-
2. Ihoya rĩakwa ta reke rĩgĩtonye hau ũrĩ;
inamĩrĩria gũtũ ũigue kayũ gakwa.
-
3. Nĩ gũkorũo ngoro yakwa nĩ kũhũna ĩhũniĩ maũũru marĩa nyonete,
muoyo wakwa ũgagĩkuhĩrĩria kwa ngoma.
-
4. Ndaranĩirio na arĩa matonyaga irima;
ndariĩ ta mũndũ ũtangĩona wa kũmũtangĩra;
-
5. Ngaikanio harĩ arĩa akuũ,
o ta arĩa orage, arĩa makomete mbĩrĩra,
arĩa ũtangĩgacoka kũririkana;
o nĩ ariganĩrĩrie na guoko gwaku.
-
6. Ũngometie thĩinĩ wa irima, o kũu kũrĩ thĩ mũno,
kũndũ kwĩ nduma, o kũrĩa kũriku.
-
7. Ndĩ mũmamĩre mũno nĩ marũrũ maku,
makũmbĩ maku ma maĩ ũ’thĩnĩtie namo mothe.
-
8. Andũ arĩa tũmenyaine ũndigithanĩtie nao o kũnene;
ũtũmĩte nduĩke kĩndũ kĩĩ magigi harĩ o;
ndĩ mũhingĩrĩrie, ngaremwo nĩ kuumĩra.
-
9. Riitho rĩakwa nĩ ithirĩrĩkĩru tondũ wa ũrĩa ndandiũkĩte:
ndirĩ mũthenya itagũkayagĩra, wee Jehova;
ndindaga o ngwarĩire moko.
-
10. Andũ arĩa akuũ-rĩ, nĩo ũngĩĩka maũndũ ma kĩgeganio nĩ ũndũ wao?
ngoma-rĩ, nĩcio ingĩgĩũkĩra igũcokerie ngatho?
-
11. Ũhoro wa ũtugi waku nĩũngĩkĩhunjĩka thĩinĩ wa mbĩrĩra?
kana kwĩhokeka gwaku kũganĩke kũu Mũũrĩro-inĩ?
-
12. Kũu nduma-inĩ-rĩ, maũndũ maku, o na tondũ me kĩgeganio, maakĩhota kũmenyeka?
ũthingu waku wakĩmenyekera bũrũri ũcio wa kĩriganĩro?
-
13. No niĩ-rĩ, ndũire o ngũrĩragĩra, wee Jehova,
rũcinĩ ihoya rĩakwa no rĩgĩkũrokagĩre.
-
14. Ngoro yakwa ũmĩikanĩtie nĩkĩ, Jehova?
nĩ kĩ gĩtũmĩte wĩĩ’hithĩre ũthiũ?
-
15. Kuuma ndĩ o mũnyinyi ndũire o ’thĩnĩkĩte na ngakuhĩrĩria gũtumbũka;
ndũire ndĩĩtiirĩtie matebebia maku o nginya ngenda kũhũgũya.
-
16. Kũbucuna gwaku nĩ kũ’hubĩkania kũ’hubĩkanĩtie;
matua-nda maku nĩma’ninĩte o kũ’nina.
-
17. ’Thiũrũrũkagĩrio nĩmo mũthenya wothe o ta maĩ;
nĩ kũ’hĩtĩrĩra ma’hĩtĩrĩire mothe o hamwe.
-
18. Andũ arĩa anyendi o na arata nĩũtũtigithanĩtie nao o kũraya;
nduma noyo thiritũ yakwa.
Home