1. Ĩ KĨARŨKEI kũinĩra Jehova rũĩmbo rũerũ,
tondũ nĩekĩte maũndũ ma magegania;
guoko gwake kwa ũrĩo, gwake mwene, nĩkuo kũmũhonokanĩirie, o kuo gĩcoka kĩu gĩake gĩtheru.
2. Jehova nĩatũmĩte ũhonokania wake ũmenyeke wega;
ũthingu wake nĩaũguũrĩirie maitho-inĩ ma ndũrĩrĩ.
3. Kũririkana nĩakĩririkanĩte ũtugi wake o na wĩhokeku wake, iria onagia nyũmba ya Isiraeli;
ũhonokania wa Ngai witũ-rĩ, ituri ciothe cia thĩ rĩu nĩciwonete.
4. Inyuĩ andũ othe a thĩ, anĩrĩrai Jehova na gĩkeno;
tumũkai, mũkũngũiye; ĩĩ-ni, mũkĩmũgooce na nyĩmbo.
5. Inĩrai Jehova mũkĩmũgoocaga na inanda cia mũgeto;
inanda-ni, o na mũgambo wa kũina thaburi.
6. Inai na tũrumbeta, na ũgambi wa coro,
mũkĩanĩrĩre na gĩkeno mwĩ mbere ya Mũthamaki, o we Jehova.
7. Iria rĩrĩa inene nĩrĩrurume, gwata kĩrĩa gĩothe kĩrĩiyũire;
mabũrũri o namo, o gwata arĩa matũũraga kuo;