Go Back

Thimo Chapter 26

• 1. Ta ũrĩa tharunji ĩthũkĩire ĩngĩgũa hingo ya riũa, na ta mbura ĩngiura hingo ya magetha, no taguo gĩtĩo gĩtaagĩrĩire kĩrimũ.
• 2. Ta nyagathanga na mũũmbũkangĩre wayo, ningĩ thũngũrũrũ na mwererere wayo, noguo kĩrumi gĩtagwataga, kĩrĩa gĩtarĩ gĩtũmi.
• 3. Mbarathi kĩboko, ndigiri matamu, ciande cia irimũ nacio rũthanju!
• 4. Tiga gũcokeria kĩrimũ kũringana na ũrimũ wakĩo, wee nawe ndũgakihaanane nakĩo.
• 5. Cokeria kĩrimũ kũringana na ũrimũ wakĩo gĩtigakĩone ta gĩtuĩkĩte mũndũ mũũgĩ.
• 6. Mũtũmi wa ndũmĩrĩri na guoko gwa kĩrimũ nĩ kwĩrenga erenga magũrũ, na gũkunda ekundithia hathara.
• 7. Magũrũ ma gĩthua mathiaga maniginigĩte, na noguo ngerekano ĩhaanaga ĩkĩario nĩ tũnua twa irimũ.
• 8. Mũndũ wa gũtĩa kĩrimũ nĩ ta mũigi kohe ka ruru kĩrũndo-inĩ kĩa mahiga.
• 9. Ta mũigua ũgĩtheca guoko kwa mũrĩu, noguo ngerekano ĩhaanaga ĩkĩario nĩ tũnua twa irimũ.
• 10. Njorua ithondekaga maũndũ mothe wega, ĩndĩ mwandĩki kĩrimũ wĩra no ta mwandĩki arĩa ahĩtũki.
• 11. Kĩrimũ gĩa gũcokerithia ũrimũ wakĩo o rĩngĩ, no ta ngui ũrĩa ĩcokagĩrĩra matahĩko mayo.
• 12. Wĩ mũndũ wonete atĩ nĩeonaga ta e mũũgĩ? atĩrĩ, kĩrimũ-rĩ, kĩerĩgĩrĩrĩka gũkĩra ũcio!
• 13. Kĩgũta kiugaga atĩrĩ, Njĩra-inĩ kwĩ na mũnyambũ; nĩguo, barabara-inĩ kwĩ na mũrũthi!
• 14. Mũrango nĩũgarũrũkaga ũcuhĩte na ihocio ciaguo, na no taguo kĩgũta kĩegarũraga gĩkomete ũrĩrĩ wakĩo.
• 15. Kĩgũta kĩrikagia njara kiuga-inĩ, gĩkanogio nĩ gũcoka kũmĩoerera kĩmĩkinyie kanua-inĩ.
• 16. Kĩgũta nĩ kĩũgĩ, kĩo gĩkĩĩona, gũkĩra andũ mũgwanja moĩ kuonania kĩhooto.
• 17. Mũhĩtũki wa gwĩthĩnia na ngũĩ yene no ta mũndũ ũkũnyita kĩgui matũ.
• 18. Ta mũgũrũki ũracugucanĩria icinga na gũikangia mĩguĩ o na gĩkuũ,
• 19. Nĩguo mũndũ ahaana ũrĩa wa gũkonyania ũrĩa ũngĩ na agacoka kuuga, To ithako nyuma narĩo?
• 20. Mwaki ũhoraga nĩ kwaga ngũ, na kũrĩa gũtarĩ mũhuhungi, matetania namo magathira.
• 21. O ta ũrĩa makara mathegeaga marĩa mangĩ magwatu, na ta ũrĩa ngũ ciakanagia mwaki, noguo mũndũ wa mahiũrania aakanagia ngũĩ.
• 22. Ndeto cia mũndũ wa mũhuhungo nĩ ta macũno ma kĩhembe, na kũmerũka ikamerũka nginya tũturi-inĩ twa nda o tũrĩa twĩ thĩinĩ mũno.
• 23. Mĩromo ya kĩgaathi na ngoro ĩrĩ na ũũru-rĩ, no ta nyũngũ ya rĩũmba ĩhakĩtwo mataaho ma betha.
• 24. Mũndũ ũthũire ũrĩa ũngĩ nĩ ũhinga aaragia na mĩromo, ĩndĩ ngoro-inĩ yake thĩinĩ nĩ kũiga aigĩte ũrĩa-ma;
• 25. Rĩrĩa egũtarĩria ndeto, tiga kũmwĩtĩkia, amu ngoro yake thĩinĩ e na maũndũ o ta mũgwanja mathũku ta magigi:
• 26. Ona rũthũũro rũake rũakorũo rũĩkunĩkĩire wara-rĩ, ũũru wake no ũkoimbũrio mbere ya kĩũngano.
• 27. Mwenji wa irima nĩwe ũkagũa thĩinĩ warĩo, nake mũtugũrania wa ihiga, kũhigũka no rĩmũhigũkĩre.
• 28. Rũrĩmĩ rũa maheni nĩrũthũũraga arĩa atihangie nĩruo, na kanua ka mwanjanjo nĩkarehage mwanango.

Home