Go Back

Thimo Chapter 5

• 1. MŨRŨ wakwa, thikĩrĩria ũũgĩ ũyũ wakwa; inamĩrĩria gũtũ, ũtaũku ũyũ wakwa ũkĩũigue,
• 2. Nĩ getha ũtũũre wĩ na ũgerereri, nayo mĩromo yaku ĩikarage ĩrĩ na ũmenyi.
• 3. Amu-rĩ, mĩromo ya mũndũ mũka ũrĩa wa kwene ĩtaataga ũũkĩ, kanua gake kanyorokete gũkĩra maguta,
• 4. No rĩrĩ, marigĩrĩrio make nĩ marũrũ o ta mũgũta, nĩ mogĩ o ta rũhiũ rũa njora rũnore mbarĩ cierĩ.
• 5. Magũrũ make me njĩra ya gũikũrũka na gĩkuũ-inĩ, makinya make nĩ magwatu gũthiĩ o kũu Kwa-ngoma;
• 6. Agakĩũranwo na njĩra ĩrĩa njaraganu ya muoyo; ikĩro ciake nĩ njagaagu, ndoĩ na kũrĩa irorete.
• 7. Na rĩu, ariũ akwa-rĩ, no kĩiguei ũrĩa nguuga, ciugo cia kanua gakwa mũtikanae gũtigana nacio.
• 8. Njĩra yaku reke ĩraihanĩrĩrie mũno na kũu mũndũ mũka ũcio arĩ, ndũkanakuhĩhĩrie mũromo-inĩ wa nyũmba yake,
• 9. Ndũkae gũkahe andũ angĩ riri waku, ndũgakĩnenganĩre mĩaka yaku harĩ ũrĩa ũtarĩ tha;
• 10. Andũ ageni-rĩ, matikehũnie na hinya waku, ũrĩmi ũrĩa ũnogeire ũtuĩke wa mũciĩ wa mũrũrĩrĩ;
• 11. Nawe marigĩrĩrio-inĩ maku ũgagĩcakayaga, rĩrĩa nyama ya mwĩrĩ waku, o gwata mwĩrĩ waku wothe, igakorũo nĩirathirĩrĩkĩra,
• 12. Ũkoigaga, Wũi! nĩ kĩ gĩatũmire ’thũũre gũtaarũo, na ngoro yakwa ĩgĩtirika kũrũithio,
• 13. Na ndĩathĩkĩre mũgambo wa arĩa maandutaga, na nditege matũ ngĩigue arĩa maandaaraga?
• 14. Ndĩratigairie hanini ’horokere o ũũru-inĩ wothe ndĩ o kĩrĩndĩ-inĩ gatagatĩ, o hau kĩũngano-inĩ gĩakĩo.
• 15. Atĩrĩrĩ, nyuaga maĩ ma itahĩro rĩaku mwene, nyuaga maikũrũki moimĩte o gĩthima gĩaku kĩũmbe.
• 16. Githĩ nĩũtũme maĩ ma matherũkĩro maku manyagane o handũ na handũ, mĩtaro yaku nayo ĩhunjie maĩ o mabarabara-inĩ?
• 17. Reke matũũre me maku wee wiki, matigatuĩke manyu na andũ angĩ ageni.
• 18. Itherũkĩro rĩaku ta nĩrĩtũũre rĩrĩ irathime, ũgĩkenagio nĩ mũhiki ũrĩa wa wanake waku.
• 19. Anga ndaagĩrĩte ta mũgoma wa thwariga ũrĩa ũrĩ tha, kana ta gathiya ka mũgoma karĩa kega? Iganagwo nĩ nyondo ciake mahinda mothe, ũkenũkagio hingo ciothe no rũendo rũake arĩ we.
• 20. Amu nĩ kĩ kĩngĩtũma wee, mũrũ wakwa, wende gũkenũkio nĩ mũndũ mũka wa kwene, na ũkenda kũhĩmbĩria gĩthũri kĩa mũgeni?
• 21. Amu-rĩ, mĩthiĩre ya mũndũ ĩrĩ o maitho-inĩ ma Jehova, nĩwe ũtaranagia ikĩro ciake ciothe.
• 22. Mũndũ mwaganu akagwatio nĩ mawaganu make mwene, nga cia kũhĩtia gwake nĩcio ikamuoha.
• 23. Ũcio agakua nĩ ũndũ wa kwaga gũtaarĩka; akora nĩ ũrimũ wake kũneneha.

Home