Go Back

Thimo Chapter 7

• 1. MŨRŨ wakwa, menyerera ciugo ici ciakwa, ĩigĩre maathani makwa maikare me mũthithũ harĩ wee.
• 2. Menyagĩrĩra maathani makwa nĩguo ũtũũre; menyagĩrĩra kĩrĩra gĩakwa o ta kĩũma gĩaku kĩa riitho.
• 3. Ciĩoherere ciara-inĩ ciaku cia moko; ciandĩke kĩhengere-inĩ gĩaku kĩa ngoro.
• 4. Ĩra ũũgĩ-wa-ma atĩrĩ, Wee nĩwe mwarĩ wa maitũ; gĩĩtage mbuguĩro, Mwarĩ witũ!
• 5. Nĩ getha ikũriganĩrĩrie na mũndũ mũka wa kwene, ũgĩthengagĩre mũgeni ũcio ũnyorokagia ciugo ciake.
• 6. Thima-rĩ, ndakorirũo ndĩ ndirica-inĩ ya nyũmba yakwa ngĩng’etia nja ndĩ gwakwa hau rũkonjo-inĩ,
• 7. Ngĩona kĩmwana gĩa thiritũ ya arĩa matarĩ ogĩ, ngĩgĩkũũrana kĩĩ na muumo ũrĩa ũngĩ, kĩmwana gĩtarĩ na wĩcirio.
• 8. Nĩ gũthiĩ gĩathiaga na barabara, magomano-inĩ mayo na thome wa kwa mũndũ mũka ũcio, na gĩkĩgera na njĩra ĩo ya gũkinya gwake;
• 9. Na nĩ hingo ya mairia, o hwaĩ-inĩ, gũtukĩte o gũtuka, na gũkagĩa nduma.
• 10. Na atĩrĩ, gĩgĩtũngwo nĩ mũndũ mũka wĩhumbĩte nguo cia ũmaraya, na ngoro yake nĩ ya ũhinga.
• 11. Mũka ũcio nĩ wa mbĩrĩrĩka, na mwĩathi; makinya make matingĩkirĩrĩria mũciĩ:
• 12. Rĩmwe e barabara-inĩ, rĩngĩ e kĩhaaro-inĩ, na gũtirĩ handũ hacemanĩirie njĩra atohagĩria andũ ho.
• 13. Agĩkĩnyita kĩmwana kĩu, agĩkĩmumunya, agĩkĩĩra atĩrĩ, o omĩtie ũthiũ:
• 14. Ndĩ na ndĩa ya igongona cia ũiguano; o ũmũthĩ norĩo ndahingia mĩĩhĩtwa yakwa.
• 15. Ndakiumagara ngũtũnge, ngũcarie mũno nyone ũthiũ waku, na rĩu nĩndakuona.
• 16. Nĩndĩkĩtie kwara ũrĩrĩ wakwa mĩrengeti ĩrĩa ĩĩ mĩcoora, na makanga marĩa me mĩokia marĩa matume na ndigi cia Misiri.
• 17. Ũrĩrĩ ũcio wakwa nĩndĩũhurĩte na manemane na thubiri o na mũndarathini.
• 18. No gĩũke-ĩ, twĩhũnie rũendo kinya gũkĩe, tũgĩĩkenie na kĩendano kĩnene!
• 19. Tondũ mũndũ mũrũme ndarĩ kuo, nĩathiĩte rũgendo rũraya;
• 20. Athiĩte na mũhuko ũrĩ mbia; akainũka o mweri waringana.
• 21. Agĩkĩmũhenereria na ndeto ciake nyingĩ cia uuhi, akĩmũtwarĩrĩria na ũnyoroku wa mĩromo yake.
• 22. Agĩũka o akĩmũrũmĩrĩra, ta ndegwa ĩgĩthiĩ gũthĩnjwo, kana ta kĩrimũ kĩũra-matũ gĩgĩthiĩ iherithĩrio rĩa bĩngũ;
• 23. Akaya gũgakinya gũtũrĩkanio ini nĩ mũguĩ; no ta nyoni ĩhiũhĩte ĩrorete o mũtego-inĩ, ĩtoĩ atĩ nĩ muoyo wayo ũtegetwo.
• 24. Rĩu-rĩ, ariũ akwa, iguai ũrĩa nguuga; thikĩrĩriai ciugo ici cia kanua gakwa!
• 25. Atĩrĩ, ndũkanetĩkĩre ngoro yaku yehũke na njĩra cia mũndũ mũka ũcio-ĩ, ndũkanagĩtuĩke wa kwanganga ũkĩmũrũmĩrĩra.
• 26. Amu-rĩ, aanairũra andũ aingĩ marĩ agurarie nĩwe, ĩĩ-ni, arĩa othe maanoragwo nĩwe nĩ ita nene mũno.
• 27. Nyũmba yake nĩyo njĩra ya gũthiĩ Kwa-ngoma, nĩ njĩra ĩikũrũkĩrĩire ciikaro cia gĩkuũ-inĩ thĩinĩ.

Home