1. Nĩ kwĩra ndeĩrire na ngoro yakwa atĩrĩ, Rĩu-rĩ, ta reke ngũgerie na njĩra ya gĩkeno, wĩhũnĩrĩrie maũndũ mega; na atĩrĩrĩ, ũndũ ũcio o naguo-rĩ, warĩ wa tũhũ.
2. Ha ũhoro wa mĩtheko ndoigire atĩrĩ, Nĩ ũgũrũki: o naho ha ũhoro wa gĩkeno ngĩũria atĩrĩ, Nĩ kĩa bata ũ?
3. Ndatuĩririe na ngoro yakwa ũrĩa ingĩkenia mwĩrĩ wakwa na ndibei, o nayo ngoro yakwa ĩkorũo ĩkĩndongoria na ũũgĩ; o na ũrĩa ingĩrũmanĩrĩra na ũkĩgu, o nginya ’menye ũrĩa ciana cia Adamu ingĩagĩrĩrũo nĩ gwĩkaga gũkũ thĩ matukũ mothe ma muoyo wacio.
4. Ngĩkĩĩrutĩra mawĩra manene, na ngĩĩakĩra nyũmba nyingĩ, na ngĩĩhandĩra mĩgũnda ya mĩthabibu.
5. Ngĩkĩĩrĩmithĩria mĩgũnda, na ngĩgĩa na ng’ũndũ hande mĩtĩ, ningĩ ngĩhanda mĩtĩ ya matunda ma mĩthemba yothe kuo.
6. Ngĩcoka ngĩgwĩkĩra tũria twa maĩ twa kuunithagĩria mũtitũ kũrĩa mĩtĩ ĩrĩkũragĩra.
7. Ningĩ ngĩkĩĩgũrĩra ngombo cia arũme o na cia andũ-a-nja, o na ngĩgĩa na ngombo iciarĩirũo gwakwa mũciĩ; o na ningĩ ngĩgĩa na ndũru nene cia ng’ombe na mbũri, ngĩkĩria arĩa othe maarĩ mbere yakwa kũu Jerusalemu;
8. o na ningĩ ngĩĩyũnganithĩria betha na thahabu, o na indo cia bata iria cia athamaki kĩũmbe, o na cia mabũrũri marĩa mathamakagwo nĩ athamaki, o na ngĩgĩa na aini, arũme na andũ-a-nja, na ngĩgĩa na indo iria ikenagia ciana cia Adamu, o na mathuriya aingĩ mũno.
9.
Tondũ ũcio ngĩkĩneneha, na ngĩtonga ngĩkĩria andũ othe arĩa maarĩ mbere yakwa kũu Jerusalemu; o naguo ũũgĩ wakwa ngĩgĩikara o naguo.
10. O naguo ũndũ o wothe ũrĩa weriragĩrio nĩ maitho makwa-rĩ, ndiigana kũmahatana naguo, na ndiagirĩrĩirie ngoro yakwa gĩkeno o na kĩrĩkũ, nĩ gũkorũo ngoro yakwa nĩyakenagio nĩ mawĩra makwa; naguo ũndũ ũcio warĩ igai rĩakwa riumanĩte na mawĩra makwa mothe.
11. Hĩndĩ ĩo ngĩcoka ngĩrora mawĩra macio mothe ndarutĩte na moko makwa, o na gwĩtungumania kũrĩa ndetungumanĩtie ngĩmaruta; ngĩkĩona atĩ mothe maarĩ o ma tũhũ, na no gwĩthĩnia gũtheri, ningĩ gũkũ thĩ kwaraga riũa-rĩ, gũtirĩ kĩguni mũndũ angĩona kuo.
12. Na rĩrĩ, ngĩkĩĩhũgũra nĩguo mbare ũũgĩ, na ũgũrũki, o na ũkĩgu: nĩ ũndũ-rĩ, mũndũ ũrĩa ũgũcoka ithenya rĩa mũthamaki ũrĩa maanenehirie tene-rĩ, nĩ atĩa ũngĩ angĩkĩhota gwĩka?
13. Hĩndĩ ĩo ngĩkĩona atĩ ũũgĩ nĩũkĩrĩte ũkĩgu, o ta ũrĩa ũtheri ũkĩrĩte nduma.
14. Maitho ma mũndũ mũũgĩ ti mairang’a, na kĩrimũ kĩgeraga nduma-inĩ; no nĩndonire atĩ o erĩ makoragwo nĩ ũndũ o ro ũmwe.
15. Ngĩcoka ngĩkiuga na ngoro atĩrĩ, O ta ũrĩa kĩrimũ gĩkoragwo nĩ maũndũ-rĩ, noguo na niĩ ngoragwo nĩmo; ũũgĩ ũcio wakwa mũingĩ-rĩ, ũkĩrĩ bata wa kĩ? Ningĩ ngĩkiuga na ngoro atĩrĩ, Ũhoro ũyũ o naguo no wa tũhũ.
16. Nĩ gũkorũo mũndũ ũrĩa mũũgĩ, o na kĩrimũ, o erĩ nĩ kũriganĩra makariganĩra mĩndĩ na mĩndĩ, nĩ ũndũ matukũ-inĩ marĩa magoka, othe magakorũo marĩ ariganĩru. Hĩ, kaĩ mũndũ ũrĩa mũũgĩ agĩkuaga o ta kĩrimũ!
17. Tondũ ũcio ngĩgĩthũũra muoyo, nĩ ũndũ wĩra ũrĩa ũrutagwo gũkũ thĩ kwaraga riũa, warĩ o wa kũnjiguithia ũũru: nĩ gũkorũo wothe no wa tũhũ, na wa gwĩthĩnia gũtheri.
21. Nĩ ũndũ-rĩ, he mũndũ ũrutaga wĩra na ũũgĩ, o na ũmenyi maũndũ, ohĩgĩrĩire maũndũ make mũno; no rĩrĩ, akaũtigĩra mũndũ ũtaũnogeire, ũtuĩke igai rĩake. O naguo ũndũ ũcio no wa tũhũ, na nĩ mũũru mũno.
22. Nĩ gũkorũo gwĩtungumania kũrĩa aanetungumania gũkũ thĩ kwaraga riũa, o na gwĩthĩnia kũrĩa aanethĩnia ngoro-rĩ, kũmũgunĩte atĩa?
23.
Tondũ matukũ make mothe no ma thĩna, mĩtangĩko yake nĩ ya kũmũreherere kĩeha; ĩĩ, ti-itherũ, o na ũtukũ ngoro yake ndĩkindagĩria. O naguo ũndũ ũcio, no wa tũhũ.
24.
Gũtirĩ ũndũ ũngĩ mwega mũndũ angĩĩka ũhĩtũkanĩte na kũrĩa, o na kũnyua, o na gwĩkenia ngoro na wĩra wake. O naguo ũndũ ũcio-rĩ, ndawonire atĩ uumĩte guoko-inĩ kwa Ngai.
26. Nĩ gũkorũo mũndũ ũrĩa ũkenagia Ngai-rĩ, Ngai amũheaga ũũgĩ, na ũmenyi maũndũ, o na gĩkeno: no mũndũ ũrĩa mwĩhia-rĩ, amũheaga mĩtangĩko, nĩguo acokererie indo na acihae, nĩguo agacihe mũndũ ũrĩa ũkenagia Ngai. Ũndũ ũcio o naguo no wa tũhũ, na wa gwĩthĩnia gũtheri.