1.
NA RĨRĨ, hĩndĩ ĩrĩa Zedekia, mũrũ wa Josia, mũthamaki wa Juda, aambĩrĩirie gũthamaka, ndũmĩrĩri ĩno nĩyakinyĩrĩire Jeremia yumĩte he Jehova,
2. nake Jehova agĩkĩnjĩra ũũ: Wĩthondekere mĩkwa, o na mĩtĩ ya ngingo, ũcoke ũmĩĩkĩre ngingo;
3. ningĩ ũcoke ũmĩtwarithĩrie mũthamaki wa Edomu, na mũthamaki wa Moabi, na mũthamaki wa ciana cia Amoni, na mũthamaki wa Turo, o na mũthamaki wa Zidoni, ũmĩnengerete arekio ao arĩa mokĩte Jerusalemu gwĩ Zedekia, mũthamaki wa Juda
5. atĩrĩ, Niĩ nĩ niĩ ndombire thĩ, o na ngĩũmba andũ, o na nyamũ iria irĩ thĩ yothe, na ũndũ wa hinya wakwa mũnene, o na ũndũ wa gũtambũrũkia guoko gwakwa, na ndĩciheaga mũndũ o ũrĩa nyonaga aagĩrĩirũo nĩ kũheo.
6. Na rĩu nĩ kũhe’heete Nebukadinezaru, mũthamaki wa Babuloni, ndungata yakwa, mabũrũri maya mothe nĩguo magĩe watho-inĩ wake; o nacio nyamũ cia gĩthaka nĩndĩmũheete imũtungatagĩre.
7. Nacio ndũrĩrĩ ciothe nĩikamũtungatĩra, na itungatĩre mũriũ, o na mwana wa mũriũ, o nginya ihinda rĩrĩa rĩtuĩrĩirũo bũrũri ũcio wake rĩgakinya; na hĩndĩ ĩo ndũrĩrĩ nyingĩ o na athamaki anene nĩmakamũtua wa kũmatungatagĩra arĩ o
8. Na nĩgũgakinya atĩrĩ, atĩ andũ a rũrĩrĩ o ruothe, o na a kũndũ o guothe kũrĩa gũthamakagwo nĩ mũthamaki, arĩa makarega gũtungatĩra Nebukadinezaru, mũthamaki o ro ũcio wa Babuloni, na marege gwĩkĩrũo mũtĩ wa ngingo nĩ mũthamaki ũcio wa Babuloni-rĩ, rũrĩrĩ rũu nĩngarũherithia na rũhiũ rũa njora, o na ng’aragu, o na mũthiro, o nginya hĩndĩ ĩrĩa ngarũninithia na guoko gwake; ũguo nĩguo Jehova ekuuga.
9. No rĩrĩ, ha ũhoro wanyu inyuĩ-rĩ, tigai kũigua anabii anyu, o na kana andũ anyu arĩa maragũraga, kana aroti anyu a iroto, kana andũ anyu arĩa meciragia ũhoro wa kũgambĩrũo nĩ nyoni, kana ago anyu, o acio mamwaragĩria makoiga atĩrĩ, Mũtirĩ hingo mũgatungatĩra mũthamaki wa Babuloni;
10. nĩ ũndũ nĩ ũhoro wa maheni mekũmũrathĩra, nĩguo mũrindũrithio bũrũri wanyu mũtwarũo kũndũ kũraya naguo; na nĩ getha ndĩmũingate mũũre o kũũra.
11. No rĩrĩ, rũrĩrĩ rũrĩa rũgetĩkĩra gwĩkĩrũo mũtĩ wa ngingo nĩ mũthamaki ũcio wa Babuloni, o na rũmũtungatĩre, rũrĩrĩ rũu nĩngareka rũikare bũrũri waruo kĩũmbe; ũguo nĩguo Jehova ekuuga. Nao andũ aruo nĩmakaũrĩma, na maũtũũre.
12. Ningĩ ngĩarĩria Zedekia, mũthamaki wa Juda, o ndeto iringaine na ũhoro ũcio wothe, ngĩmwĩra atĩrĩ, Rehei ngingo cianyu mwĩkĩrũo mũtĩ wa ngingo nĩ mũthamaki wa Babuloni, na mũmũtungatĩre, we mwene o na andũ ake, nĩguo mũtũũre muoyo.
13. Kaĩ mũgũgĩkua nĩ ũndũ kĩ, wee mwene o na andũ aku, na ũndũ wa kũũragwo na rũhiũ rũa njora, na ng’aragu, o na mũthiro, o ta ũrĩa Jehova aarĩtie ũhoro wa rũrĩrĩ rũrĩa ruothe rũtagatungatĩra mũthamaki wa Babuloni?
14. Na mũtikanaigue ũhoro wa anabii arĩa mamũheaga ũhoro, makamwĩra atĩrĩ, Mũtigatungatĩra mũthamaki wa Babuloni; nĩ ũndũ ũrathi ũcio mamũrathagĩra nĩ wa maheni,
15. nĩ gũkorũo ti niĩ ndĩmareketie; ũguo nĩguo Jehova ekuuga; no nĩ kũratha marathaga ũhoro wa maheni makĩgwetaga rĩĩtwa rĩakwa, nĩguo ndĩmũrutũrũre ta mũikĩtio na kĩano, na nĩ getha mũũre o kũũra, inyuene, o na anabii acio mamũrathagĩra maũndũ.
16. Ningĩ ngĩcoka ngĩaria na athĩnjĩri-Ngai, o na andũ acio othe, ngĩmera atĩrĩ, Jehova ekuuga ũũ: Menyai mũigue mohoro ma anabii anyu arĩa mamũrathagĩra maũndũ, makĩmwĩra ũũ: Atĩrĩrĩ, indo cia nyũmba ya Jehova itigairie hanini icokio handũ hacio irutĩtwo Babuloni; nĩ ũndũ nĩ ũhoro wa maheni mekũmũrathĩra.
18. No rĩrĩ, mangĩkorũo ti-itherũ nĩ anabii, na ũhoro ũrĩa me naguo ũkorũo nĩ wa Jehova-rĩ, nĩmagĩthaithe Jehova Mũnene wa Ita, nĩ getha indo iria itigarĩte nyũmba ya Jehova, o na nyũmba ya mũthamaki wa Juda, o na gũkũ Jerusalemu, itigatwarũo Babuloni.
19. Nĩ gũkorũo Jehova Mũnene wa Ita nĩaarĩtie ũhoro wa itugĩ cia hekarũ, o na itangi rĩrĩa rĩĩtagwo karia ga gĩcango, o na inyamũ iria ihaana ngari, o na indo iria ingĩ iria itigarĩte gũkũ itũũra-inĩ rĩrĩ,
20. o icio Nebukadinezaru, mũthamaki wa Babuloni, ataathiire nacio hĩndĩ ĩrĩa aarindũrire Jekonia, mũrũ wa Jehoiakimu, mũthamaki wa Juda, oime Jerusalemu athiĩ Babuloni, me na anene othe a Juda na Jerusalemu;
21. ĩĩ, ti-itherũ, Jehova Mũnene wa Ita, o we Ngai wa Isiraeli, nĩaarĩtie ũhoro wa indo icio itigarĩte nyũmba ya Jehova, o na nyũmba ya mũthamaki wa Juda, o na kũu Jerusalemu, akoiga ũũ:
22. Atĩrĩrĩ, indo icio nĩigakuuwo itwarũo Babuloni, na kũu nĩkuo igaikara o nginya ihinda rĩrĩa nduĩte; ũguo nĩguo Jehova ekuuga; na hĩndĩ ĩo nĩguo ngaciambatia, ndĩcicokie kũndũ gũkũ.