1. Na rĩrĩ, maya nĩmo marĩĩtwa ma mĩhĩrĩga ĩo; kuuma o gĩturi gĩa gathigathini, gũkuhĩ na njĩra ĩrĩa ĩthiaga Hethiloni nginya o itonyero-inĩ rĩa Hamathu, na Hazari-enoni, kũu mũhaka-inĩ wa Dameski, kũu kũrorete gathigathini gũkuhĩ na Hamathu, marĩheagwo rũare rũa bũrũri ruumĩte mũhaka-inĩ wa mwena wa irathĩro rũgakinya o mũhaka-inĩ wa mwena wa ithũĩro; Dani aheo rũare rũmwe.
2. Ningĩ mũhaka-inĩ wa Dani, kuuma o mwena wa irathĩro nginya o mwena wa ithũĩro, Asheri aheo rũare rũmwe.
3. Nakuo kũu kũhakaine na kwa Asheri, kuuma mwena wa irathĩro nginya o mwena wa ithũĩro, Nafitali aheo rũare rũmwe.
4. Nakuo kũu kũhakaine na kwa Nafitali, kuuma mwena wa irathĩro nginya o mwena wa ithũĩro, Manase aheo rũare rũmwe.
5. Nakuo kũu kũhakaine na kwa Manase, kuuma mwena wa irathĩro nginya o mwena wa ithũĩro, Efiraimu aheo rũare rũmwe.
6. Nakuo kũu kũhakaine na kwa Efiraimu, kuuma mwena wa irathĩro nginya o mwena wa ithũĩro, Reubeni aheo rũare rũmwe.
7. Nakuo kũu kũhakaine na kwa Reubeni, kuuma mwena wa irathĩro nginya o mwena wa ithũĩro, Juda aheo rũare rũmwe.
8. Ningĩ kũu kũhakaine na kwa Juda, kuuma mwena wa irathĩro nginya o mwena wa ithũĩro, nĩkuo gũkagĩa rũare rũrĩa mũkarutĩra Jehova, naruo rũgakorũo rũĩ rũa mĩkono ngiri mĩrongo ĩĩrĩ na ĩtano kwarama, na rũkaraiha o ta rũare rũmwe rũa icio ingĩ, ruumĩte mwena wa irathĩro, nginya o mwena wa ithũĩro; naho handũ harĩa haamũre hagaakwo gatagatĩ karuo.
9. Rũare rũrĩa mũkarutĩra Jehova-rĩ, rũgakorũo rũraihĩte mĩkono ngiri mĩrongo ĩĩrĩ na ĩtano, na rũkaarama mĩkono ngiri ikũmi.
11. Nakĩo gĩcunjĩ kĩu kĩamũre-rĩ, gĩgatuĩka gĩa athĩnjĩri-Ngai arĩa maamũrĩtwo magatherio thĩinĩ wa ariũ a Zadoku, o arĩa maatũire maikaragia wega handũ hakwa, nao nĩ arĩa mataigana gũtũgũgio, o hĩndĩ ĩrĩa ciana cia Isiraeli ciatũgũgirio, o na ta ũrĩa Alawii o nao maatũgũgirio.
12. Naruo rũare rũu rũgatuĩka ta kĩndũ kĩrĩa kĩrutĩirũo Jehova kiumĩte ndware-inĩ iria ingĩ cia bũrũri ũyũ, naruo rũamũrũo rũtuĩke ta kĩndũ gĩtheru gũkĩra iria ingĩ ciothe, naruo rũhakane na rũu rũa Alawii.
13. Ningĩ Alawii magĩe na rũare rũao rũhakaine na rũu rũa athĩnjĩri-Ngai, naruo rũraihe mĩkono ngiri mĩrongo ĩĩrĩ na ĩtano, na rũarame mĩkono ngiri ikũmi; ũraihu waruo wothe-rĩ, ũtuĩke mĩkono ngiri mĩrongo ĩĩrĩ na ithano, na wariĩ waruo wothe ũtuĩke mĩkono ngiri ikũmi.
14. Nao matikanarũendie, kana marũkũũranie, o na kana irio cia mũro wa mbere ciaruo ithiĩ na mũndũ ũngĩ; nĩ ũndũ nĩ rũamũre rũtuĩke rũa Jehova.
15. Nakĩo gĩcigo kĩrĩa gĩgũtigara kĩaramĩte mĩkono ngiri ithano, o kĩu kĩrĩ mbere ya rũare rũu rũa mĩkono ngiri mĩrongo ĩĩrĩ na ĩtano-rĩ, gĩgatuĩka kĩa wĩra wa andũ othe; gĩtuĩke gĩa itũũra rĩa gũtũũrũo nĩ andũ, o na gĩa kũgĩa ithaka cia ũrĩithio, narĩo itũũra rĩu rĩgĩe gatagatĩ gakĩo.
16. Naguo ũhoro wa ũrĩa rĩgathimwo nĩguo ũyũ; mwena wa gathigathini nĩ mĩkono ngiri inya cia magana matano, naguo mwena wa gũthini mĩkono ngiri inya cia magana matano, naguo mwena wa irathĩro mĩkono ngiri inya cia magana matano, o naguo mwena wa ithũĩro mĩkono ngiri inya cia magana matano.
17. Narĩo itũũra rĩu rĩgĩe na ithaka cia ũrĩithio na ndwere ciothe. Mwena ũrĩa ũrorete gathigathini ũthimwo mĩkono magana merĩ ma mĩrongo ĩtano, naguo mwena wa gũthini ũthimwo mĩkono magana merĩ ma mĩrongo ĩtano, naguo mwena wa irathĩro ũthimwo mĩkono magana merĩ ma mĩrongo ĩtano, o naguo mwena wa ithũĩro ũthimwo mĩkono magana merĩ ma mĩrongo ĩtano.
18. Nakĩo gĩcigo kĩrĩa gĩgũtigara kĩa ũraihu ũrĩa ũringaine na rũare rũrĩa rũamũre rũrutĩirũo Jehova, gĩtuĩke mĩkono ngiri ikũmi mwena ũrĩa ũrorete irathĩro, o na mĩkono ngiri ikũmi mwena ũrĩa ũrorete ithũĩro; nakĩo kĩhakane na gĩcigo kĩu kĩamũre; naguo uumithio wakĩo ũtuĩkage irio cia andũ arĩa marutaga wĩra itũũra-inĩ rĩu.
20. Na rĩrĩ, rũare ruothe rũa kũrutĩrũo Jehova rũgatuĩka rũa mĩkono ngiri mĩrongo ĩĩrĩ na ĩtano kũraiha, na kwarama mĩkono ngiri mĩrongo ĩĩrĩ na ĩtano o ro ũguo, mũkĩrute rũare rũiganaine na mĩena yothe yaruo ĩna, rũĩ thikwea, handũ harĩa hangĩtuĩka ha itũũra rĩu harĩ o ho.
21. Na rĩrĩ, kũndũ kũrĩa gũtigaru gwakĩo gũgatuĩka kwa mũnene, mwena ũyũ, o na mwena ũrĩa ũngĩ wa handũ hau haamũre harutĩirũo Jehova, na handũ hau hatuĩkĩte ha itũũra, o kũu kwĩikĩtie na mbere ya mũhaka wa mwena wa irathĩro wa kũrĩa gũthimĩtwo mĩkono ngiri mĩrongo ĩĩrĩ na ĩtano gwa kũrĩa kũrutĩirũo Jehova, o na kũu kũngĩ kwĩikĩtie na mbere ya mũhaka wa mwena wa ithũĩro wa kũrĩa gũthimĩtwo mĩkono ngiri mĩrongo ĩĩrĩ na ĩtano, kũu guothe kũringaine na ndware iria ingĩ, nĩkuo gũgatuĩka kwa mũnene, nakĩo gĩcunjĩ kĩu kĩamũre kĩrutĩirũo Jehova, o na handũ hau haamũre ha nyũmba ĩo, gũkagĩa gatagatĩ-inĩ gakuo.
22. O na ningĩ atĩrĩ, kuuma o kũndũ kũrĩa gwa gũtũũrũo nĩ Alawii, o na kuuma kũrĩa gũgatuĩka gwa itũũra, o kũu gwĩ gatagatĩ-inĩ ga kũu kwa mũnene, gatagatĩ-inĩ ka mũhaka wa Juda o na mũhaka wa Benjamini-rĩ, kũu o nakuo gũgatuĩka kwa mũnene.
23. Naho ha ũhoro wa mĩhĩrĩga ĩrĩa ĩtigarĩte-rĩ, kuuma o mwena wa irathĩro nginya o mwena wa ithũĩro, Benjamini ekũheo rũare rũmwe.
24. Nakuo kũu kũhakaine na kwa Benjamini, kuuma mwena wa irathĩro nginya mwena wa ithũĩro, Simeoni aheo rũare rũmwe.
25. Nakuo kũu kũhakaine na gwa Simeoni, kuuma mwena wa irathĩro nginya o mwena wa ithũĩro, Isakaru aheo rũare rũmwe.
26. Nakuo kũu kũhakaine na kwa Isakaru, kuuma mwena wa irathĩro nginya o mwena wa ithũĩro, Zebuluni aheo rũare rũmwe.
27. Nakuo kũu kũhakaine na gwa Zebuluni, kuuma mwena wa irathĩro nginya o mwena wa ithũĩro, Gadi aheo rũare rũmwe.
28. Nakuo kũu kwa Gadi, mũhaka wa mwena wa gũthini, o ũcio ũrorete na kũu gũthini, ũkarutio Tamaru nginya o maria-inĩ ma Meribathu-kadeshi, ũkinye o karũũĩ-inĩ ka Misiri, ũcoke ũkinye iria-inĩ rĩrĩa ĩnene.
29. Ũcio nĩguo bũrũri ũrĩa mũkagayania mĩhĩrĩga ya Isiraeli na ũndũ wa kũũcukĩra mĩtĩ nĩguo ĩgwate igai rĩayo, nacio ndware ciayo nĩcio icio o mũhĩrĩga o mũhĩrĩga; ũguo nĩguo Mwathani Jehova oigĩte.
30.
Nacio nyumĩrĩra cia itũũra rĩu nĩcio ici; mwena wa gathigathini ũgathimwo mĩkono ngiri inya cia magana matano;
31. nacio ihingo cia itũũra rĩu igetanagio na mĩhĩrĩga ya Isiraeli; mwena ũcio ũrorete gathigathini-rĩ, ũkagĩa ihingo ithatũ, kĩhingo kĩa Reubeni, kĩmwe, na kĩhingo kĩa Juda, kĩmwe, na kĩhingo kĩa Lawii, kĩmwe.
32. O naguo mwena wa irathĩro ũthimwo mĩkono ngiri inya cia magana matano, nakuo kũgĩe ihingo ithatũ. Nacio nĩ kĩhingo kĩa Jusufu, kĩmwe, na kĩhingo kĩa Benjamini, kĩmwe, na kĩhingo kĩa Dani, kĩmwe.
33. Ningĩ mwena wa gũthini ũthimwo mĩkono ngiri inya cia magana matano, nakuo kũgĩe ihingo ithatũ, kĩhingo gĩa Simeoni, kĩmwe, na kĩhingo kĩa Isakaru, kĩmwe, na kĩhingo gĩa Zebuluni, kĩmwe.
34. O na ningĩ mwena wa ithũĩro ũthimwo mĩkono ngiri inya cia magana matano, nakuo kũgĩe ihingo ciakuo ithatũ, kĩhingo kĩa Gadi, kĩmwe, na kĩhingo kĩa Asheri, kĩmwe, na kĩhingo kĩa Nafitali, kĩmwe.