1. Na rĩrĩ, Dario agĩkĩona ta arĩ wega aige anene igana rĩa mĩrongo ĩĩrĩ, matuĩke a gwathana bũrũri ũcio wothe;
2. ningĩ agĩcoka akĩiga atongoria atatũ matuĩke anene a acio angĩ, nake Danieli agĩkorũo arĩ ũmwe wa acio atatũ; nao atongoria acio maaigirũo nĩ getha marehagĩrũo mohoro nĩ anene acio angĩ a bũrũri, nĩguo mũthamaki ndakorũo nĩ kĩndũ o na kĩmwe gĩake.
3. Ningĩ Danieli ũcio agĩgĩĩkĩrĩrũo makĩria gũkĩra atongoria acio angĩ, o na gũkĩra anene arĩa angĩ othe, tondũ nĩaakoragwo e mũkuũku mũno, nake mũthamaki aatanyĩte kũmũtua mwathi wa bũrũri wake wothe.
4. Tondũ ũcio atongoria acio angĩ, me hamwe na anene, magĩcaria ũrĩa mangĩcuka Danieli wĩra-inĩ wake wa gwathana, no nĩ kwaga maagire ihĩtia rĩake, o na kana ũndũ o na ũrĩkũ mangĩmũcukĩra, tondũ aarĩ mwĩhokeku, na akaaga ũcuke kana ihĩtia o na rĩrĩkũ mĩthiĩre-inĩ yake.
5. Nao andũ acio magĩgĩcoka makiuga atĩrĩ, Maũndũ ma gũcuka Danieli ũyũ namo, tũtingĩmona na njĩra ĩngĩ tiga o tũmonire ũhoro-inĩ wa kĩrĩra kĩa Ngai wake.
6. Tondũ ũcio atongoria acio magĩkĩũngana harĩ mũthamaki me na ngũĩ nene, me hamwe na anene acio a bũrũri, makĩmwĩra ũũ: Atĩrĩrĩ, wee mũthamaki witũ Dario, ũrotũũra tene na tene.
7. Nĩ ithuĩ atongoria othe a bũrũri, twĩ hamwe na anyabara othe, na anene othe, na athuri othe arĩa makũheaga kĩrĩra, o na abarũthi othe, tũciranĩire tũgatua atĩ kwagĩrĩire wee, mũthamaki, ũtue watho, na ũhinge mũhingo, ũgĩathane atĩ mũndũ o wothe ũrĩa ũngĩhoya ũndũ harĩ ngai o na ĩrĩkũ, o na kana harĩ mũndũ o na ũrĩkũ, tiga o akũhoe wee, mũthamaki witũ, hĩndĩ ya matukũ mĩrongo ĩtatũ ĩgĩgathira-rĩ, no nginya aikio irima-inĩ rĩa mĩrũthi.
8. Na rĩu, wee mũthamaki witũ, twagũthaitha wĩkĩre mũhingo ũcio hinya, na wandĩke ũhoro thaĩri nĩ getha ndũkagarũrũo, no ũikare o ta ũrĩa mawatho ma Amedia na Aperisia maikaraga, tondũ matigarũragwo.
9. Tondũ ũcio mũthamaki ũcio ti Dario agĩkĩandĩka watho thaĩri o na mũhingo ũcio.
10. Na rĩrĩ, Danieli aaigua atĩ watho ũcio nĩ mwandĩke thaĩri, akĩinũka gwake; nacio ndirica cia nyũmba yake ciahingũragwo irorete mwena wa Jerusalemu; nake agagĩturagia ndu o mũthenya gatatũ akahoya Ngai, akĩmũcokagĩria ngatho, o ta ũrĩa aamenyerete gwĩka.
11. Nao andũ acio magĩkĩũngana me na ngũĩ nene, na magĩkora Danieli akĩhoya Ngai wake, akĩmũthaithaga.
12. Nao magĩgĩthiĩ, magĩthengerera mũthamaki, makĩmũhoya ũhoro wa mũhingo ũcio wake, makĩmũũria atĩrĩ, Githĩ ndwaandĩkire watho thaĩri wa gwĩkĩra mũhingo hinya, ũkiuga atĩ mũndũ o na ũrĩkũ angĩhoya ngai o na ĩrĩkũ ũndũ, o na kana ahoe mũndũ o na ũrĩkũ, tiga o akũhoe wee mũthamaki, hĩndĩ ya matukũ mĩrongo ĩtatũ ĩgĩgathira, no nginya aikio irima-inĩ rĩa mĩrũthi? Nake mũthamaki akĩmacokeria, akiuga atĩrĩ, Ũhoro ũcio nĩ wa ma, na nĩũringaine na ũrĩa mawatho ma Amedia na Aperisia matariĩ, tondũ matigarũragĩrũo.
13. Nao magĩgĩcokeria mũthamaki, makiuga atĩrĩ, Danieli ũcio wa ciana iria ciarindũrirũo ikiuma Juda, ndegũkũigua o na hanini, wee mũthamaki witũ, kana akaigua mũhingo ũrĩa waandĩkire thaĩri; no nĩ kũhoya ahoyaga Ngai wake o mũthenya gatatũ.
14. Nake mũthamaki aaigua ciugo icio akĩigua kĩeha mũno, na agĩikara arũmĩtie rũendo harĩ Danieli na akĩenda kũmũteithũra; naguo mũthenya ũcio wothe agĩgĩtinda erutanĩirie akĩgeria kũmũhonokia, o nginya riũa rĩgĩthũa.
15. Nao andũ acio magĩgĩcoka makĩũngana rĩngĩ he mũthamaki me na ngũĩ nene, na makĩĩra mũthamaki atĩrĩ, Nĩ wega ũririkane atĩ ũhoro-inĩ wa mawatho ma Amedia na Aperisia hatirĩ mũhingo o na kana watho ũrĩa ũtuĩtwo nĩ mũthamaki ũngĩhota gũcoka kũgarũrĩrũo.
17. Narĩo ihiga rĩgĩkĩrehwo, rĩkĩigwo mũromo-inĩ wa irima rĩu, nake mũthamaki akĩrĩhinga na ũndũ wa kũrĩcinĩrĩra rũũri rũake we mwene, o na rũa aathani a bũrũri wake; ũguo noguo gwekirũo nĩ getha ũhoro o na ũrĩkũ ũkoniĩ Danieli ndũkagarũrũo.
18. Nake mũthamaki agĩcoka gwake mũciĩ, o nyũmba ĩo yake ya ũnene, nake akĩraara ehingĩte kũrĩa irio, na ndaigana kũreherũo inanda iria aahũthĩire kũinĩrũo nacio; na ũtukũ ũcio wothe akĩraara orĩtwo nĩ toro.
23. Nake mũthamaki aaigua ũguo, agĩkena acanjamũkĩte ngoro mũno, agĩgĩcoka agĩathana atĩ Danieli arutwo irima-inĩ rĩu rĩa mĩrũthi; nake agĩkĩrutwo irima-inĩ rĩu, na ndaigana gũkorũo ekĩtwo kaũndũ o na karĩkũ, tondũ nĩehokete Ngai wake.
24. Ningĩ mũthamaki agĩcoka agĩathana rĩngĩ, akiuga atĩ andũ arĩa maathitangĩte Danieli manyitwo marehwo, o ene, me na twana twao na atumia ao, maikio irima-inĩ rĩu rĩa mĩrũthi othe hamwe; nayo mĩrũthi ĩo ĩkĩmakĩria hinya o rĩmwe, ĩkĩmahehenjanga mahĩndĩ o na matanakinya gĩtina-inĩ kĩa irima.
25. Nake mũthamaki ti Dario agĩcoka akĩandĩkĩra andũ a nduka ciothe, na ndũrĩrĩ ciothe, o na a mĩario yothe, marũa, o arĩa matũũraga gũkũ thĩ guothe, akĩmera ũũ:
Atĩrĩrĩi, thayũ ũromũingĩhĩra!
26. Nĩ gũtua nduĩte watho, ngoiga atĩrĩ, atĩ mabũrũri-inĩ mothe ma ũthamaki wakwa, andũ mainainage me mbere ya Ngai wa Danieli, na mamwĩtigagĩre.
Nĩ ũndũ ũcio nĩwe Ngai ũrĩa wĩ muoyo,
Na nĩwe ũtũũraga mĩndĩ na mĩndĩ.
Ũthamaki wake ndũkaninwo o rĩ, o rĩ,
Naguo wathani wake nĩ wa gũtũũra tene na tene.
27. Nĩwe ũhonokagia andũ, akamaruta ũgwati-inĩ,
Na akonania morirũ na maũndũ ma kũgegania matu-inĩ o na gũkũ thĩ.
Ũcio nĩwe ũhonoketie Danieli,
Ndagakĩrio hinya nĩ mĩrũthi.
28. Nake Danieli agĩgĩikara agaacĩire matukũ-inĩ mothe ma wathani wa Dario, o na ma wathani wa Kurusu, ũrĩa Mũperisia.