2. No-rĩ, o ta ũrĩa maakĩragĩrĩria gwĩtwo-rĩ, no taguo maakĩragĩrĩria kũũranĩra, magathĩnjagĩra ngai iria ciĩtagwo Baali, na magacinagĩra mĩhianano mĩacũhie ũbumba.
3. Ĩndĩ, no niĩ ndakĩrutire Efiraimu gwĩtwara na magũrũ, ngĩmoya moko-inĩ makwa; no-o matiamenyaga atĩ nĩ niĩ ndamahonagia.
4. Nĩndamagucĩrĩirie na mĩkanda ta ya mũndũ, o yo mĩhĩndo ya wendani; na harĩ o-rĩ, ndatariĩ ta arĩa meheheragia mũtĩ wa ngingo ngambucu-inĩ ciao, ngaiga irio mbere yao.
5. We ndarĩ hingo agacoka kũu bũrũri wa Misiri; no nĩ Mwashuri ũgatuĩka mũthamaki wake, tondũ nĩmaaregire kũnjokerera.
6. Naruo rũhiũ nĩruo rũkagũĩra matũũra make, na rũnine mĩgĩĩko yake, rũmarĩe tondũ wa metaara mao.
7. Na andũ akwa-rĩ, nĩ kwĩrirĩria meriragĩria kũndiganĩria magacoke na thutha; o na mangĩĩtwo macokerere ũrĩa wĩ kũu igũrũ-rĩ, gũtirĩ o na ũmwe ũngĩĩkĩrĩra mũmeti.
8. Ndahota atĩa gũgũtiga, wee Efiraimu? Ndakĩhota atĩa gũkũrekereria, wee Isiraeli? Ngĩhote atĩa gũtũma ũtuĩke ta Adima? kana ngũtue ta Zeboimu? Ngoro yakwa nĩĩrangariũka thĩinĩ wakwa, o na tha ciakwa igagĩakana hamwe ta mwaki.
10. O nĩ kũrũmĩrĩra makarũmĩrĩra Jehova, o we ũrĩa ũkararama ta mũrũthi; amu nĩagakĩrarama-ĩ, nacio ciana igoka ikĩinainaga ciume na ithũĩro-inĩ.
11. Gũũka nĩigoka ikĩinainaga ta nyoni ikiuma Misiri, o na ta ndutura ikiuma bũrũri wa Ashuri; na nĩngatũma matũũrage nyũmba-inĩ ciao ene; ũguo nĩguo Jehova ekuuga.
12. Efiraimu nĩanjigĩrĩire na maheni, o na nyũmba ya Isiraeli ĩkandigicĩria na ũhinga; no Juda-rĩ, aathanaga o na rĩu hamwe na Ngai, akarũmanĩrĩra hamwe na Ũrĩa Mũtheru.