1. Ningĩ Jehova akĩnjĩra atĩrĩ, Ta coka ũthiĩ mwendane na mũtumia wendetwo nĩ mũthuriwe, o na arĩ mũtharia; o ta ũrĩa Jehova endete ciana cia Isiraeli o na ciakorũo nĩigarũrũkĩire ngai ingĩ, na ikenda ikũmba cia thabibu nyũmũ.
2. Ngĩkĩmwĩgũrĩra na icere ikũmi na ithano cia betha, na homeri ĩmwe ya cairi na nuthu ya homeri ya cairi;
3. na ngĩmwĩra atĩrĩ, Wee-rĩ, no ũikare ũrĩ wakwa matukũ maingĩ; menya wĩke maũndũ ma ũmaraya kana ũtuĩke mũtumia wa mũndũ ũngĩ, na no ũguo niĩ na niĩ ngũtuĩka harĩ wee.
4. Amurĩ, ciana cia Isiraeli nĩigaikara matukũ maingĩ itarĩ na mũthamaki, na itarĩ na mũnene, na itarĩ na igongona, na itarĩ na gĩtugĩ gĩa kũhoyũo, na itarĩ na ebodi kana mĩhianano ya kũhoya ngai nayo;
5. no thutha ũcio-rĩ, ciana cia Isiraeli nĩ gũcoka igacoka, na icarie Jehova Ngai wacio, na Daudi mũthamaki wacio; na ciũke kwĩ Jehova ii na guoya wĩ gĩtĩo, na kũrĩ wega wake matukũ-inĩ ma mũrigĩrĩrio.