2. Oya Haruni, na ariũ ake me hamwe nake, o na nguo iria cia wĩra wa mũthĩnjĩri-Ngai, na maguta marĩa maitanagĩrĩrio, na ndegwa ĩrĩa ya igongona rĩa mehia, na ndũrũme iria igĩrĩ, o na gĩkabu kĩrĩa kĩa mĩgate ĩtarĩ mĩimbie,
3. ũcokanĩrĩrie kĩrĩndĩ gĩothe mũromo-inĩ wa hema-ya-gũtũnganwo.
4. Musa agĩgĩĩka o ta ũguo Jehova aamwathire, kĩrĩndĩ gĩgĩgĩcokanĩrĩrio mũromo-inĩ wa hema-ya-gũtũnganwo.
6. Nake Musa agĩgĩtwaratwara Haruni na ariũ ake hau, akĩmathambia na maĩ;
7. agĩcoka akĩmũhumba kanjũ, na akĩmuoha mwĩhotoro, na akĩmũhumba nguo ĩrĩa ĩngĩ ndaya, agĩkĩmwĩkĩra ebodi, ningĩ akĩmuoha mwĩnyitio ũrĩa ũgemetio wega wa ebodi, akĩmũhotora naguo.
8. Ningĩ akĩmwĩkĩra gakuo ga gĩthũri, nako gakuo kau ga gĩthũri agĩgekĩra Urimu na Thumimu.
9. Agĩcoka akĩmwĩkĩra kĩremba mũtwe, na mwena wa na mbere wakĩo akĩwĩkĩra gathuma ga thahabu, nako nĩko gatanji karĩa gatheru; o ta ũrĩa Jehova aathire Musa gwĩkwo.
10. Nake Musa agĩkĩoya maguta marĩa maitanagĩrĩrio, agĩitĩrĩria gĩikaro, o na kĩrĩa gĩothe kĩarĩ kuo thĩinĩ, agĩgĩciamũra agĩcitheria.
11. Namo mamwe akĩmaminjaminjĩria kĩgongona maita mũgwanja, agĩitĩrĩria kĩgongona kĩu maguta hamwe na indo ciakĩo ciothe, na kĩnyũngũ gĩa gwĩthambĩrũo hamwe na kũgũrũ gwakĩo, agĩgĩciamũra agĩcitheria.
13. Ningĩ Musa agĩtwaratwara ariũ a Haruni ho, akĩmahumba makanjũ, na akĩmoha mĩĩhotoro, na akĩmoha tũkũbia twa mũtwe; o ta ũrĩa Jehova aathĩte Musa gwĩkwo.
14. Ningĩ agĩtwaratwara ndegwa ya igongona rĩa mehia, nake Haruni na ariũ ake makĩigĩrĩra moko mao mũtwe wa ndegwa ĩo ya igongona rĩa mehia.
15. Musa agĩkĩmĩthĩnja, agĩcoka akĩoya thakame yayo, akĩmĩĩkĩra hĩa-inĩ cia kĩgongona mbarĩ ciothe na kĩara gĩake; agĩgĩtheria kĩgongona kĩu, o na agĩita thakame hau thĩ kĩgongona-inĩ kĩu agĩkĩamũra agĩgĩtheria, nĩguo akĩhoroherie.
16. Ningĩ akĩruta maguta mothe ma rũambũ rũrĩa rũhumbagĩra nyama cia nda, na habaya wa ini-inĩ, na higo cierĩ, o na maguta ma cio, nake Musa agĩcicinĩra kĩgongona-inĩ kĩu igũrũ.
17. No rĩrĩ, nyama cia ndegwa ĩo, na rũũa rũayo, na nyama ciayo cia nda na tatha wayo, agĩcicinĩra na mwaki na kũu gĩthaka-inĩ mbarĩ ĩrĩa ĩngĩ ya hau kĩraaro-inĩ, o ta ũrĩa Jehova aathĩte Musa gwĩkwo.
18. Agĩcoka agĩgĩtwara ndũrũme ya ihaki rĩa njino; nake Haruni na ariũ ake makĩigĩrĩra moko mao mũtwe wa ndũrũme ĩo.
19. Musa agĩkĩmĩthĩnja; akĩminjaminja thakame yayo kĩgongona-inĩ igũrũ mbarĩ ciothe.
20. Agĩcoka agĩtinangia ndũrũme ĩo icunjĩ, agĩcina mũtwe, hamwe na icunjĩ icio ingĩ, o na maguta,
21. nacio nyama cia nda, na mathagiro, akĩamba gũcithambia na maĩ. Ndũrũme ĩo yothe Musa agĩkĩmĩcinĩra kĩgongona-inĩ; rĩu rĩgĩtuĩka ihaki rĩa njino rĩa gũtũma mũtararĩko ũrĩa ũnungaga wega ũiguwo; ningĩ nĩrĩo ihaki rĩrĩa rĩarutĩirũo Jehova rĩa gũcinwo na mwaki, o ta ũrĩa Jehova aathĩte Musa gwĩkwo.
22. Ningĩ agĩtwara ndũrũme ĩrĩa ĩngĩ, na nĩyo ya kwamũra andũ matuwo atheru; nao Haruni na ariũ ake makĩigĩrĩra moko mao mũtwe wa ndũrũme ĩo.
23. Musa agĩkĩmĩthĩnja, akĩoya thakame ĩmwe yayo, akĩmĩĩkĩra mũthia-inĩ wa gũtũ kwa ũrĩo kwa Haruni, na mũthia wa kĩara kĩrĩa kĩnene gĩa guoko gwake kwa ũrĩo, o na mũthia wa kĩara kĩrĩa kĩnene gĩa kũgũrũ gwake kwa ũrĩo.
24. Ningĩ Musa agĩtwaratwara ariũ a Haruni ho, akĩmekĩra thakame ĩo mĩthia-inĩ ya matũ mao ma ũrĩo, na mĩthia-inĩ ya ciara iria nene cia moko mao ma ũrĩo, o na mĩthia-inĩ ya ciara iria nene cia magũrũ mao ma ũrĩo, ningĩ Musa akĩminjaminja thakame ĩo kĩgongona-inĩ igũrũ mbarĩ ciothe.
25. Agĩkĩoya maguta, namo nĩmo gĩthita kĩayo, na rũambũ rũrĩa rũhumbagĩra nyama cia nda; o na habaya wa ini-inĩ, na higo cierĩ o na maguta ma cio, o na kĩero kĩa ũrĩo;
26. ningĩ gĩkabu-inĩ kĩa mĩgate ĩrĩa ĩtarĩ mĩimbie, o kĩu kĩaigĩtwo mbere ya Jehova, akĩruta kamũgate kamwe gatarĩ kaimbie, na kangĩ kahake maguta, na kangĩ kahũthũ, agĩtũiga igũrũ rĩa maguta macio, o na igũrũ rĩa kĩero kĩu kĩa ũrĩo;
27. nacio indo icio ciothe agĩciigĩrĩra moko-inĩ ma Haruni, o na ma ariũ ake, agĩcithũngũthia ituĩke igongona rĩa gũthũngũthĩrio mbere ya Jehova.
29. Ningĩ Musa agĩkĩoya gĩthũri, agĩgĩthũngũthia gĩtuĩke igongona rĩa gũthũngũthĩrio mbere ya Jehova; gĩgĩgĩtuĩka rũgai rũa Musa rũa ndũrũme ĩo ya kwamũra andũ matuwo atheru; o ta ũrĩa Jehova aathĩte Musa gwĩkwo.
30. Ningĩ Musa agĩgĩcoka akĩoya maguta mamwe marĩa maitanagĩrĩrio, na thakame ĩmwe ĩrĩa yarĩ kĩgongona-inĩ igũrũ, akĩminjaminjĩria Haruni, na nguo ciake, na ariũ ake, o na nguo cia ariũ ake hamwe nake; agĩkĩamũra Haruni akĩmũtheria, na nguo ciake, na ariũ ake, o na nguo ciao hamwe nake.
31. Ningĩ Musa agĩkĩĩra Haruni na ariũ ake atĩrĩ, Rugĩrai nyama ici haha mũromo-inĩ wa hema-ya-gũtũnganwo, na mũcirĩĩre o ho hamwe na mũgate ũrĩa ũrĩ gĩkabu-inĩ kĩu kĩa wamũri andũ matuwo atheru, o ta ũrĩa ndaathanire, ngiuga atĩrĩ, Haruni na ariũ ake nĩmacirĩe.
32. Nakĩo kĩrĩa gĩgũtigara kĩa nyama icio, o na kĩa mũgate, gĩcinei na mwaki.
33. Ningĩ-rĩ, mũkanina mĩthenya mũgwanja mũtekuuma kũu mũromo-inĩ wa hema-ya-gũtũnganwo, o nginya hĩndĩ ĩrĩa matukũ manyu ma kwamũrũo mũtherio makahingio; nĩ ũndũ akanina mĩthenya mũgwanja akĩmwamũra amũtherie.
34. O ta ũrĩa gwĩkĩtwo ũmũthĩ-rĩ, ũguo noguo Jehova aathanĩte gwĩkwo, nĩguo mũhoroherio.
35. Naho hau mũromo-inĩ wa hema-ya-gũtũnganwo-rĩ, mũgaikara ho mĩthenya mũgwanja, mũthenya o na ũtukũ, nĩguo mũhingie watho wa Jehova, mũtigakue; nĩ ũndũ ũguo nĩguo njathĩtwo.
36. Nao Haruni na ariũ ake magĩĩka maũndũ mothe marĩa Jehova aathĩte Musa mekwo.