1. HĨNDĨ ĩo Jesu akĩgera mĩgũnda-inĩ ya ngano mũthenya wa thabatũ; na arutwo ake maarĩ ahũtu, magĩgĩitĩka gũtua ngira cia ngano magĩcihuta makĩrĩa.
2. Nao Afarisai mona ũguo, makĩmwĩra atĩrĩ, Arutwo aku nĩmegwĩka ũrĩa ũtagĩrĩire gwĩkwo mũthenya wa thabatũ.
3. Nake akĩmoria atĩrĩ, Kaĩ mũtathomete ũrĩa Daudi ekire rĩrĩa aahũtiĩ, o na andũ arĩa maarĩ nake;
4. ũrĩa aatonyire nyũmba ya Ngai na akĩrĩa mĩgate ĩrĩa yaigagĩrũo Ngai, ĩrĩa ataagĩrĩirũo nĩ kũrĩa we mwene, kana andũ arĩa maarĩ nake, tiga o athĩnjĩri-Ngai oiki?
5. O na ningĩ, kaĩ mũtathomete watho-inĩ atĩ athĩnjĩri-Ngai arĩa marĩ hekarũ-inĩ mĩthenya ya thabatũ nĩmathahagia thabatũ, na matituwo ehia?
6. No ngũmwĩra atĩrĩ, haha nĩharĩ mũnene kũrĩ hekarũ.
7.
No rĩrĩ, mũngĩmenyete gĩtũmi gĩa ciugo ici, Ũrĩa nyendaga nĩ tha, no ti magongona, mũtingĩtuire andũ ehia matehĩtie.
8. Nĩ ũndũ Mũrũ wa Mũndũ nĩ mwathani wa gwathaga mũthenya wa thabatũ.
9. Agĩkiuma hau, agĩthiĩ agĩtonya thunagogi yao.
10. Na atĩrĩrĩ, hagĩkorũo harĩ mũndũ wonjete guoko. Na nĩ getha mone ũndũ wa kũmũthitaka naguo, andũ makĩmũũria atĩrĩ, Watho nĩwĩtĩkĩrĩtie kũhonanio mĩthenya ya thabatũ?
11.
Nake akĩmoria atĩrĩ, Inyuĩ-rĩ, nũ ũngĩkorũo arĩ na mbũri ĩmwe, nayo ĩngĩgũa irima-inĩ mũthenya wa thabatũ, githĩ ndangĩmĩgwata amĩrute?
12. Kaĩ mũndũ atakĩrĩ bata gũkĩra mbũri? Nĩ ũndũ ũcio nĩ gwĩtĩkĩrie gwĩkagwo wega mĩthenya ya thabatũ.
13. Agĩcoka akĩĩra mũndũ ũcio, Tambũrũkia guoko. Agĩgũtambũrũkia, gũgĩcoka gũtuĩka kũgima o ta kũrĩa kũngĩ.
14. No rĩrĩ, Afarisai makiuma hau, magĩthiĩ ndundu mamenye ũrĩa mangĩhota kũmũũragithia.
15. Nake Jesu aamenya ũguo, akĩĩeherera hau, agĩĩthiĩra. Na andũ aingĩ makĩmũrũmĩrĩra; nake akĩmahonia othe,
21. Narĩo rĩĩtwa rĩake nĩrĩo andũ a Ndũrĩrĩ makerĩgagĩrĩra.
22. Hĩndĩ ĩo akĩreherũo mũndũ warĩ na ndaimono, na mũtumumu, na ndahotaga kwaria: na Jesu akĩhonia mũndũ ũcio ũtaahotaga kwaria, agĩkĩaria na akĩona.
23. Nakĩo kĩrĩndĩ gĩothe kĩrĩa kĩarĩ ho gĩkĩgega, gĩkiuga atĩrĩ, Ĩ ũyũ to gũgĩkorũo nĩwe mũrũ wa Daudi?
24.
No rĩrĩa Afarisai maaiguire ũhoro ũcio, makiuga atĩrĩ, Mũndũ ũyũ ndangĩhota gũtũma ndaimono ciume andũ, hatarĩ hinya wa Beelizebuli, ũrĩa mũnene wa ndaimono.
25. Nake aamenya meciria mao, akĩmera atĩrĩ, Bũrũri wa mũthamaki o wothe, andũ aguo mangĩamũkana mahũrane o ene, wacoka gĩthaka; na itũũra o rĩothe, kana nyũmba o yothe, andũ akuo mangĩamũkana mahũrane o ene, gũtingĩtũũra:
26. na angĩkorũo Shaitani nĩagwete kũingata Shaitani-rĩ, nĩ kwamũkana amũkanĩte we mwene, akehũra; naguo ũthamaki wake ũgagĩtũũra atĩa?
27. Na niĩ-rĩ, ingĩkorũo nyingataga ndaimono na hinya wa Beelizebuli, kaĩ ariũ anyu magĩciingataga na hinya wa ũ? Nĩ ũndũ ũcio, o nĩo magatuĩka amũtuĩri cira.
28. No rĩrĩ, ingĩkorũo niĩ nyingataga ndaimono na hinya wa Roho wa Ngai, no gũtuĩke atĩ nĩ ũthamaki wa Ngai ũmũkorereire.
29. Na rĩrĩ, mũndũ angĩkĩhota atĩa gũtonya nyũmba ya mũndũ karau, amũtahe indo ciake, ataambĩte kuoha karau ũcio? Hĩndĩ ĩo nĩrĩo agacoka kũmũtaha indo iria irĩ nyũmba yake.
30.
Mũndũ ũrĩa ũtarĩ thiritũ na niĩ nĩ thũ yakwa; na ũrĩa ũtacokagĩrĩria hamwe na niĩ, ũcio nĩaharaganagia.
31. Nĩ ũndũ ũcio ngũmwĩra atĩrĩ, Andũ nĩmakoherũo mehia mothe, na irumi ciothe; no mũndũ angĩruma Roho ndakoherũo.
32.
Na ũrĩa ũgacambia Mũrũ wa Mũndũ nĩakoherũo; no ũrĩa ũgacambia Roho Mũtheru ndakoherũo o na rĩ, mahinda maya, o na kana mahinda marĩa magoka.
33.
Agĩriai mũtĩ, na mwagĩrie maciaro maguo; kana mũthũkie mũtĩ, na mũthũkie maciaro maguo: tondũ mũtĩ ũmenyekaga nĩ ũndũ wa maciaro maguo.
39. Nake akĩmacokeria akĩmera, Rũciaro rũrũ rũaganu na rũa ũtharia rũendaga kuonio kĩama, na gũtirĩ kĩama rũkonio tiga kĩama kĩrĩa kĩa Jona, ũrĩa mũnabii:
40. nĩ ũndũ o ta ũrĩa Jona aagĩtire matukũ matatũ, mũthenya na ũtukũ, nda ya kĩũngũyũ kĩrĩa kĩnene, ũguo noguo Mũrũ wa Mũndũ akagĩta matukũ matatũ, mũthenya na ũtukũ, thĩinĩ wa ngoro ya thĩ.
41. Andũ arĩa a Nineve nĩmakarũgama mũthenya ũrĩa wa cira hamwe na andũ a rũciaro rũrũ na mamatue ehia: nĩ ũndũ o nĩmaaherire, maahunjĩrio ũhoro nĩ Jona; na rĩrĩ, haha nĩharĩ mũnene kũrĩ Jona.
42.
Mũtumia mũthamaki, ũrĩa wa mwena wa gũthini, nĩakarũgama mũthenya ũrĩa wa cira hamwe na andũ a rũciaro rũrũ, nake amatue ehia: nĩ gũkorũo nĩoimire ituri cia thĩ nĩ getha akeiguĩre ũũgĩ wa Solomoni; na rĩrĩ, haha nĩharĩ mũnene kũrĩ Solomoni.
43. Na rĩrĩ, roho ũrĩa mũthũku warĩkia kuuma mũndũ, nĩũgeraga kũndũ gũtarĩ maĩ, ũgĩcaragia handũ ha kũhurũka, ũkaaga.
44. Hĩndĩ ĩo ũgakiuga, Nĩngũcoka nyũmba yakwa ĩrĩa ndoimire; na wakinya kuo, ũkamĩkora ĩrĩ theri, na ĩrĩ haate, na ĩrĩ ng’emie.
45. Hĩndĩ ĩo ũgagĩthiĩ, ũkegĩrĩra maroho mangĩ mũgwanja moru kũrĩ guo mwene, namo magatonya magatũũra kuo: nayo mĩtũũrĩre ya kũrigĩrĩria ya mũndũ ũcio ĩgagĩthũka kũrĩ ĩrĩa ya mbere. Naruo rũciaro rũrũ rũaganu noguo ũhoro waruo ũgatuĩka.
46. Na atĩrĩrĩ, o akĩaria na kĩrĩndĩ, nyina na ariũ a nyina magĩkorũo marũgamĩte nja makĩenda kwaria nake.
47. Akĩĩrũo nĩ mũndũ atĩrĩ, Nyũkwa na ariũ a nyũkwa marũgamĩte nja, makĩenda kwaria nawe.
48. Nowe agĩcokia, akĩũria mũndũ ũrĩa wamwĩrire ũguo atĩrĩ, Maitũ nũ? O na ariũ a maitũ nĩa?
49. Nake akĩorota arutwo ake na guoko, akiuga, Onei maitũ, na ariũ a maitũ!
50. Nĩ gũkorũo mũndũ o wothe ũrĩĩkaga maũndũ marĩa Awa ũrĩa wĩ Igũrũ endaga, ũcio nĩwe mũrũ wa maitũ, na mwarĩ wa maitũ, na maitũ.