2. o ta ũrĩa twaheirũo ũhoro wamo nĩ aira arĩa mameoneire, kuuma o hĩndĩ ĩrĩa maambĩrĩirie gwĩkĩka; nao nĩo maarĩ ndungata cia ũhoro ũcio;
3. kuona ũguo-rĩ, niĩ o na niĩ-rĩ, nĩ ũndũ nĩnduĩrĩtie wega maũndũ macio kuuma o rĩrĩa maambĩrĩirie gwĩkwo, nĩnyonete arĩ wega ngwandĩkĩre marũa, wee, Theofilo, mũnene mũgathe, ma gũthingatania maũndũ macio wega o ta ũrĩa mekĩkire,
4. nĩ getha ũmenye na ma maũndũ marĩa warutirũo.
5.
Atĩrĩrĩ, matukũ marĩa ma Herode mũthamaki wa Judea, nĩkwarĩ mũthĩnjĩri-Ngai wetagwo Zakaria, warĩ wa ituanĩra rĩrĩa rĩa Abia: nake aarĩ na mũtumia wake wetagwo Elizabethi, wa mũhĩrĩga wa Haruni.
6. Nao erĩ nĩmonagwo marĩ athingu nĩ Ngai, na nĩmaathiaga na mĩthiĩre ya kũrũmia maathani mothe ma Mwathani, o na irĩra ciake, matarĩ na ũcuke.
7. Nao matiarĩ na mwana, nĩ ũndũ Elizabethi aarĩ thata, na maarĩ akũrũ o erĩ.
8. Na gũgĩkinya atĩrĩ, atĩ Zakaria nĩaakorirũo akĩruta wĩra wa mũthĩnjĩri-Ngai hĩndĩ ya ituanĩra rĩake yakinya,
9. kũringana na ũrĩa athĩnjĩri-Ngai maamenyerete gwĩkaga. Na gwacukwo mĩtĩ-rĩ, gũgĩtuĩka atĩ nĩwe wa gũtonya hekarũ ya Mwathani thĩinĩ, amũcinĩre ũbumba
.
10. Nakĩo kĩrĩndĩ gĩothe nĩkĩahoyagĩra Ngai nja, o thaa ĩo ya gũcina ũbumba.
11. Nake Zakaria akiumĩrĩrũo nĩ mũraika wa Mwathani, akĩmuona arũgamĩte mwena-inĩ wa ũrĩo wa kĩgongona kĩrĩa gĩa gũcinĩrũo ũbumba.
14. Ningĩ gũkena nĩũgakena na ũcanjamũke; o na andũ aingĩ nĩmagakena nĩ ũndũ wa gũciarũo gwake.
15. Nĩ gũkorũo nĩagatuwo mũnene nĩ Mwathani, na ndarĩ hĩndĩ akanyua ndibei kana kĩndũ kĩrĩa kĩngĩrĩa mũndũ; nake kũiyũrũo nĩakaiyũrũo nĩ Roho Mũtheru, kuuma o hĩndĩ ĩrĩa akoima nda ya nyina.
16. Nake nĩakagarũra andũ aingĩ a mbarĩ ya Isiraeli macoke kũrĩ Mwathani Ngai wao.
17. Na nĩagathiaga mbere ya Mwathani arĩ na roho na hinya wa Elija, nĩguo akagarũre ngoro cia maithe mendane na ciana ciao, o nao andũ arĩa aremu amagarũre magĩe na ũũgĩ ũrĩa wa andũ athingu; nĩ getha agathondekere Mwathani andũ arĩa mahaarĩirio.
35. Nake mũraika akĩmũcokeria akĩmwĩra atĩrĩ, Roho Mũtheru nĩagoka kũrĩ wee, naguo hinya wa Ũrĩa-wĩ-Igũrũ-mũno nĩũgakũringithia kĩĩgunyĩ: na nĩ ũndũ wa ũhoro ũcio, karĩa gagaciarũo nĩgagatuwo gatheru, o Mũrũ wa Ngai.
36. O na atĩrĩrĩ, Elizabethi, mũtumia ũrĩa wa mũhĩrĩga wanyu, o nake arĩ na ihu rĩa kahĩĩ, o na aatuĩka nĩ mũkũrũ: naguo mweri ũyũ nĩguo wa ĩtandatũ wa ũcio ũtũire etagwo thata.
37.
Nĩ gũkorũo hatirĩ kiugo o na kĩmwe kiumĩte kwĩ Ngai gĩkaaga kũhinga.
38. Nake Mariamu akiuga atĩrĩ, Niĩ-rĩ, ndĩ ngombo ya Mwathani: ndĩroekwo o ta ũguo woiga. Nake mũraika agĩtigana nake, agĩthiĩ.