1. NA rĩrĩ, maarĩkia gũtuĩkanĩria Amfipoli na Apolonia, magĩkinya Thesalonike, kũu nakuo gũgĩkorũo kũrĩ na thunagogi ya Ayahudi.
2. Nake Paulo agĩtonya harĩ andũ ayo, o ta ũrĩa aamenyerete gwĩkaga; na mĩthenya ĩtatũ ya thabatũ nĩaaranagĩria nao, akĩmaheaga ihooto irutĩtwo Maandĩko-inĩ,
3. akamataũragĩra na akarũmia atĩ kwarĩ bata Kristo anyarirĩke, na acoke ariũke oime kũrĩ arĩa akuũ. Ningĩ akĩmera ũũ, atĩ Jesu o ro ũcio ngũmũhe ũhoro wake, nĩwe Kristo.
4. Na amwe ao maaigua ũhoro ũcio, makĩwĩtĩkĩra, magĩtuĩka a thiritũ ya Paulo na Sila; gwata Ayunani kĩrĩndĩ kĩnene arĩa meamũrĩire Ngai, o na atumia aingĩ arĩa maarĩ igweta.
5. No Ayahudi, tondũ wa ũrĩa maaiguire ũiru-rĩ, magĩcaria andũ amwe ananu orũri, makĩmarehe, magĩcoka makĩũnganithia kĩrĩndĩ, makĩrutithia ngũĩ itũũra-inĩ. Ningĩ magĩtharĩka nyũmba ya Jasoni, makĩgeria kũruta Paulo na Sila kuo nĩguo mamaneane gwĩ kĩrĩndĩ kĩu kĩonganĩte.
6. Na maamaaga-rĩ, makĩgucũrũria Jasoni o na andũ amwe a ariũ a Ithe witũ, makĩmatwara kũrĩ athuri arĩa anene a itũũra rĩao, makĩanĩrĩra makiugaga atĩrĩ, Rĩu-rĩ, haha naho nĩhagĩũkĩte andũ aya matũire magarũranganagia maũndũ kũndũ guothe kũrĩa gũtũũragwo nĩ andũ:
7. nake Jasoni nĩamagwatĩte ũgeni; nao othe nĩmareganĩte na mawatho ma Kaisari na ciĩko ciao, makiugaga atĩ nĩkũrĩ mũthamaki ũngĩ wĩtagwo Jesu.
8. Magĩgĩtũma andũ a itũũra, o na athuri arĩa anene akuo matangĩke mũno, maaigua maũndũ macio.
9. Na rĩrĩa anene acio metirie Jasoni na andũ arĩa angĩ kĩndũ gĩa gwĩkũũra, makĩmarekia mathiĩ.
10. Na kahinda o kau ariũ a Ithe witũ makĩhĩkĩrĩria Paulo na Sila makĩmatũma o ũtukũ makinye Beroia. Nao maakinya kuo, magĩtonya thunagogi ya Ayahudi.
11. Na rĩrĩ, andũ a kũu nĩmaakorirũo marĩ na ngoro njega gũkĩra acio a Thesalonike, nĩ gũkorũo nĩmetĩkagĩra Ũhoro meendeire na ngoro, magĩtuĩragia Maandĩko mũthenya o mũthenya, mamenye kana maũndũ macio meranagwo nĩguo matariĩ.
12. Tondũ wa ũguo andũ aingĩ ao magĩĩtĩkia, gwata atumia Ayunani arĩa maarĩ igweta, o na andũ arũme aingĩ.
13. No rĩrĩa Ayahudi arĩa a Thesalonike maamenyire atĩ Ũhoro wa Ngai nĩũkũhunjio nĩ Paulo kũu Beroia o nakuo, magĩgĩũka kuo o nao, magĩthogotha kĩrĩndĩ magĩthũkagia andũ ngoro.
14. Na hĩndĩ o ĩo ariũ a Ithe witũ makĩhĩkĩrĩria Paulo oime kuo athiĩ o nginya hũgũrũrũ-inĩ cia iria: nao Sila na Timotheo magĩtigwo kuo.
15. Nao andũ arĩa moimagaririe Paulo makĩmũtwara o nginya Athene. Na maarĩkia kwĩrũo atĩ magaathe Sila na Timotheo moke kũrĩ we narua na matigaikare, makĩinũka.
16. Na rĩu-rĩ, hĩndĩ ĩrĩa Paulo aaikarire Athene ametereire, akĩigua ũũru ngoro, ona itũũra rĩu rĩothe rĩiyũrĩte mĩhianano.
17. Nĩ ũndũ wa ũguo, makĩaranĩria na Ayahudi o na andũ arĩa meamũrĩire Ngai, me thunagogi, ningĩ makaaranagĩria kĩng’ang’a-inĩ mũthenya o mũthenya na andũ o arĩa mangĩonana nao.
18. Nao arutani a ũũgĩ-rĩ, amwe a thiritũ ya Epikurio, na angĩ a thiritũ ya Sitoiko, magĩkĩmũkora. Na amwe ao makiuga atĩrĩ, Ĩ mũndũ ũyũ wa mũhuhu ekwenda kuuga atĩa? Amwe angĩ makiuga atĩrĩ, Nĩ ta mũndũ ũrahunjia ũhoro wa ngai cia mũũkano: na moigaga ũguo nĩ ũndũ wa ũrĩa aahunjagia ũhoro wa Jesu, na wa ũrĩa aariũkire.
21. Na rĩrĩ, andũ othe a Athene, o na arĩa maarĩ ageni kuo, matirĩ ũndũ ũngĩ mekaga tiga o gũtinda maatindaga mĩthenya yothe makĩheana ũhoro wa maũndũ mageni, o na kana makaigua makĩheanwo.)
22. Nake Paulo akĩrũgama gatagatĩ-inĩ ga kĩama kĩa Areopago, akiuga atĩrĩ,
Athuri aya a Athene, maũndũ-inĩ mothe-rĩ, nĩnguona atĩ mũtũire mũrũmagia mũno maũndũ ma ũndini.
24.
Ngai ũrĩa wombire thĩ o na indo ciothe iria irĩ kuo, akĩrĩ we Mwathani: wa Igũrũ o na wa gũkũ thĩ-rĩ, ndatũũraga hekarũ ciakĩtwo na moko ma andũ.
25. Ningĩ ndatungatagĩrũo nĩ moko ma andũ, ta atũire aagĩte kĩndũ, kuona atĩ we nĩwe ũheaga andũ othe muoyo, o na hinya wa kũheeha, o na indo ciothe.
26. Nake nĩwe watũmire andũ a ndũrĩrĩ ciothe moime thĩinĩ: wa mũndũ ũmwe, nĩguo matũũre kũndũ guothe gũkũ thĩ, aarĩkia gũtua matukũ mao marĩa maathĩrĩirũo, o na mĩhaka ya kũndũ kwao gwa gũtũũra:
27. nĩ getha marongoragie Ngai makĩhambatagĩria marore kana hihi maahota kũmuona, o na atakĩrĩ haraya na mũndũ o na ũmwe witũ.
28. Nĩ gũkorũo nĩ thĩinĩ wake we tũtũũraga muoyo, na tũkagĩa na hinya wa gwĩtwara, na wa gũikaraga tũrĩ o ho; o ta ũrĩa aandĩki amwe anyu a nyĩmbo nao moigĩte atĩrĩ, Tondũ o na ithuĩ-rĩ, tũrĩ a rũciaro rũake.
29. Gwagĩtuĩka: atĩ tũrĩ a rũciaro rũa Ngai-rĩ, tũtiagĩrĩirũo nĩ gwĩciria atĩ Ũngai wake ũhaanaine na indo cia thahabu, kana cia betha, o na kana cia ihiga, iria ithondeketwo nĩ andũ na ũũgĩ wao o na kana mũhianĩre o ũrĩa andũ megeragĩria ihaana taguo.
31. Amu nĩ gũtua atuĩte mũthenya ũrĩa agatuĩra andũ cira na kĩhooto, arĩa matũire gũkũ thĩ guothe, na ũndũ wa Mũndũ ũrĩa athurĩte; na nĩamenyithĩtie andũ othe atĩ ũhoro ũcio nĩ wa ma nĩ ũrĩa aamũriũkirie oime kũrĩ arĩa akuũ.
32. Na rĩrĩ, maaigua ũhoro wa kũriũka kwa arĩa akuũ-rĩ, andũ amwe magĩthekerera ũndũ ũcio; no amwe angĩ makĩmwĩra atĩrĩ, Nĩtũrĩcoka gũkũigua ũhoro-inĩ ũcio hĩndĩ ĩngĩ.
33. Ũguo noguo Paulo aatiganire nao.
34. No andũ amwe maathiire thiritũ nake, magĩĩtĩkia: na thĩinĩ wao nĩkwarĩ mũndũ wetagwo Dionusio, mũthuri wa kĩama kĩa Areopago, na mũtumia wetagwo Damari, o na amwe angĩ hamwe nao.