3. O mbere-rĩ, ndaambĩrĩirie kũmũhe ũhoro o ũrĩa niĩ na niĩ ndaamũkĩrire, na nĩguo atĩ Kristo nĩaakuire nĩ ũndũ wa mehia maitũ, o ta ũrĩa Maandĩko moigĩte;
4. na atĩ nĩaathikirũo; na atĩ mũthenya wa gatatũ akĩriũkio ta ũrĩa Maandĩko macio maakiugĩte;
5. na atĩ akiumĩrĩra Kefa; agĩcoka akiumĩrĩra andũ arĩa ikũmi na erĩ.
6. Thutha wa ũguo ningĩ akiumĩrĩra ariũ a Ithe witũ magana matano na magakĩra, akĩmoimĩrĩra o ihinda rĩmwe othe, nao andũ acio-rĩ, arĩa aingĩ marĩ o ho o na rĩu, no amwe nĩ gũkoma makomete.
7. Thutha ũcio akiumĩrĩra Jakubu; na thutha wa ũguo akiumĩrĩra atũmwo othe;
8. na thutha wa acio angĩ othe, akĩnyumĩrĩra o na niĩ, ndariĩ ta mũndũ waciarirũo atarĩ mũkinyu.
9.
Nĩ gũkorũo nĩ niĩ ũrĩa mũnyinyi wa atũmwo arĩa angĩ, na ndiagĩrĩirũo nĩ gwĩtagwo mũtũmwo, nĩ ũndũ nĩndanyaririre kanitha wa Ngai.
10. No rĩrĩ, Wega wa Ngai nĩguo ũtũmĩte nduĩke ũũ ndariĩ; naguo Wega wake ũcio ndakinyĩirio ndwatuĩkire wa tũhũ, no nĩndarutire wĩra ngĩĩnogagia mũno gũkĩra acio angĩ othe; no ti niĩ ndarutaga wĩra ũcio, nĩ Wega wa Ngai ũcio warĩ hamwe na niĩ waũrutaga.
11. Tondũ ũcio-rĩ, o na kũngĩtuĩka atĩ nĩ niĩ kana nĩ acio, ũhoro ũcio noguo tũhunjagia, na noguo inyuĩ mwetĩkirie.
12. Na rĩrĩ, ũhoro wa Kristo ũngĩkorũo ũhunjagio atĩ nĩ kũriũkio aariũkirio-rĩ, kaĩ andũ anyu amwe magĩcokaga kuuga atĩ gũtirĩ kũriũka kwa arĩa akuũ atĩa?
13. No rĩrĩ, kũngĩgĩkorũo kũriũkio kwa arĩa akuũ gũtirĩ-rĩ, o nake Kristo ndakĩigana kũriũkio;
14. nake Kristo angĩgĩkorũo ndaigana kũriũkio-rĩ, hĩndĩ ĩo no gũtuĩke atĩ ũhoro ũcio tũhunjagia nĩ wa tũhũ, o na gwĩtĩkia kwanyu nakuo no gwa tũhũ.
15. Na hamwe na ũguo ithuĩ tũgagĩkorũo tũrĩ aira a Ngai a mathara, nĩ ũndũ twoimbũrire ũhoro wa Ngai atĩ nĩ kũriũkia aariũkirie Kristo, nake ndakĩigana kũmũriũkia kũngĩkorũo arĩa akuũ matiriũkagio.
16. Amu korũo andũ arĩa akuũ matiriũkagio-rĩ, Kristo o nake ndakĩigana kũriũkio;
17. na korũo Kristo ndaigana kũriũkio, gwĩtĩkia kwanyu gũtikĩrĩ kĩene; mehia manyu o na rĩu mũgĩtuire o namo.
18. O na ningĩ andũ arĩa marĩkĩtie gũkoma me thĩinĩ wa Kristo-rĩ, o nao nĩ kũũra makĩũrĩte.
19. Kũngĩgĩkorũo kwĩrĩgĩrĩra kũrĩa twĩrĩgĩrĩire Kristo gũkoniĩ o muoyo ũyũ tũtũire-rĩ, ithuĩ tũrĩ a kũũmĩrũo tha gũkĩra andũ arĩa angĩ othe.
20. No rĩrĩ, ũrĩa kũrĩ, nĩ atĩ Kristo nĩariũkĩtio akoima kũrĩ arĩa akuũ, agagĩtuĩka mũtũrio wa andũ arĩa makomete.
21. Amu kuona atĩ nĩ mũndũ watũmire gũũke gĩkuũ, o ũguo ningĩ nĩ mũndũ watũmire kũriũka kwa andũ arĩa akuũ gũũke o nakuo.
22. Nĩ gũkorũo o ta ũrĩa andũ othe makuaga nĩ ũndũ wa Adamu-rĩ, no taguo andũ othe magacokio muoyo nĩ ũndũ wa Kristo.
23. No rĩrĩ, o mũndũ itarĩri-inĩ rĩake: mũtũrio nĩ Kristo, na thutha nĩ andũ a Kristo, hĩndĩ ĩrĩa agoka.
24. Thutha ũcio ihinda rĩkinye rĩrĩa rĩa mũrigĩrĩrio, rĩrĩa akane Ngai, Ithe, ũthamaki; o rĩrĩa agakorũo eheretie wathani ũngĩ o wothe, na ũnene o wothe, o gwata hinya ũngĩ o ũrĩkũ.
25.
Nĩ ũndũ we ndarĩ hingo atarĩthamakaga o nginya agakorũo aigĩte thũ ciake ciothe ruungu rũa makinya make.
26. Na rĩrĩ, thũ ĩrĩa ĩkarigĩrĩria kũninwo nĩyo gĩkuũ.
27.
Tondũ nĩ haandĩke atĩrĩ, Ngai nĩaigĩte indo ciothe ruungu rũa makinya make ciikare irĩ cia gwathagwo nĩwe. No rĩrĩ, herũo ũũ, atĩ, Indo ciothe nĩciigĩtwo ciikare irĩ cia gwathagwo-rĩ, no gũkũmenyeka wega atĩ Ũcio waigire indo ciothe ituĩke cia gwathagwo nĩwe, we ti waho.
28. Na hĩndĩ ĩrĩa indo ciothe igakorũo irĩkĩtie gũtuĩka cia gwathagwo nĩwe, hĩndĩ ĩo Mũriũ o nake we mwene agatuĩka wa gwathagwo nĩ Ũcio watuire indo ciothe cia gwathagwo nĩwe, nĩ getha Ngai agĩtuĩke nĩwe maũndũ mothe biũ kũrĩ andũ o othe biũ.
30. O na ithuĩ-rĩ, tũgĩikaraga ũgwati-inĩ o thaa o thaa nĩkĩ?
31. Ndamwĩra ma o ma, ariũ a Ithe witũ, nĩ ũndũ wa kwĩraha kũrĩa ndĩ nakuo nĩ ũndũ wanyu ndĩ thĩinĩ wa Kristo Jesu Mwathani witũ, atĩ niĩ ndirĩ mũthenya itakuaga.
32.
Korũo ndahũranire na nyamũ cia gĩthaka gũkũ Efeso no ũndũ wa gĩtũmi o kĩrĩa andũ makoragwo nakĩo-rĩ, ũhoro ũcio ũgũkĩng’una na kĩ? Korũo andũ arĩa akuũ matiriũkagio-rĩ, nĩtũkĩrĩeni na tũkĩnyue, nĩ ũndũ rũciũ nĩ gũkua tũgakua.
37. Na kĩrĩa ũhandaga-rĩ, ndũhandaga mwĩrĩ ũrĩa gĩgacoka kũgĩa naguo, tiga o hĩndĩ theri, hihi ya ngano, kana hihi ya mũthemba ũngĩ;
38. no rĩrĩ, Ngai amĩheaga mwĩrĩ o ta ũrĩa endire ĩgĩe naguo, agakĩhe o mbeũ mwĩrĩ wayo, yo nyene.
39. Nyama-rĩ, to cia mũthemba o ro ũmwe ciothe, no nĩkũrĩ nyama mũthemba ũmwe wa andũ, na ũngĩ wa nyamũ, na ũngĩ wa nyamũ iria ii njoya, na ũngĩ wa ciũngũyũ.
40. Ningĩ nĩkũrĩ mĩĩrĩ ya igũrũ, na kwĩ mĩĩrĩ ya gũkũ thĩ; no riri wa ĩo ya igũrũ wĩ mwanya, na riri wa ĩo ya thĩ wĩ mwanya.
41. Riũa-rĩ, rĩĩ riri warĩo mwanya, naguo mweri-rĩ, wĩ riri waguo mwanya, o nacio njata-rĩ, ii riri wacio mwanya; nĩ gũkorũo njata ĩmwe nĩĩĩkũũranĩte riri na njata ĩrĩa ĩngĩ.
43. kĩhandagwo kĩrĩ kĩmene, gĩgacoka kũriũkio kĩĩ na riri; kĩhandagwo gĩtarĩ na hinya, gĩgacoka kũriũkio kĩĩ na hinya;
44. kĩhandagwo kĩrĩ kĩa mwĩrĩ ũyũ wa ndũire, gĩgacoka kũriũkio gĩtuĩkĩte mwĩrĩ wa kĩĩroho. Akorũo mwĩrĩ ũyũ wa ndũire nĩkũrĩ-rĩ, mwĩrĩ wa kĩĩroho o naguo no kũrĩ.
45.
Naguo ũguo noguo haandĩkĩtwo, atĩrĩ, Mũndũ ũrĩa wa mbere wetagwo Adamu aatuĩkire mũndũ wĩ muoyo. Nake Adamu ũrĩa wa kũrigĩrĩria-rĩ, nĩ roho wa gwĩkanagĩra muoyo.
46. No rĩrĩ, mwĩrĩ ũcio wa kĩĩroho tiguo ũgĩaga mbere, no nĩ ũrĩa wa ndũire; na thutha waguo gũgoka ũcio wa kĩĩroho.
47. Mũndũ wa mbere nĩ wa na thĩ ĩno, o wa tĩri-inĩ; ĩndĩ mũndũ wa kerĩ nĩ wa na Igũrũ.
48. O ta ũguo ũcio wa tĩri aatariĩ, noguo arĩa a tĩri nao matariĩ; na ta ũguo ũcio wa Igũrũ atariĩ, noguo arĩa a Igũrũ nao matariĩ.
49. Na ta ũrĩa twagĩire na mũhianĩre wa ũcio wa tĩri-rĩ, no taguo tũkagĩa na mũhianĩre wa ũcio wa Igũrũ o naguo.
50. Ariũ a Ithe witũ, ũrĩa nguuga nĩ atĩrĩ, atĩ nyama na thakame-rĩ, itingĩhota kũgaya ũthamaki wa Ngai, kana ũhoro wa kũbutha ũhote kũgaya ũrĩa ũtarĩ wa kũbutha.
52. O kahinda kanini, o ta karĩa riitho rĩbucagia, na nĩ rĩrĩa karumbeta ka hingo ya kũrigĩrĩria gakagamba; nĩ ũndũ karumbeta nĩgakagamba, nao andũ arĩa akuũ mariũkio matarĩ a gũcoka kũbutha, na ithuĩ tũgarũrũo ũrĩa tũhaana.
53. Nĩ ũndũ mwĩrĩ ũyũ wa kũbutha ndũrĩ hingo ũtagekĩrũo mũthemba ũngĩ ũtarĩ wa kũbutha, mwĩrĩ ũyũ wa gũkua ũgĩĩkĩrũo mũthemba ũrĩa ũtarĩ wa gũkua.
54. Na rĩrĩ, hĩndĩ ĩo mwĩrĩ ũyũ wa kũbutha ũgakorũo wĩĩkĩrĩte mũthemba ũcio ũtarĩ wa kũbutha, mwĩrĩ o ũyũ wa gũkua ũgĩkorũo wĩĩkĩrĩte mũthemba ũcio ũtarĩ wa gũkua-rĩ, nĩrĩo ũhoro ũgakinya ũrĩa wandĩkĩtwo ũũ: Gĩkuũ nĩ kũng’ario kĩng’arĩtio, gĩgatorio biũ!
56. Rũbora rũa gĩkuũ nĩruo wĩhia, naguo hinya wa wĩhia uumanaga na watho;
57. no rĩrĩ, Ngai arogathwo, arĩ we ũtũmaga tũtoranie na ũndũ wa Mwathani witũ Jesu Kristo!
58. Hakĩrĩ ũguo, ariũ a Baba arĩa nyenda mũno-rĩ, ikaragai mwĩrũmĩtie, mũtegũgĩthengeka, na mũtũũre hingo ciothe mũrutaga wĩra wa Mwathani na mũgakĩrĩrĩria, nĩ ũndũ wa kũmenya atĩ wĩra ũrĩa mwĩnogagia naguo ti wa tũhũ mũkĩũrutaga mũnyitaine na Mwathani.