1. Ciugo icio nĩcio cia kĩrĩkanĩro kĩrĩa Jehova aathire Musa marĩkanĩre na ciana cia Isiraeli marĩ bũrũri wa Moabi, cia kuonganĩrĩrio na kĩrĩkanĩro kĩrĩa kĩngĩ aarĩkanĩire nao kũrĩa Horebu.
2. Nake Musa agĩgĩĩta Aisiraeli othe, akĩmera atĩrĩ, Nĩmuonete maũndũ mothe marĩa Jehova ekire Firauni, o na ndungata ciake ciothe, o na bũrũri wake wothe, o kũu bũrũri wa Misiri, mũkĩmeonera na maitho manyu,
3. o magerio manene marĩa mweoneire na maitho manyu, o na ciama, o na maũndũ manene ma kũgegania;
4. no rĩrĩ, o na ũmũthĩ Jehova ndarĩ aamũhe ngoro ĩkũmenya maũndũ, na maitho ma kuona, na matũ ma kũigua.
5. Na niĩ ndũire ndĩmũtongoragia mĩaka mĩrongo ĩna werũ-inĩ; nacio nguo cianyu itiigana kũmũtuĩkĩra mwĩrĩ, kana iratũ cianyu ikĩmũtuĩkĩra magũrũ.
6. Mũtiigana kũrĩa irio iria cia ndũire, kana mũkĩnyua ndibei, kana kĩndũ kĩrũrũ gĩa gũtũma mũndũ arĩwo; nĩ getha mũmenye atĩ niĩ nĩ niĩ Jehova Ngai wanyu.
7. Na hĩndĩ ĩrĩa mwakinyire kũndũ gũkũ, Sihoni mũthamaki wa Heshiboni, o na Ogu mũthamaki wa Bashani, makiuma nĩguo moke tũhũrane mbaara nao, na tũgĩkĩmatoria;
8. tũkĩmatunya bũrũri wao, na ithuĩ tũgĩkĩũheana ũtuĩke igai rĩa Areubeni, na Agadi, o na nuthu ya mũhĩrĩga wa Amanase.
9. Tondũ ũcio maũndũ ma kĩrĩkanĩro gĩkĩ, marĩa mũheetwo ũhoro wamo, mamenyagĩrĩrei, na mũmekage, nĩ getha mũgĩe na ũũgĩ wa gwĩkaga maũndũ manyu mothe wega.
10. Ũmũthĩ mũrũgamĩte haha mbere ya Jehova Ngai wanyu, inyuothe anene anyu, na mĩhĩrĩga yanyu, na athuri anyu, na anyabara anyu, naguo ũguo nĩ ta kuuga arũme othe a Isiraeli,
11. hamwe na ciana cianyu, na atumia anyu, o na andũ a kũngĩ arĩa matũũranĩtie na inyuĩ o kũu iraaro-inĩ cianyu, o na marĩ akuunĩri ngũ, o nginya agũtahĩri maĩ;
12. nĩ getha ũgĩe ho kĩrĩkanĩro-inĩ gĩkĩ Jehova Ngai waku ekũrĩkanĩra nawe, o na ũhoro-inĩ wake ũrĩa Jehova Ngai waku egũkwĩrĩra ũmũthĩ na mwĩhĩtwa;
13. nĩ getha agũtue rũrĩrĩ rũake we mwene na ma o ma, na ningĩ nĩguo atĩ ha ũhoro waku atuĩke Ngai waku kũna, o ta ũrĩa aakwĩrĩire na ningĩ o ta ũrĩa erĩire mathoguo, Iburahimu, na Isaaka, na Jakubu, na mwĩhĩtwa.
14. Na ningĩ atĩrĩ, ti inyuĩ inyuiki ngũrĩkanĩra kĩrĩkanĩro gĩkĩ na inyuĩ, o na ngamwĩrĩra ũhoro ũyũ na mwĩhĩtwa,
15. no rĩrĩ, mũndũ o wothe ũrĩa ũrũgamĩte haha mbere ya Jehova Ngai witũ hamwe na ithuĩ ũmũthĩ, o na ũrĩa ũtarĩ haha hamwe na ithuĩ ũmũthĩ, marĩ o ho mohoro-inĩ macio;
16. (nĩ gũkorũo nĩmũũĩ ũrĩa twatũire bũrũri wa Misiri, o na ũrĩa twathiire tũgĩtuĩkanĩria mabũrũri ma ndũrĩrĩ iria mwakorire mũrĩ njĩra;
17. na nĩmuonete maũndũ marĩa me thahu mũno ma andũ acio, na mĩhianano yao ya kũhoyũo, nayo nĩyo indo cia mĩtĩ, na cia mahiga, na cia betha, na cia thahabu, iria ciarĩ thĩinĩ wao;)
18. nĩ getha thĩinĩ wanyu ũmũthĩ hatikagĩe mũndũ mũrũme, kana mũndũ-wa-nja, kana andũ a nyũmba ĩmwe, kana andũ a mũhĩrĩga ũmwe, ũhũgũrĩtwo ngoro ĩgatiga kũrora Jehova Ngai waku, atĩ nĩguo athiĩ agatungatĩre ngai cia ndũrĩrĩ icio; nĩ getha thĩinĩ wanyu hatikagĩe na mũri wa mũtĩ ũgũciara maciaro marũrũ, marũrĩte o ta nyongo;
19. na gũkinye atĩrĩ, atĩ hĩndĩ ĩrĩa ekũigua ciugo cia kĩrumi gĩkĩ, egathĩrĩrie na ngoro yake, oige atĩrĩ, Niĩ nĩngũgĩa na thayũ o na ndathiĩ na mĩthiĩre ya ũremi wa ngoro yakwa, ’ninanĩrie kĩrĩa kĩigũ na kĩrĩa kĩũmũ hamwe.
20. Mũndũ ũcio-rĩ, Jehova ndakamũkirĩra; no makĩria marakara ma Jehova, o na ũiru wake, nĩmagatogerera mũndũ ũcio okĩrĩrũo, nacio irumi ciothe iria ciandĩkĩtwo ibuku-inĩ rĩrĩ imũcokerere, nake Jehova ahuure rĩĩtwa rĩake rĩehere gũkũ thĩ mũhuro wa igũrũ.
21. Ningĩ Jehova aamũre mũndũ ũcio amũthengie mĩhĩrĩga-inĩ yothe ya Isiraeli agwatwo nĩ ũũru, o ta ũrĩa irumi ciothe itariĩ cia kĩrĩkanĩro kĩrĩa kĩandĩke ibuku-inĩ rĩrĩ rĩa watho.
22. Na rĩrĩ, ha ũhoro wa rũciaro rũaku rũrĩa rũgacoka gũũka thutha waku, naruo nĩruo ciana cianyu iria igacoka kwarahũka, o na mũgeni ũrĩa ũkoima bũrũri wĩ kũraya, andũ acio-rĩ, mona ũrĩa bũrũri ũcio ũhũrĩtwo na mĩrimũ mĩũru, o na ndũari iria Jehova agatũma irũarũo,
23. na ũrĩa bũrũri ũcio wothe ũtuĩkĩte ũbiriti mũtheri, na cumbĩ, o na kũhĩa gũtheri, na atĩ gũtirĩ kĩndũ kĩngĩhandwo kuo, kana gĩciare, na ningĩ gũtirĩ nyeki ĩngĩmera kuo o na atĩa, na atĩ ũhoro waguo ũtariĩ o ta ũrĩa kũng’aũranio gwa Sodomu na Gomora, na Adima, na Zeboimu gwatariĩ, namo nĩmo matũũra marĩa maaninirũo nĩ Jehova nĩ ũndũ wa marakara o na mang’ũrĩka make, hĩndĩ ĩo andũ acio,
28. ningĩ Jehova, tondũ wa marakara, na mang’ũrĩka, o na mathũgũta manene macio aarĩ namo, akĩmamunya akĩmaruta bũrũri wao, akĩmaikia bũrũri ũngĩ, o ta ũũ gũtariĩ ũmũthĩ.
29. Hitho ciothe nĩ cia Jehova Ngai witũ; no rĩrĩ, maũndũ marĩa maguũranĩirio nĩ maitũ, o na ma ciana ciitũ, nginya tene na tene, nĩ getha twĩkage maũndũ mothe ma watho ũyũ.