1. NĨ niĩ Simoni Petero, ngombo na mũtũmwo wa Jesu Kristo, ngũmwandĩkĩra marũa maya inyuĩ mũgwatanĩire na ithuĩ gwĩtĩkia wĩtĩkio o ũmwe wĩ goro mũno, nĩ ũndũ wa ũthingu wa Jesu Kristo, ũrĩa wĩ Ngai witũ na Mũtũhonokia:
2. mũroingĩhĩrio Wega o na thayũ, nĩ kũmenyana na Ngai o na Jesu Mwathani witũ.
3. Rĩu-rĩ, nĩ hinya wake wa Ũngai ũtũtugĩte nĩ gũtũkinyĩria maũndũ mothe marĩa matũbatairie, nĩ getha tũtũũre twĩ muoyo na twĩamũrĩire Ngai, nĩ ũndũ wa kũmenyana nake, we watwĩtire tũgĩe na riri wake mwene, o na wagĩrĩru wake.
4. Na nĩ ũndũ wa maũndũ macio nĩaatũtugire na ciĩranĩro ciake iria irĩ goro na irĩ nene mũno; nĩ getha, na ũndũ wacio, mũkahonokio harĩ ũbuthu ũrĩa wĩ gũkũ thĩ, ũrĩa ũgĩĩte kuo nĩ ũndũ wa merirĩria moru, na mũgwatanĩre nake Ũngai wake.
5. Na rĩrĩ, tondũ wa ũhoro ũcio kĩũmbe, ĩkagĩrai kĩyo kĩnene nĩguo muonganĩrĩrie wĩtĩkio wanyu na wagĩrĩru, naguo wagĩrĩru mũwonganĩrĩrie na ũmenyo,
6. naguo ũmenyo mũwonganĩrĩrie na kwĩgirĩrĩria merirĩria ma mwĩrĩ, nakuo kwĩgirĩrĩria kũu-rĩ, mũkuonganĩrĩrie na gũkirĩrĩria, nakuo gũkirĩrĩria mũkuonganĩrĩrie na kwĩamũrĩra Ngai,
7. nakuo-rĩ, mũkuonganĩrĩrie na gũtuga ariũ a Ithe witũ, nakuo-rĩ, mũkuonganĩrĩrie na wendani.
8. Nĩ ũndũ mũngĩkorũo mwĩ na maũndũ macio na makamũingĩhĩra mũno-rĩ, nĩmo mangĩgiria mũkorũo mũgũtarĩte kana mũkaaga gũciara maciaro ũhoro-inĩ wa kũmenya Mwathani witũ Jesu Kristo.
9. Nĩ ũndũ mũndũ ũrĩa wagĩte maũndũ macio nĩ mũtumumu, akaaga kuona wega, na nĩariganĩirũo nĩ ũrĩa aatheririo atigane na mehia make ma tene.
10. Hakĩrĩ ũguo, ariũ a Ithe witũ-rĩ, ĩkagĩrai kĩyo o makĩria, nĩguo gwĩtwo kwanyu na gũthurũo kwanyu gũtuĩke kũrũmu; amu mweka ũguo-rĩ, mũtirĩ hingo mũkahĩngwo.
11. Tondũ ũguo nĩguo mũgetĩkĩrio na ũtugi mũtonye ũthamaki-inĩ ũrĩa ũtagathira, o ũrĩa wa Mwathani witũ na Mũtũhonokia Jesu Kristo.
12. Hakĩrĩ ũguo-rĩ, nĩndĩĩkoragwo nyendete hingo ciothe kũmũririkanagia maũndũ macio, o na mwakorũo mũmamenyete, mũgakĩrũma wega thĩinĩ wa ũhoro-wa-ma ũrĩa mwĩ naguo.
13. Na nguona arĩ wega atĩ, matukũ marĩa mothe ngũikara gĩikaro-inĩ gĩkĩ kĩa mwĩrĩ-rĩ, ndũũre o ndĩmwarahũraga nĩ kũmũririkanagia mo,
14. tondũ nĩnjũĩ atĩ ica ikuhĩ gĩikaro gĩkĩ gĩakwa nĩkĩrĩeherio, o ta ũrĩa Mwathani witũ Jesu Kristo aanyonirie.
16. Nĩ ũndũ hĩndĩ ĩrĩa twamũmenyithirie ũhoro wa ũhoti ũrĩa Mwathani Jesu Kristo e naguo, na wa ũrĩa agoka rĩngĩ-rĩ, tũtiarũmanĩrĩire na ng’ano iria cietuĩrĩirio na wara, no kuona tweoneire na maitho maitũ ũkaru wake.
19. Ningĩ, tũkĩrĩ na ũhoro ũrĩa anabii maarathire, naguo nĩ mwĩkĩre hinya o makĩria. Ũhoro ũcio-rĩ, nĩguo mwagĩrĩirũo nĩ kũũrũmbũiya, nĩ ũndũ ũtariĩ ta tawa ũkwara handũ harĩ na mairia, o nginya gũgakĩa, na njata ĩrĩa ya rũcinĩ ĩkorũo ĩrĩ nyumu ngoro-inĩ cianyu.
20. Na mbere ndaya mũbataire nĩ kũmenya wega atĩ gũtirĩ ũhoro o na ũrĩkũ wanarathwo Maandĩko-inĩ ũngĩtaũrũo nĩ mũndũ, akĩwĩtaũrĩra we mwene.
21. Tondũ-rĩ, mohoro marĩa maanarathwo, gũtirĩ ũrĩ woka o na rĩ nĩ ũndũ wa kwenda kwa mũndũ: no andũ nĩmaaririe ũhoro uumĩte kwĩ Ngai, mataarĩtwo nĩ Roho Mũtheru.