Go Back

3 Johana Chapter 1

• 1. NĨ niĩ, mũthuri wa kanitha, ndatũma marũa maya kũrĩ mwendwa wakwa Gayo, ũrĩa nyenda na ma.
• 2. Mwendwa wakwa, nĩndahoya atĩ maũndũ mothe makũgaacagĩre na ũikarage ũrĩ o mwega, o ta ũrĩa ngoro yaku nayo ĩtũire ĩgaacĩire.
• 3. Amu nĩndakenire mũno rĩrĩa ariũ a Ithe witũ amwe mokire makĩheana ũira wa ũrĩa ũtũũraga wĩ wa ma, o ta ũguo ũtũire ũrũmĩrĩire ũhoro-ũrĩa-wa-ma.
• 4. Ndirĩ ũndũ ũngenagia gũkĩra ũcio, kũigua atĩ ciana ciakwa no irũmagĩrĩra ũhoro-ũrĩa-wa-ma.
• 5. Mwendwa wakwa, maũndũ macio mothe ũteithagia ariũ a Ithe witũ namo, o na maatuĩka nĩ arĩa ũtoĩ-rĩ, nĩ wĩra wa mũndũ mwĩhokeku;
• 6. nao nĩmaaheanire ũhoro wa wendani waku mbere ya kanitha. Nĩ wega ũmoimagaragie ta ũrĩa kwagĩrĩire harĩ Ngai,
• 7. tondũ moimire kwao nĩ ũndũ wa rĩĩtwa rĩake, makĩregaga kwamũkĩra kĩndũ harĩ andũ a Ndũrĩrĩ.
• 8. Hakĩrĩ ũguo-rĩ, ithuĩ nĩtwagĩrĩirũo tũgwatage andũ ta acio ũgeni, nĩguo tũgwatanĩre wĩra wa ũhoro-ũrĩa-wa-ma.
• 9. Gwĩ kohoro ndaandĩkĩire kanitha, no rĩrĩ, Dioterefe, ũrĩa wendaga kũmagĩa mbere, nĩaregete gũtũigua.
• 10. Tondũ ũcio, ndoka-rĩ, nĩngaririkana maũndũ make marĩa ekaga, agĩtũhũhũtagĩra na ndeto cia ũtũrĩka; na tondũ atangĩiganwo nĩ ũguo, we mwene ndagwataga ariũ a Ithe witũ ũgeni, na arĩa mendaga kũmagwata ũgeni akamakaania, o na akamaingata kanitha-inĩ.
• 11. Mwendwa wakwa, ndũkanae kwĩgerekania na ũhoro ũrĩa mũũru; wĩgerekanagie na ũrĩa mwega. Ũrĩa wĩkaga wega nĩ wa Ngai, nake ũrĩa wĩkaga ũũru ndarĩ ona Ngai.
• 12. Demeterio, we, nĩagathagĩrĩrio nĩ andũ othe, o naguo ũhoro-ũrĩa-wa-ma guo mwene no mũira wake; o na ithuĩ tũrĩ o ro aira; nawe nĩũũĩ atĩ ũira witũ nĩ wa ma.
• 13. Nyuma na maũndũ maingĩ ma gũkwĩra, na ndikwenda gũkwandĩkĩra na rangi na karamu;
• 14. ngwĩrĩgĩrĩra atĩ ica ikuhĩ nĩngakuona, tũgakĩaria tũng’ethanĩire. Tigwo na ũhoro. Nĩwageithio nĩ arata arĩa me gũkũ. Geithia arata acio mwĩ nao, o mũndũ, o mũndũ.

Home