1. Na rĩrĩ, Daudi agĩkĩĩĩra na ngoro atĩrĩ, Rĩu-rĩ, no mũhaka mũthenya ũmwe ngoragwo na guoko gwa Saulu; ndikĩrĩ na ũndũ ũngĩ mwega ũkĩrĩte kwĩhonokeria bũrũri wa Afilisiti; na Saulu nĩekũnyũmĩra tha, atige gũcoka kũnjaria mĩhaka-inĩ yothe ya bũrũri wa Isiraeli; ũguo noguo ingĩĩhonokia guoko-inĩ gwake.
2. Daudi agĩgĩũkĩra, akĩringa mũrĩmo, we mwene, na andũ magana matandatũ arĩa maarĩ hamwe nake, magĩkinya gwa Akishi, mũrũ wa Maoku, mũthamaki wa Gathu.
3. Nake Daudi agĩtũũrania na Akishi, kũu Gathu, we mwene na andũ ake; mũndũ o mũndũ agĩikarania na andũ a nyũmba yake, o nake Daudi agĩtũũra kuo na aka ake erĩ, Ahinoamu, Mũjezireeli, na Abigaili, Mũkarimeli, ũrĩa warĩ mũka wa Nabali.
5. Ningĩ Daudi agĩkĩĩra Akishi atĩrĩ, Ingĩkorũo nĩnjĩtĩkĩrĩkĩte nĩwe-rĩ, reka andũ aku ma’he handũ itũũra-inĩ rĩmwe rĩa marĩa me na kũu mĩgũnda-inĩ, ndũũre ho; nĩ ũndũ-rĩ, kaĩ niĩ, ndungata yaku, ngũgĩtũũrania nawe itũũra-inĩ rĩa mũthamaki nĩ ũndũ kĩ?
6. Akishi agĩkĩmũhe Zikilagi mũthenya o ro ũcio; tondũ ũcio, itũũra rĩa Zikilagi rĩtũire rĩrĩ rĩa athamaki a Juda o na ũmũthĩ.
7. Namo matukũ marĩa Daudi aatũũrire bũrũri wa Afilisiti maarĩ mwaka mũgima na mĩeri ĩna magĩtarũo.
8. Nake Daudi na andũ ake magĩkĩambata, magĩtharĩkĩra Ageshuri, na Agirizi, na Aamaleki; nĩ gũkorũo ndũrĩrĩ icio o gwata tene nĩcio ciatũire bũrũri ũcio, ta gũgĩthio kũroretwo Shuri nginya o bũrũri wa Misiri.
9. Daudi agĩkĩhũra bũrũri ũcio mũno, na ndatigie mũndũ mũrũme, kana mũndũ-wa-nja, muoyo; aamoragire othe; agĩtaha mbũri, na ng’ombe, na ndigiri, na ngamĩra, na nguo, agĩkĩhũndũka, agĩkinya gwĩ Akishi.
10. Nake Akishi akĩmũũria atĩrĩ, Uuma gũtharĩka kũ ũmũthĩ? Nake Daudi agĩkiuga atĩrĩ, Tuuma gũtharĩka mwena wa Gũthini wa Juda, na mwena wa Gũthini wa Ajerahameeli, na mwena wa Gũthini wa Akeni.