108. NDURIRI-INI CIOTHE JESU EKURIA

1.
Ndũrĩrĩ-inĩ ciothe, Jesu nĩekũria
Ũrĩa ũhetwo ũũgĩ, na Roho wa ma
Wa gwakĩra ngoro, ciothe gĩtina
Kĩrĩa kĩ na hinya, gĩtangĩenyenyeka?

2.
Ngai nĩoimĩrĩire, Iburahĩmu
Akĩmwĩra nĩoime, bũrũri wao
Roho wa wendani, na ũthingu wa ma
Na ũhoreri mũingĩ, ciatũire nake

3.
Ciana cia Jakubu, nĩ ũndũ wa ũiru
Mendirie Jusufu, kwa Firauni
Nake nĩehumbite, ciĩko cia ũthingu
Jehova agĩtuĩka, Mũrĩithi wake

4.
Gatũrũme rĩrĩa, oimire igũrũ
Niokire kũrĩma, mũgũnda wa Ithe
Nĩarutire wĩra, wothe ũrĩa erĩirwo
Na akĩhingia ũira, wa Anabii othe

5.
Ciira wa kĩhoto, nĩwe ũgacira,
Aikarĩire gĩtĩ, gĩake gĩa ũthingu
Acirithie arĩa akuũ, na arĩa me muoyo
Mũndũ o mũndũ atuĩrwo, na ciĩko ciake