109. KIAMBIRIRIA GIA GUTUONIA GUTHAITHANA

1.
Kĩambirĩrĩa gĩa gũtuonia,
Guthaithana nĩ kwa ma,
Nĩ Nuhu rĩrĩa athaithire
Jehova amwĩtĩkĩrie.
Ahonokie mĩoyo ya andũ
Na nyoni cia rĩera-inĩ.

Guthaithana nĩkũo kwa ma,
Elisha nĩathaithire
Elija rĩrĩa ambataga,
Akĩmũtigĩra nguo

2.
Ithe witũ Iburahimu,
Nĩathaithire Araika
Moka gũcina Sodomu,
Mena kĩeha ngoro-inĩ
Loti akĩmagia mũno,
Nake akĩrũo nĩ oime kuo.

3.
Mikaeri nĩathaithire,
Jehova e kũrĩa igũrũ
Ngoma akĩrutĩrũo mbara
Kinya akĩharũrũkio.

4.
Nake Jona nĩathaithire
Jehova e nda ya nyamũ,
Jehova akĩĩra nyamũ ĩyo
Ĩkamurekie Nineve.

5.
Gũthaithana kwa Daniel,
Nĩkwagerire ngero.
Gugĩtũma mũthamaki,
Oige andũ acio moragwo.

6.
Nake Jakubu athaithire,
Mũraika e njĩra-inĩ.
Nĩũndũ wa kũmũgia mũno,
Akĩmũtũa Israeli.

7.
Nake Musa athaithanĩire,
Andũ moime Misiri.
Firauni akinyarirwo,
Nĩ Ngai arega nao.

8.
Na ĩnyũĩ mungĩthaitha Roho
Mũtarĩ na ũhinga ngoro.
Nake nĩakamwarĩrĩria
Kũrĩ Jesũ na Ngai.