11. RUGENDO RWAKWA RWA MUOYO

1.
Rũgendo rwakwa rwa muoyo,
Ndĩna thĩna ndĩ gukũ thĩ.
Ngakenaga ndanina rũgendo rũrũ wega.

2.
Mũthenya wakwa wa muoyo
Ngakenaga ndona Jesu.
Tondũ nĩwe ũnyonagia njĩra ya muoyo-inĩ.

3.
Anyonagia njĩra wega,
Hingo ya rũgendo rwakwa.
Ndingĩrigwo nĩ njĩra ya muoyo rũgendo-inĩ

4.
Ikeno ciitũ cia muoyo
Tunanagie twĩ gũku thĩ.
Tũgakena twakinya matu-inĩ twĩna Jesũ.

5.
Tuikaranagie na wendo,
Twetereire tũgatonya
Ũthamaki-inĩ witũ kũria ĩgurũ tũgatũra.
6.
Tũgaturanĩa na wendo,
Thina twanona gũkũ thĩ.
Na maithori rũgendo-inĩ rwitũ nĩ igathira

7.
Tũgatũra tukenaga,
Tũkĩinaga rwĩmbo rwerũ.
Rwagũtoria gĩkuũ na mathĩna rũgendo-inĩ

8.
Ngakena mũno ndamuona,
Muoyo wakwa nĩ ũgatũra.
Na gĩkeno ngatũrania nake ngĩnya tene.

9.
Mecirĩa ma mwĩrĩ wakwa,
Ndigĩmenda rũgendo-inĩ.
Tondu nĩ mekũhĩtithia njĩra rũgendo-inĩ.

10.
Mũthenya ũrĩa ngatiga,
Mwirĩ wakwa thĩ ĩno wothe
Ngakena ndatonya muoyo-inĩ ũtagathira.