160. NGAI NDENDA MWENDWA MUNENE

1.
Hĩndĩ ĩno nĩ ya kũmenya
Roho Mũtheru nĩ igai
Inene twaheĩrwo twaheĩrwo
Nĩguo twĩrute kũmenya Ngai
Tũmenyere watho wa ĩthe wĩtũ

2.
Tondũ nĩwe kĩmenyithia
Gĩa kũmenyithia andũ arĩa atheru
Gũkũ thĩ, gũkũ thĩ.
Mũkinyũkĩrie na mũtũrire
Wa njĩra theru tũgĩthiĩ Zayuni

3.
Maĩtho mao nĩ monaga
Na matũ mao nĩ maigũaga
Na ngoro ĩhetwo kũmenya, kũmenya
Mũgambo wa Roho mũtongoria
Rũgendo rũrũ tũgĩthiĩ Zayuni

4.
Mwathani wĩtũ aroraga
Ngoro cĩtũ ũtukũ na mũthenya
Gũkũ thĩ gũkũ thĩ.
Nĩ kũmenya tũrĩ rũgendo-inĩ
Na mbara nene tũgĩthii matũ-inĩ

5.
Roho mwĩhokeku wa atheru
Rũgendo-inĩ rwa guthiĩ matũi-inĩ
Nĩoĩ ma nĩoĩ ma.
Wendo wa atheru na ngwatanĩro
Ya andũ arĩa atheru irehage gũtorĩa

6.
Wĩrute ndũkahurũke
Kũmenya Ngai nĩ ngwatanĩro
Na wendo na Wendo
Mwathani wĩtu nĩcĩo akarora,
Twakinya igũrũ mũthenya wa cira