166. NGAI NIENDAGA CIANA CIAKE

1.
Ngai nĩendaga ciana ciake,
Cia aanake na airĩtu.
Marutage wĩra wake,
Hamwe na andũ arĩa akũrũ.

2.
Ngũrĩa nĩagacoka Mwathani witũ?
Akore ũremi
Ngũrĩa nĩagacoka Mwathani witũ?
Akore ũremi

3.
Nĩkũrĩ maũndũ maingĩ,
Marĩa marĩ gũkũ thĩ
Magiragia andũ arĩa anyinyi,
Menengere Mwathani

4.
Mĩago ya thĩ nĩthiraga,
Kana ĩkarehe kĩeha.
No gĩkeno kĩa Mwathani
Nĩ gĩa tene na tene.

5.
Inyuĩ akũrũ na inyuĩ anyinyi
Arĩa mwĩhokete Ngai.
Hoyagĩrai andũ arĩa angĩ
Menengere Mwathani.

6.
Inyuĩ anyinyi na inyuĩ akũrũ
Arĩa mwihokete Ngai.
Gocithagiai Mwathani wanyu
Kũrĩ andũ othe a thĩ.