302. JEHOVA AIKURUKA KIRIMA GIA SINAI

1.
Jehova aikũrũka kĩrĩma gĩa Sinai
Rĩathani rĩa mbere rĩrĩa athanire
Oigire Nĩniĩ Jehova Ngai wanyũ
Ndagwatha ndũkanagĩe na ngai ĩngĩ

Nĩ hĩndĩ nĩ hĩndĩ nĩ hĩndĩ ngumbũra
Nyũmbure ndĩ mũira Kristo

2.
Menya gũkehoka ngai cia gũkũ thĩ
Na ndũkanehoke ngai cia rĩũmba
Na ndũkanehoke ngai cia mĩhianano
Nĩ niĩ Jehova Ngai ũrĩ ũiru

3.
Rũgama wĩhande na magũrũ maku
Umbũre wĩ mũira wa horo wama
Ta ũrĩa Jesu oigire nĩmugatuĩka aira
Ndũrĩnĩ-ĩnĩ ciothe na kũrĩ andũ othe

4.
Nĩkĩo atheru a Jesu moragirwo othe
Arĩa maregire mĩhianano
Makiuga atĩ gĩkuũ nĩ mũrata mwega
Wakũhingũrĩra mũciĩ wa igũrũ