339. UTURO WA MWATHANI MUWARIA ARI HO

1.
Ũtũro wa Mwathani mũwaria arĩ ho
Ona gĩtarĩrio gĩa kĩyo gĩake
Ha ũhoro wa ũthingu ndarĩ na ũcuke
Gĩothe nĩ ahotire.
Nĩ haũ; Gũtũkia Mwathani ti ũndũ mũhuthũ
No nginya mũndũ onanie arĩ na kĩyo.

2.
Ehokeirwo mĩoyo na akĩmĩhanda
Ehokeirwo mĩirĩ na akĩmĩkuria
Wĩhokeku wake nĩ wagĩre ũcuke
Nginya harĩ ithe.
Nĩ haũ; Gũtũkia Mwathani ti ũndũ mũhuthũ
No nginya mũndũ onanĩe nĩ mwĩhokeku.

3.
Gwakinya wĩra-inĩ ndaarĩ wa thutha
Ndaarĩ wa kũrigia maũndu-inĩ
Aarĩ ũrũme na agĩka aiyũragwo nĩ tha na wendo.
Nĩ hau; Gũtũkia Mwathani ti ũndũ mũhũthu
No nginya mũndũ onanie ena wendo.

4.
Egũĩkire nguo ya gũkirĩrĩria
Akĩrũa na ruo rwa ngoro
Arengaga njayo ena thithino nyingĩ
Akĩarĩa na ithe.
Nĩ haũ; Gũtũkia Mwathani ti ũndũ mũhũthu
No nginya mũndũ onanie ena gĩkirĩrĩrio.

5.
Njaga na ng’aragu acikirie na thutha
Arĩraga kaingĩ na agatheka kaingĩ
Thũmbĩ ĩrĩa aigirĩirwo yaarĩ ya thĩthino
Ya ũrĩtu ũria akuĩte.
Nĩ haũ; Gũtũkia Mwathani tĩ ũndũ mũhũthũ
No nginya ndũngata ĩruohe na ĩkue.