4. NDATURAGA THI-INO

1.
Ndatũraga thĩ-ĩno
Ndariĩ ta mũgendi
Uhĩtĩtie njĩra.
Harĩa ndoimĩrĩire,
No harĩ arĩa marĩ,
Na ũhinga ta mũici
Kana ta mũtegi ũtegete nyoni.

2.
Ngĩũrwo nĩ mahinda
Makũmenya Jesu
Nĩ Mũhonokia.
Nĩ mũkũri wakwa,
Nyite watho wake
Rĩu ndĩ gukũ thĩ ngĩmenyaga noguo
Ukanginyia igũrũ.

3.
Hĩndĩ ĩyo gũtiarĩ,
Wakũnyonereria,
Njĩra ya ũtheri
Ni Mwathani wakwa,
Wanjoire ndĩ nja,
Ya ũhoro ũrĩa wama,
Akĩndũgamia wega njĩra ya ũtheru.

4.
Na inyuĩ nĩ ngũmwĩra,
Mũnyitĩte njĩra
Ya gũthiĩ igũrũ.
Mwĩmenyererei
Thũ ya ngoro cianyũ,
likaire njira-inĩ na
Mugambo wayo nota maguta.

5.
Na muoroto wayo
Nĩkũhĩtithia andũ
Njĩra ya utherũ.
Inyũĩ mwĩrirĩirie.
Gükinya matũ-inĩ,
Muikare ũtherũ-inĩ
Mũthenya wakinya no tũkambata.
6.
Na hĩndĩ ĩyo noguo
Mũkamenya wega
No ndamwĩraga.
Mũkĩona arĩa athingu,
Maikarĩire itĩ iria,
Mathagathaiĩrwo.
Kũma mũthenya ũria
Thĩ ĩno yombirwo.

7.
Tũgakenaga atĩa
Twamenya atĩ ngoro nĩciahurũka,
Mathĩna ma thĩ ĩno,
Na mbara cia thĩ ĩno.
Thũ cia ũhoro wama
Itigatũona rĩngĩ tene na tene.