142. NGWIROKA MWATHANI WAKWA

1.
Ngwihoka Mwathani wakwa,
Rũgendo-inĩ rũrũ.
Ngĩmenyaga nĩngaheo
Muoyo ũtagathira.

2.
Roho aroiga twĩharĩrie.
Tũrĩ rũgendo-ĩnĩ.
Tũtikanagonderere,
Tondũ arĩ hakũhi gũka.

3.
Atheru mwĩmenyererei
Mũrĩ gũkũ thĩ-ĩno.
Kũrĩ na mũthiro mũingĩ.
Na ndeto cia tũhũ.

4.
Mũthenya wa kĩhikanio
Nagũo wĩ hakũhĩ.
Ikĩrai nguo theru,
Mũtonye ũhiki-inĩ.

5.
Ngwĩrorera mbũtũ nyingĩ.
Irĩ kuũ matu-inĩ.
Cia Araĩka mena macoro
Metereire Atheru.
.

6.
Gĩkeno kĩa andũ arĩa atheru,
Nĩkũmenyera.
Watho wa Roho ũrĩa wa ma.
Marĩ rũgendo-inĩ.

7.
Ngwĩhoka mũkũri wakwa.
Urĩa wangũnire.
Agĩikũrũkia ũnene,
Ngoro-inĩ yakwa.

8.
Mũthenya ũrĩa wa gĩkeno,
Nĩ ũmwe wa kwambata.
Atheru makerorera
Uthamaki wa Ithe.

9.
Roho nĩwe mũtongoria
Na nowe mwĩhoko,
Wa arĩa Atheru marĩ thĩ ĩno,
Marĩ na magerio.

10.
Mũthĩ wa mbara cĩa thĩ-ĩno,
Nagũo nĩ ũgakinya.
Ngoro ikĩgethwo iria therũ,
Ciinũke matu-inĩ.

11.
Arĩa othe mamũregire,
Nama makarĩra.
Makĩona arĩa Atheru,
Magĩkĩrũo thũmbĩ.

12.
Ciira wa Ngai nĩ wama,
Tondũ nĩ agatuĩra.
Mũndũ na maũndũ marĩa,
Ekaga thĩ ĩno.