146. ROHO MUTHERU ARENDA UTHERU

1.
Roho mũtheru arenda ũtheru wĩtherie.
Waga gwĩtheria nĩagũgũtiganĩria.

2.
Menyerera Roho Mutheru waku.
Ikĩro-inĩ ciothe wanamũhũrithia.
Mũgũtongoria ndakanagũcirithie.

3.
Wirutanĩrie mũno ũtonye igũrũ,
Mwĩri ũrehĩta ũkoiga nama ndũngĩthiĩ.
Naguo muoyo ũkoiga ngatũũra igũrũ,
Muoyo ũgakena mũno wahota mwĩrĩ.

4.
Wĩmenyerereĩ matukũ maya,
Nĩmo marathirwo nĩ Anabii a tene.
Nĩ matukũ moru mena mĩhang’o,
Mũthaithe Roho mũno amũhungurie.

5.
Gĩthethũko kĩrĩ na Atũmwo igũrũ,
Hamwe na Anabii ningĩ na Araika.
Makĩũrania Roho kaĩ ũkambata rĩ?
Waganu ũrĩa ũrĩa thĩ ũitĩrĩrio mwaki?

6.
Nake Roho akoiga ndigaĩrie hanini,
Kũrĩ ngoro itigairie kũrutwo nduma-inĩ.
Naniĩ gĩthethũko nĩkĩnginyĩrĩire,
Hinge wĩra wakwa thiĩ ngahurũke.

7.
Roho ekuga matukũ nĩ mathiru,
Makũmũthaitha mũikare ũtheru-inĩ
Nĩekuhinga wĩra ainũke akahuruke.