325. NDIKUIGUA KARUMBETA NDIGUCOKA GUKOMA

1.
Ndĩkũigua karumbeta ndigũcoka gũkoma
Maya ti mahinda ma gũkoma
Jesu e hakuhĩ gũka nĩkĩo mbaara nĩ nene
Tondũ nĩ mahinda ma magaĩ.

Mbũtũ ya mũcukani yambĩrĩria gwathana
Wambere nĩ kũbatithia mehia
Na njera yongererwo na thĩgari cia bata
Na mawatho magarurĩrwo

2.
Ũthĩngũ na ũhorerĩ na witĩgĩri Ngai
Nĩ ibatithio maciĩtage ũrĩmũ
Nayo njohĩ ibatithĩo itwo mũmenyereri.
Mekũninwo nĩ mũmenyereri

3.
Andũ nĩ mathiĩ njaga nĩguo Ngai arakare
Nĩguo mongererwo matũhũhũ
Matũhũhũ maingĩha namo nĩ mabatithio
Mametage maũndũ ma Ngai.

4.
Ũmaraya na utharĩa ciĩtagwo maendeleo
Na kĩrumi gĩtwo kĩrathimo
Jehanamu ĩbatithio mamĩtage ikenero
Megũtonya kuo matekũmenya.

5.
Mekwĩhoka mahakĩ mamatũe ta arĩ Ngai
Megũtũĩka aici matekũmenya
Nao maiyũre njera mehia matirĩ ũnene
Na gũtirĩ njera ya andũ agima.

6.
Marũrĩ nĩ moneku marĩa Jesu arathire
Na Shaitanĩ nĩkio atarakoma
Nĩ kũgeria na hinya ta ũrĩa angĩgaya andũ aingĩ
Na maũndũ marĩa andũ mendaga.