386. NGORO YA MUNDU IRIA THERU

1.
Mwathani wakwa no njetereire,
Ũka ũhonokĩe ngoro yakwa,
Thĩĩno ndirĩ na kĩhurũko,
Harĩa ndagera no magerio.

Ngoro ya mũndũ ĩrĩa theru,
Nĩyo kanitha wa Mwathani,
Itherũkaga maĩ me muoyo,
Ngoro yakũ nĩkĩ yumaga?

2.
Nĩ ngoro ciitũ itũhenagia,
Twatonga nĩ tũkũgĩa thayũ,
Thayũ wonekaga kwĩ Ngai,
Ũtonga no mũrimũ wa ngoro.

3.
Twathĩna ngoro igatũgũga,
Twanenehio ngoro ikahũta,
Twatonga ngoro igatũgũga,
Ngoro ya mundũ yendaga kĩ?

4.
We mwene tiwe weyũmbire,
Ona indo ciombirũo nĩ Ngai,
Cokia ngoro ndundu wĩyũrie,
Ngai na indo nũũ mũnene.

5.
Gĩtonga kĩrĩa kĩa Lazaro,
Ona kĩarĩ na indo nyingĩ ma,
Gĩakua nĩ gĩaikirio mwaki-inĩ,
Nĩ kwenda indo gũkĩra Ngai.

6.
Onginya Athamaki arĩa nene,
Ngoro ciao itihurũkaga,
Nĩũndũ wa kũnyarirwo nĩ andũ,
Ngoro ya mũndũ yendagak kĩ?