397. RUGENDO RWAKWA RWA MATHINA

1.
Rũgendo rwakwa rwa mathĩna
Rĩrĩa ndĩ rũgendo-inĩ rwakwa
Njũthĩrĩirio nĩ maitho maingĩ
Marĩa ndigĩte bũrũrĩ ũyũ.

2.
Matukagia mothiũ manyona
Na makanduagĩra ciira
Nĩ gũkoruo nĩ ndatigire
Gũthiaga thiritũ nao.

3.
Ndigũkũhoya ndũũre thĩ-ĩno
Kana ngũhoe ũndute thĩ-ĩno
Indĩ maroho ma arĩa atheru
Nĩ ndamaiga guoko-inĩ gwakũ.

4.
Indo ciothe ciakwa no ciaku
Na indo ciaku ciothe no ciakwa
Nĩgũkorũo ndoimire gwaku
Na gũcoka ngacoka gwaku.

5.
Andũ nĩ mahingĩirũo njĩra
Ona matingĩrekwo mone
Mategetwo na ikĩro nyingĩ
Na kwarĩrio na ikĩro nyingĩ.

6.
Amwe mahingiĩrũo na ũtonga
Na angĩ mahĩngiĩrũo na thĩna
Na arĩa macũthĩriĩrie njĩra
Makahingĩrũo nĩ ũrĩa mũru.

7.
Na tondũ mathĩna nĩ maingĩ
Marĩa maigĩtwo mbere yakwa
Rĩũ Baba nĩ ndaiga
Arĩa atheru guoko-inĩ gwaku.

8.
Nĩkĩo ndakũhoya ũmĩrĩru
Ũmaheage rũgendo-inĩ
Tondũ matũũraga na thĩna
Macũthĩrĩirio nĩ thũ nyingĩ

9.
Ndakũhoya ũmatongoragie
Na ũmahumbe na riri waku
Na wendani na ũtheru waku
Nĩcio ngũo cia ũhiki waku.

10.
Matongorie na hinya waku
Marĩithagie na ũgĩ waku
Nĩ woigire ndũkamatiga
Mahana ciana cia ngoriai
11.
Ici ciothe ndaciiga o gwaku
Na wahingĩria macio mothe
Ndakinya igũrũ nĩ ngakena
Njũthĩrĩirio nĩ maitho maingĩ