423. MATHAITHANA MAKWA BABA

1.
Mathaithana makwa Baba ũrokĩmaigua
Tondũ ndirĩ mũndũ ũngĩ ingĩkaĩra thĩ
Ũngĩnjigua ta ũrĩa waiguire Ayubu
(Ũkĩmũninĩra thĩna na mũrimũ x 2)

2.
Nũũ ũngĩ thĩ na igũrũ ingĩgĩkaĩra
Ũiyũirũo nĩ tha ta ũrĩa ũkoragwo nacio
Warutire mũrũguo waku wa mũmwe
(Na gũtirĩ kuoneka ũngĩ tawe Baba x 2)

3.
Kuma wanyũmba Baba ndũire njaragia
Mũndũ ũiyũirũo nĩ tha ta iria ũkoragwo
Kuma aciari nginya ciana ndirĩ ndona
(Ũngĩruta mũrũwe akue igũrũ rĩa andũ x 2)

4.
Wambere ũrĩa nĩĩ nyonete nowe Baba
Wakerĩ nĩ Iburahimu ithe witũ
Wakũrutĩire lsaka mwana wake
(Igongona tondũ nĩwamũthurĩte x 2)

5.
Rĩu ndirĩ ũndũ ũngĩ Mwathi wakwa ingĩkiuga
Ũndũ ũrĩa ndĩyoneire kĩrĩra gĩaku
Nĩwamenyete gĩtũmi gĩa kũnyũmba
(Na ndũikagia guoko rĩera-inĩ Jehova x 2)